15-12-2002, 16:51
|
#1 |
|
عضو شعبيات
|
راكان بن حثلين ... أقلطوا ...
أحبتي روّاد هذا الصرح الرائع أعضاء منتدى شعبيات الكرام السلام عليكم ورحمة الله وبركاته سبق وأن طرحت قصائد الشاعر محمد الاحمد السديري بناءا على طلب الأخ ... سنجــــار وإلى الآن لم أتم جميع جميع قصائده ولكن وقتها طلب الأخ سنجـــار قصائد الشاعر راكان بن حثلين وبناء على رغبته وإهداء لكل محبيه أقدم لكم هذه الباقه علها تحوز على رضاكم وتلاقي إستحسانكم ........ والآن دعونا نبحر في بحر بن حثلين ونغوص في قصائده وروائعه (((((((( يافاطــــــــري )))))))))) يا فاطري ذبي خرايم طميـّة // الى اشمخرت مثل خشم الحصاني ذبـي طمية والفياض العذية // تنحّـري برزان زيـن المبانـي سلام اخو نورة لزوم ٍ عليّه // قبل القريب وقبل قاصي وداني والى قضيت اللازم اللي عليّه // اللازم اللـي ما قضاه الهداني الجدي حطيته بورك المطيّة // وافرق نحرها عن سهيل اليماني نبغي ندور الطفلة العسوجية // ريحة نسمها كالزباد العماني تباشروا بي عقب سابع ضحية // وانـا علـيّ ابرك ليالي زماني خبـّي وانا راكان زبن الونيّه // ما ياخذ الفضلات كود الهداني خبـّي خبيب الذبيب بالجرهدية // ليا طالع الشيهان واللي داني لومي على الطيّب ولومه عليّه // هو ليه ياخذ عشقتي ما تناني ليته صبر عامين والا ضحيه // يـما يـميّز غربتي ويش جاني إما غـدا راكـان بالمهمهية // والا ظهر يصهل صهيل الحصاني حريبنا اليا اهدى علينا هدية // عندي مجازاته مثل ما جزاني نسهج محله لين يخلف نويّـه // يصبر كما يصبر جديع الاذاني من القطيف الى النفود محميّه // الا ان يـمشيها خوي ٍ وعاني افعالنا هذي علينا وصـيـة // فرض علينا مثل فرض رمضاني الصدق يظهر من حباله رديّه // والكذب يقطع من حباله متاني |
|
|
|
15-12-2002, 16:57
|
#2 |
|
عضو شعبيات
|
(((((( يا محـــــلا الفنجــــــــــال ))))))) يا محلا الفنجال مـع سيحة البال // فـي مجلسٍ ما فيه نفسٍ ثقيلة هـذا ولد عم ٍ وهذا ولـد خال // وهـذا رفيـقٍ مـا لقينا مثيلة يا ليت رجـال يبـدل برجـال // ويا ليت في بدل الرجاجيل حيلة يا بو هلا طير الهوى خبّث البـال // الطير نـزرٍ والحبـاري قليلـة يالله ياللي طالبه مـا بعد فـال // ياللي من الضيقات ينجي دخيلة افرج لمن قلبه غدا فيـه ولـوال // والنـوم ما جـا عينه الا قليله لا من ذكرت رموس عصرٍ لنا زال // شوف الفياض وفقد عز القبيلة يا زين شدتـهم اليا روح المـال // يتلون براقٍ حقوقٍ مـخيلـه يسقي خصيفا والثمان ارضها سال // مرتـع معطرة السيوف الصقيلة اللي ليا ركبوا على كل مشوال // يفرح بـهم راعي النياق الهزيلة من جـو ساقان الى سيف همال // وينـوش حسنا والرديفـة هميلة ولا قادنا من يـمة القفر خيـال // يصبح شديـد البدو عجلٍ رحيله زاع السلف واستجنبوا كل مشوال // والعصر يا مـحلا تخيبط نزيلـه وان شرف البادي على روس الاقذال // والمال كثـر الـزول زود جفيله وتلافحت من بينهم شهب الاذيال // ومـن ضيـع المفـتاح واعزتيلـه ركبوا على طوعاتهم كـل عيّـال // وكـل ابلجٍ يـحري بكسب النفيله تغانـموا المفزاع ذربيـن الافعال // مـن قبـل