[دمعة الحاشي]

للشاعر//دحام بدر الهذال
[poet font="Arial,4,blue,bold,normal" bkcolor="transparent" bkimage="backgrounds/4.gif" border="none,4,gray" type=0 line=200% align=center use=ex length=0 char="" num="1,black" filter=" glow(color=limegreen,strength=5)"]

جيت المطار ويمه الشوق جابني = شوق برى حالي ودمر شبابها

جيت اتباها واتناسا مواجعي = واثري جروح الحب يكبر عذابها

أمشي ورا قلبي وأداري عواطفي = وأعرف دروب الحب واسلك صعابها

عزي لنفسٍ ما أستلذت بعيشها = غوت غرام الغاويات وغدابها

قالوا لي انسى من نستك وتزوجت = وسدت بوجهك تالي الوقت بابها

قلت أعلم اللي صار بيني وبينها = وأدري تلاشت مي وأقفت اركابها

هذي ثمان أسنين والقلب عندها = ينزف جروح ودم قلبي أخضابها

ياما مشت رجلي على شوك دربها = تتبعني الذكرى وأنا أطرد سرابها

كنت أحسب أن الحب يسلى وينسي = وأثره توقد بالضماير وذابها

لي كلمة لاضاق صدري وقلتها = كلن يحسّب ماوارها ومابها

عفت البشر يوم البشر تأكل البشر = والحقد يمنع وصلها وأقترابها

من قل ماله قل قدره وهيبته = تكثر عيوبه ويتكابر مصابها

ورجله لياجات المجالس تعثرت = كلن يحاول ردها وأجتنابها

لقيت ناس اجواد والطيب ساسها = والعوز مال بشانها والتوىبها

ولقيت ناس عفون كل يذمها = وزود الغنى والمال شيّخ جنابها

مشيت من همي وطالت مسيرتي = في صحصح تاه القدم في هضابها

وجيت الحناكيه وجادت قريحتي = بأبيات حزت خاطري وأعتنىبها

ذا مربط خيولي وهاذي مزارعي = عقب أخضرارالغصن يبست أخشابها

وهاذي بقايا من بقايا منازلي = وأطلال يجتاح الضمايرضبابها

دار لنا واليو صرنا نمرها = أجناب تخشانا الديار ونهابها

عقب المعزه بأول الوقت والغلا = اليوم مانلقى مكان برحابها

عزالله أن هموم قلبي تعاظمت = والنار في جوفي يزيد ألتهابها

من قلة الحيله كوتني عزيزتي = مالوم عيني لويطول انتـحابها


[/poet]

[المهند]

الله يعطيك العافية ..........

مريت بكل القصايد اللي أضفتها ....... تسلم يا خوي

اختيار جيّد ........

بس لو تغير التوقيع لانه تارس الشاشه ترس

تحياتي

[فيصل التويجري]

تسلم يمينك اخوي دمعة الحاشي

اختيار موفق وصح لسان قايلها

لك تحياتي