[صالح العبدالكريم]

ش عاد له ازعل وانا ممتلي صبر ................ ش عادله اشره وانا قافل الباب عيب ٍ على مثلي ترى ومثلك يخبر ................. انّه يهز ّ رقبته إن هزّت أرقاب تذبحني واسكت لا بعد تنتقي قبر ................. ودّك تأكد وش كرامات الأحباب !

[صالح العبدالكريم]

مرّه اجي من لهفتي .. في مكانك .............. ومرّه .. اشوفك في مكاني تجيني من زود ما احس بولهك وحنانك .............. اخاف انام .. وما تضمّك يديني !

[صالح العبدالكريم]

ماني على خبرك إذا تهت أعاني .................. أبشرك صرت اضحك إن زارني هم يمكن تبلّد .. يمكن إنّه خذاني : .................. اليأس من صدق البشر وأكثر الذم من كثر ما حاس التناقض زماني ................... ما عاد ابيني الطيّب الممتلي دم عزّمت ابصنع لي سفينه تحماني ................. والناس حولي وغايتي أركب اليم خايف وزيز الغيم يصقه أذاني ................. وانا احفظ الأرض ودعابيسها صم صرت أحسب ايام السنه بالثواني ................... اقلّه اعرف فاتني من السنه كم وإن عوّد الحكي لطلبتك عشاني .................. بقول خلّك من عشاني .. ورح نم وش فادني يوم انصحك وتعصاني .................. مابي يتولّج سيرتك : مرهي الفم الناس ماله غير طهر الأماني ................ وأنا خذيت من الطهر أغلب الهم ..!

[صالح العبدالكريم]

ودّي احبّك وأزرع بحبّك الغيم .................. ورد ٍ مثل خدّينك .. وريح جسمك منت بحلو واجد ولكنّك طخيم ................ والملح فاق الزين .. والموق رسمك ملموم وأهيف وأكحل وممتلي لحيم ! .............. والموت علكك للحكي .. ونطقك اسمك جرّت عيونك تشبه الصاحي النيم ............... وإلا السوالف طير .. بشّر بوسمك يا معلّم ٍ سرب القطا كيف الأفيم ............... يحجز زلال الماء .. ويغنيه قسمك خايف أحبّك يلحقك بالهوى ظيم .............. وخايف م احبّك .. وآتمايل لأسمك !

[نوف السالمي]

يا ملتهي عن ذكريات الغوايا

......... وش فايدة حب ٍ على وجهه الماء



ما تشوف نفسك لا لقتك المرايا

......... كيف الغلا ماله مسامات و ايحاء



طاحت من اقصى دعوتيلك شفايا

......... ما غير اردد اسمك .. بكل الأسماء



يا مختلف .. وينك تزور الحنايا

........ وتشوف كيف بغيبتك : ماتو احياء ..!








ص . ع

[صالح العبدالكريم]

لا تحسب إنّي يا حبيبي نسيتك ................. تراني غيرك لو تهبّ المشاريه ليتك تركت الشك عنّك وليتك .............. عرفت كيف الشوق تحسب طواريه يعني وش اكبر من خفوقي عطيتك ............... يعني وش اصغر من ملامك اداريه أو افضع من الشوق يومي شكيتك .............. أو اونس من الليل والليل اثاريه : ما هو فراغ العاشقين إن هويتك ................ إلا وجع قلب .. ومغثّه لساريه كتبت فيك من الحنين وقريتك ................ وجمعت كل اللي كتبته وقاريه لجل أذكر إنّي في غيابك لقيتك : ............... لو ما مشيت بنفس دربي تباريه !

[صالح العبدالكريم]

السموحه منك يا قلبي السموحه ................ كان محد ٍ حسّب جروحك جروحه من كثر ما دمعك ينقّط بصدري ............... صرت احس ضلوعي غطتها الملوحه يا كثر ما قلت لك حذراك تامن : ................. غير للّي سكّــنك ربّك بروحه بس مثلك ما تفيد به النصايح .................. لأنك اطهر من كلامي لو ابوحه انت مشكلتك تحسب الكل بالكل ................. بس ما عمرك حسبت احد ٍ بروحه وقتنا ما هوب ذاك الوقت الأول ....................يوم كلاً يرمي العيب ويشوحه وقتنا يا قلبي وجيه ٍ تلوّن .................. وتختلف الوانه من لوحه للوحه وأنت والله ما مثل نبضك وربي ................ لأنه يشبه طيبك ويعكس وضوحه !!

[نوف السالمي]

رائعه ..استمتعت بها .. لـ ( ص , ع ) ..




حبــيــبي أسألـك بـ الله

وش اللـّي بـاقي تـنتـظـره ؟

...وأنـا مـا كــنـت منـتــظـره !!

.... مــدامـي كـل مـا مدّيـت

.......... كفـّي للــوصل اقــفيت

................ وطــاحت في يــدك نـظره .