تسبق غارة تنثنـي لـه يبغون طوعة روسهن قبل الادمـال // وتغانـموا خلف كثيـر هجيلـه وحال الكمي من دون عطرات الاجهال // ومـروا ولحقـوا مقحمين الدبيلة واللي تريّض عقبهم يلبـس الشـال // مـن صنـع داوود دروعٍ ثـقيلة يلـزم عليهم علـة عقب الانـهال // ومـن غارتـه لـزمٍ يضيع دليلـه والـدم بقطـيّ الرمك يثعل اثعـال // يـزعج علـى اوراك السبايا وشيله هذي براعيها عـن المعرقـة مـال // وهـذي شكلهـا مطرّقٍ مـا تشيله من وقـع كـل مجربٍ قد له افعال // وفـروخ صياد الحبـاري فـصيلـة واليا ركبنـا فوق عجلات الازوال // وبايـماننا حـدب السيوف الصقيلة وما ظن نحسب لااشتبك عـج واقتال // نـتـرك صبـيٍ يقتنع بالفشيـلة وصـلاة ربـي عـد مـا زايلٍ زال // علـى نبـي الحـق راعي الفضيلة |
|
|
|
|
15-12-2002, 17:02
|
#3 |
|
عضو شعبيات
|
((((((( لا واهني )))))))) لا واهني يا طير منهو معك حـام // والا انـت تنقل لي حمايض علومي إن كان لامن حمت وجهك على الشام // أيسر مغيب سهيل تبغى تحومي باكتب معك مكتوب سر ولا لام // ملفـاه ربـع ٍ كل ابوهم قرومي سلم على ربعٍ تنشّد بالاعـلام // لا واهنـي مـن شافهـم ربع يومي ومن سايلك عني فانا من بنـي يام // من لابـة ٍ بالضيق تقضي اللزومي ربعي ورا الصمان وانـا بالاروام // من دونـهم يزمـي بعيد الرجومي ومن دونهم حوران ضلع ٍ بعد زام // دار ٍ اهلها ما تعـرف السلومـي حال البحر من دونـهم له تليطام // ومن دونـهم مايات موج ٍ تعومـي من عقب ما سيفي على الضد حطام // اليـوم سيفي جادعه صار شومي صارت سوالفنا معه مثل الاحـلام // مالـي جـدا يكود عد النجومي لامن ذكرت رمـوس عصر ٍ دام // قمت اتـململ والخـلايق نيومي يالله ياللي طالبه ماهـو يـظـام // تفـرج لشخص ٍ لاجي ٍ عند قومي الله من عين ٍ لها سبـعـة اعـوام // تسهـر وتبكي من كثير الهمومي الحال باد وباقي ٍ جسم واعظـام // كنـه مـريض ٍ واقع ٍ ومحمومي وقعت انا في ديرة ٍ ما بـها اسـلام // والبـن الاشقـر ما يدار معدومي سجين سجن ولاجي ٍ عند ظـلاّم // ودونـي بـحور وبالحديد محزومي والجفن يسهر تالي اللي مـا نـام // ومن جملة الكيفات صرت محرومي وعزي لمن مثلي عليه الدهر هام // مقصور رجل ولا جزع ما يشومي وصلاة ربي عد من يلبس حـرام // وعداد مـا تذري ذواري سمومي سلااااااااااااااام ولازال للحديث بقيـــــه ،،، الريـــــــــم  |
|
|
|
|
15-12-2002, 17:02
|
#4 |
|
Guest
|
الله يعطيك العافيه والف شكر ماقصرتي تحياتي |
|
|
|
15-12-2002, 17:16
|
#5 |
|
شــاعر
|
الله يعطيك الف عافيه يالريم مجهود رائع تشكرين عليه والله لا يحرمنا من سنجار الي امتعنا بطلبه تحياتي اخوكم فيصل |
|
|
|
|
15-12-2002, 18:42
|
#6 |
|
عضو شعبيات
|
الله يعطيك العافيه على هالموضوع ونريد المزيد الف شكر اختي الريم |
|
|
|
|
15-12-2002, 19:42
|
#7 |
|
شاعر
|
يعطيك ألف ألف عافية ... على هالمجهود الرائع ... والله يبيض وجهك على الجهود الجبارة هذه ... شكرا لكي ولمن كان السبب في توهج متصفك ... أخوك : عبدالله التميمي |
|
|
|
|
16-12-2002, 06:16
|
#8 |
|
عضو شعبيات
|
الريم.......................
مشكوره على هالقصايد . . . . . من اللي غني قصيده ياماحلا الفنجال مع سيحه البال ؟؟؟؟؟؟؟ اللي يعرفه يعلمني.. سلام |
|
|
|
|
24-12-2002, 10:53
|
#9 |
|
عضو شعبيات
|
لأهنتي مليووووووون وموضوع متميز جدا وشكرا لك. وجهد طيب والى الامام. وبقدم كم قصيده للامير راكان بن حثلين. {الـلـه مـن قـلـب غـدا فـيه تـــفريق} الـلـه مـن قـلـب غـدا فـيه تـــفريق &&& يـتـلي ضـعـون مـبـعـديـن الـمـنـاحـي قسم بـتـغريب وقـسم بـتـشــريـق &&& والقـسم الآخـر مـا ادري ويـن راحـي لي صاحـب مـا فتق البيت بي ويق &&& ولا عـذبـه طـرد الـهـوى والـطـمـاحـي والله يا لولا افـاهـق الصبـر تـفـهيق &&& وارحبي عسى دربه يجيلي سماحي أبوي يـا حامي عـقـاب المـشافيق &&& لا طــيــر الــذلان ضـــرب الــمـلاحـي راعي الـدلال بـل وضـايـف غـرانيق &&& الدلال فـيـهـن أشـقـر الـبـن فــاحــي وحامي حدور الخيل وقت التزاهيق &&& وكـريـم سـبـلى في ليال اشـحاحـي ذبـاح حـيـل عـلـقـن بـل مـشـانيق &&& حـيل الغنم مـع مسـمـنـات الـقـاحـي سوقوبها شـقح البكار المـلاهيــق &&& مـثـل الـقـنوف اللي بـها البرق لاحـي ترى لها الرجـال اقـرومــن مطاليق &&& كسابـت الـعـلـيـا الـطـيـور الـفـلاحـي {يـا ونـتـــي } يـا ونـتـي ونـت خـلـوج تـسوفـي &&& عـلى مـكان حوارها تعول اعوال لأبو دليقي فوق متنه صـفـوفـي &&& راعـي أشـقر مـتثيني كنه حبال في عينه اليمنى جموعا وقوفي &&& وفي عينه اليسرى ثمانين خيال وكن القلايد في نحرها شنـوفـي &&& في لابة كنها قراطـيـس عـمـال وكن الردايف لا قـفتها شـفـوفـي &&& تـشــبـه بـواكـيـر تـحنـا الجـهـال إن قـلـت ديــان فـلا هـو بـيـوفـي &&& أمـا الحـديـث الـزيـن كـل بـيكتال {حمــزه مشينا مـن ديار المحبين} حــمـزة مـشـيـنـا مـن ديــار الـمحــبين &&& اللــه يــرجـعـنـا عــليهـم أسـلـومــي فـــي مــركــب جــزاه تــرك ورومــي&&& مشـوا بـنا العسكـر الــدار السـلاطــيـن مـا حـن نشوف ألا السمـا والنجومـي &&& عـشريـن لـيـل يـمـة الـغـرب مـقـفـيـن والــقـلـب يـا حـمزة تـزايـد هـمـومـي &&& والنوم يـا مشكاي مـا لاج فـي العــيـن هـيـهـات لـو إنـي عــرفـت العـلومـي &&& مـن الـخداعـة واحــتــيـال الـمـلاعــيـن وخـلـوا نـجـايـبـكم مـع الـدو تــومــي &&& هيا اركبوا مـن عـنـدنــا فــوق ثـنـتــيـن تبغي الشـراب ولا يـعـتـها السمومـي &&& لا زوعــن بــالــوصـف مـثل الـقطـاتــين نـحـال مــن كـثـر الـحـفـا والـرثـومـي &&& اليا اصبحـن كنــهن جــريـد الـبـساتـيـن أهـل الشـجاعـة والكـرم والـعـزومــي &&& تـلـفـي عـلى ربــع عـساهـم عـزيـزين لـطـامــة لـلــي عــلـيـهــم يــزومــي &&& ربـعـي ضـنــا مـرزوق بـالـعـسر واللـين حـريـبــهـم مـن هـمـهـم مـا يـنـومـي &&& عــجــمــان لا رد الــبـرا لـلـمـعــاديــــن مـن فــوق زلـبـات تـبـوج الـحـزومــي&&& يـوم الخيانـة لـيـت هــم لــي قــربــيـن مــركـاظهـم يشبع وحـوش تـحـومي &&& ولـيـا تــعــلـوا فــوق مـثـل الشـيـاهـين وكــم شـيخ قـوم تـوهـم مـا يـقومـي &&& نــوب ســلاطــيـن ونــوب شــيـاطـيــن يـاللي لـه التقديـر فـي كــل يــومــي &&& يـا اللـه يــا قــابـل ســؤال الـمـصلـيــن وانــك تـروف بــحـالـنـا يــا رحــومـــي &&& انــك تــثـبـتـنا عـلـى الحــق والــديــــن مـن عقب مـا هـن نـوسن العلومـــي &&& وعـسى مـقـابـيـل الـليـالـي لـنـا زيـــن وشيد منار الـدين وأعلى الـرسـومـي &&& وصلوا علـى اللـي وضح الزين والشـين والبقيه ستاتي انشالله. |