كـأن الــوقـت مـا يعنــي لـنا غــيـر انــنـا نـبكي ...

على الجـرح وتـفاصـيله ...

ونـحسـب كم بقى خـطوه بنـقضيها قبل نـحكي ..

سوالـف عشـقنا بـليلــه ..



كــثير الحـب لا منـّه سـرق نـبض القـلوب ..

...... يــهـــــيـــم

...... ويصــبـح للحـنايـا ديــم ..

......وبعـده يا نـعيشـه شـوف ...

............او إنـّـا نحـتــريه يــذوب !!





طـرق نــجم الســماء بـابي ...

وأنــا مـابــي ....

اعرف الســهد يــشبهـني ...

كـثير اكثـر من تــرابي .....


و ][ لــكن ][ لله الخــيـــره ..

....... مدام إن العــمر غــربه ..

.....بيــموت من الوفــا ديره ..

.......ويحيـا من الهجــر ديره ..

..........ويبـقى للســكوت شـفاه ..

...............يـخـون الصدق تــعبيــــره !!





ودامـي اسألك بــ اللــه ....

ابرجـع و افــتـح جـروحي .. وابنـثــر كل مـا فيـها ..

عسـاي اعيـد بك روحي .. قبل لا الشـوق يفنيها ...



واقــول بجــد وشلـونك ...

..... ذبــحت الصــبر بضنونك ..

...تــعــال وفـتـّش بقلبي ...

....وأنـا بـفــتّـش عــيــونك ..





وبعــْـَدها يـا تجي كلك ....

تسابـق نشوتـك ضلّك ....

او إنّا نسـتريح غيــااااااااااااااااااب ...

او إنّا نسـتريح غيــااااااااااااااااااب ....

[صالح العبدالكريم]

هلّ رمضان .... وتذكّر كلن احبابه .............. عزّي لمنهو تفطّن ...... جرحه بخلّه بعض الملامح تموت بحضرة اسبابه ............... ويبقى الموادع كلام .. ودمعك يهلّه شهر ٍ فضيل .. وغفورٍ : فاتح ٍ بابه .............. إسأله ..! لامن سجدت الجنّه ... وقلّه : يا رب يا رب يااااااااااا رب يارب يمـّن كتابي ... ويمّن كتابه ............ واجعلنا ممـّن .. بظل كرسيك تظلّه ..!! يا رب تدري : كأن البارح غيابه .............. وما غيرك احد ٍ اجيه .. وجيتي ذِلّه من يوم موته .. وانا متلهلم ثيابه ............... من يوم موته .. وانا محتاجٍ اوصلّه من يوم موته .. وكلمة ميّت اغشابه ................ وانت الكريم .. ورعيت اليُتم والقِلّه انا اعرف انه رحل ودعاي اولابه .................وأنت الغفور .. وعليك المُتكل كلّه !!

[صالح العبدالكريم]

تكفى لا تنشدني عنّي يا نفود العاذريّه ................ شفني جيتك مختنق وبذمّتك مابي ابوح يكفي اني كل م احفر رملك اتمنّى يديّه ................. تدفن بوسطه كلام وكومة ضلوع وجروح وانا ادري إن صدرك واسع ونفسك خليّه ............... وانت تدري إني جيت ادوّر الضحكه واروح !!

[عنود]

ربما المتصفح للشاعرفقط
ولكن وجدت نفسي مستمتعه فرغبت في تسجيل الحضور والمتابعة

[صالح العبدالكريم]

الصبح صبح ٍ للكلام وللملامح والحياة ...................وانتي صباحي اللي احبّه واعتبره عباده انتي عطيتي النوم نكهه والمطارح امنيات .................. وانتي عطيتي الصحو ضمّه خاثره بزياده يا الطف تراتيل الغلا والمقدره والتسميات .................... انتي صباح الخير وانتي مبسمه واعياده يا احلى مواويل الغنج والتكتكه والأغنيات ................... الصبح صبحٍ به تصير البوسه اجمل عاده ..!

[صالح العبدالكريم]

كل الكلام اللي نستـه الحنايا ..... فجأه ظهـر والمشكله تدري شعاد: لا صار دمعـك لا نزفـته..هدايا ..... ولا صار حزنك ما يبي طاري بعاد !!

[صالح العبدالكريم]

الكلمات صناعة قلب قد يكون به فاقه وتوقف منذ زمن ولكن هل القلب صناعة كلمات ..!؟ بحثت في دور النشر / ورّاقيّ الميادين .. حتى في أوراق الترمس .. التي نفذ ما بها من اُنس عاشقين للحديث .. حتى هذه اللحظه .. لم أجد إجابه .. وأنتهى مشهد من الحياة ؟

[صالح العبدالكريم]

موتي إنِّي أعرف الغالي عطوف يوم رتَّب غيبته .. والله معاه ! حتى قرِّب والمس بيدِّك وشوف كيف خاط جروحي بـ إبرة غلاه !