|
|
|
|
25-12-2002, 16:04
|
#10 |
|
عضو شعبيات
|
الله يعطيك العافية
ألأخت الغاليه الريم ........... الله يعافيك على هذا النقل الجميل ولا يهون اخي الغالي / فتى الوادي على الملحق الرائع تحياتي هبوب الشمال |
|
|
|
|
27-12-2002, 03:47
|
#11 |
|
عضو شعبيات
|
خالد العنقري ... الله يعافيك اخوي لاشكر على واجب حاضرين للطيبين فيصل بن خالد ... يعافيك ربي ولووووو عيوني لكم ويستاهل سنجار الجــــار ... الله يعافيك اخوي أبشر بالخير ياهلا فيك تحياتي ،، الريــــــــم |
|
|
|
|
27-12-2002, 03:54
|
#12 |
|
عضو شعبيات
|
عبدالله التميمي ... الله يعافيك وماتقصر أخوي أسعدني تواجدك هنا ياهلا فيك ومليون مسهلا فارس تميم .. لا شكر على واجب حياك الله أخوي من جهتي والله ما اعرف مين غناها ياهلا فيك فتى الوادي ... شكرا لك وياهلا فيك والتميز بحق هو تواصلكم شكرا لك على الإضافه وتسلم هبوب الشمال ... ياهلا فيك مليون نورت المتصفح أخوي شكرا لك ... تحياتي للجميع ،، الريــــــــم |
|
|
|
|
27-12-2002, 04:03
|
#13 |
|
عضو شعبيات
|
يازين ياللى زين ياللي في ذراعك نقاريش الحكم حكم الله وامرك على الراس ان ردتني حشاش سيد الحواشيش وان ردتني حطال قرب لي الفاس وان ردتني خيال اروي المراييش نثني وراهم يوم الارياق يباس والفرح لا يغويك في صفة الريس طير الحبارى ياريش العين قرناس الهرج يكفى صامله عن كثيره ياراكب من عندنا فوق شقران خرزها بالخرج فوق النجيره أوعل سلامي لاخو نوره ببرزان وعقب السلام تخبره بالسريره من باب عمان اليا باب نجران ماهو انا يا الضيغمي انت اميره علم لفانا فيه ليل وفوران استر قلبي يوم جانا بشيره جا من حمود شوق مياح الاردان هو شوق من تزها الشقايق نظيره عضيد اخوه بصادق الفعل ولسان ودبولر راس اللي دوابه مسيره فرز الوغا لاجا ثقيلات الاكوان لاسل مصقول السني من جفيره خبرتني ياحمود عن طير حوران يوم على عروا تكسر عويره هلت مخاييله بدرج وسبهان ما ينتميز وردها من صديره تذكز محمد جامع نجع عتبان ذخيره ياوي والله ذخيره الامر قدره الولي عالي الشان والا عتيبه ماعليهم قصيره كرمان وان ركبوا على الخيل فرسان اليا اختلط عج الرمك بالمغيره سبيتنا سب على غير برهان ماتستوي هذا لزبن العشيره وحنا بديرتنا ولا حن بجيران في شايه اللي مايوازي جويره حامين ديرتنا بخيلى وفرسان يوم ان كل له حدود وديره من زان حنا له على الزين خلان وضر اليا حرك تزايد سعيره ماقل دل وزبده الهرج نيشان والهرج يكفي صامله عن كثيره راكان بن حثلين سلااااااااااااام الريـــــــم |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
