02-11-2001, 03:02
|
#1 |
|
رحمة الله عليه
|
خـويّـنا مانصلبه بالمـصاليب
بسم الله الرحمن الرحيم اخواني واخواتي :السلام عليكم ورحمة الله وبركاته. بدايةً اكرر التهنئه للجميع بهذا الموقع الفريد من نوعه في حفظ الموروث الشعبي وجعله قريب من كل من يريدالإغتراف من منهله العذب... وثانيا : اكرر التهنئه لأخي /هاوي قصيد على هذه الثقه واللي يستحقها فعلا... ####################################### ثالثاً: القصه والقصيده ... هذه القصه تتحدث عن طبع الوفاء والرجوله... (( للخوي ))والمقصودبالخوي في هذه القصه هو المخاوي في السفر ... في بداية القرن 12 الهجري كان هناك قافلة حجاج قادمه على الجمال من بيت الله الحرام بعدآداء مناسك الحج..وفي أول الطريق أصيب أحد الركب بمرض ((الجدري )) واستمرت القافله بسيرها والمصاب بصحبتهم وعند منتصف الطريق وعند جبل بلغه اشتدالمرض على المصاب...مماتعذر استمرار السير به..والقافله تتكون من مجموعات مع بعضها ولايمكن الأنتظار لحد شفائه.ورأوا انه من الضروري بقائه والجلوس بصحبته .. وقد قام بطل من هؤلاء الرجال ونذر نفسه بان يجلس عند هذا المريض حتى يقضي الله امره اما وفاة دون تعزير او حياة يريدها الله له بسبب هذا الأجراء..وجلس مع المصاب في سفح جبل بين اوديه ليس فيها الا الضباع والذئاب ونظم هذا البطل قصيده أرسلها مع الركب الى والدته بالرس حيث انها لابد ستسأل عن ابنها الذي لم يصل ضمن صحبه.... وعندما بريء المصاب من المرض عاد الأثنان الى الرس ....وقبل القصيده: لابد من ذكر اسم هذا البطل... يدعى : محمد بن منصور بن ريس ...التميمي لما عاد الى الرس سمي (( اباالضلعان)).تكريماً له على هذا العمل البطولي...ولاتزال سلالة المذكور...تعرف ب(الضلعان) الى اليوم.... ((سيرد اسم ((ابن رخيّص )) وهو أمير القافله)) قصيدة ابا الضلعان ((بن ريس )) قل هيه هلا ياشايبات المحاقيب ### أقفن من عندي جداد الأثاري اقفـن بالرخـصه كمايقفي الذيب ### الى طالع الشاوي بليل ٍ غداري لكن صــفق اذيالهن بالعـراقيب ### رقاصة تبغي بزينه تماري يابن رخـيّص كـب عنـك الزواريب### عمارنا يابن رخيّص عواري خـويّنا ما نصــلبه بالمـصاليب ### ولايشتكي منّادروب العزاري لزماً تجيـك امي بكـبده لواهـيب### تبكي ومن كثر البكاماتداري تنشدك باللي يعلم السـر والغيب ### وين ابني اللي لك خوي ٍمباري قل له قعد في عاليات المـراقيب ###في قتةٍ ٍماحوله الاالحباري يتنا خـويه لين يبـدي به الطيب ### والا يجيه منا الصواديف جاري وان كان ماقمنا بحـق المـواجيب ### حرمن علينا لابسات الخزاري ... وسلامتكم واعذروني عن التقصير....  |
|
|
|
02-11-2001, 04:10
|
#2 |
|
موقوف
|
والله انك من الرجال اللي ما يصلبون خويهم بالمصاليب الف الف شكر اخوي راعي العنود على هذه الهديه الرائعه وبيض الله وجهك يا غالي وننتظر منك هدايا(طماع عاد وش تقول) [ نوفمبر 01, 2001: تم تعديل الموضوع بواسطة : هاوي قصيد ] |
|
|
|
|
02-11-2001, 04:23
|
#3 |
|
شـــــاعــــــر
|
بيض الله وجهك يا راعي العنود مهيب غريبة البطولات على الرس واهلها جزيرتنا منين رحت لقيت بطولات الحمد لله المنتدى بعمر من هالقصص الزينة تحياتي لك |
|
|
|
|
02-11-2001, 17:35
|
#4 |
|
رحمة الله عليه
|
اخوي : هاوي ....صح بدنك والله يسلمك وهذا من طيبك....تسلم والله يحفظك.... اخوي: هاوي الأمثال الشعبيه مع قصصها الواقعيه لها كرسي عندكم وتقبلونه...احيانا يصير فيها ابيات شعريه واحيانا قصص ,,,,,,, <<<<<<< يخاف يحط له موضوع تنهزره. مع تحياتي ..... |
|
|
|
|
02-11-2001, 17:42
|
#5 |
|
موقوف
|
اخوي راعي العنود هذي مكانها عند جيرانا بالاقلاع التراث وسوالف الاولين وعلى فكره شوف ملفك الشخصي الله يطول لي بعمرك زعلان لان مكانها ماهو هنا  |
|
|
|
|
02-11-2001, 17:46
|
#6 |
|
موقوف
|
احيانا المثل يكون في قصيده ومعاها سبب سواء للمثل او القصيده فيكون مكانها هنا يعني بالعربي ثلاث سطور كلام مع اربع بيوت او ثلاثه مكانها هنا هذا طبعا خاص بسؤالك فقط اما الباقي فسبق ايضاحه وسوف اقوم بعمل موضوع بهذا الشان لانه كثرت الاستفسارات وتقبل تحياتي |
|
|
|
|
02-11-2001, 17:49
|
#7 |
|
رحمة الله عليه
|
اخوي : ابونوت ....الله يسعد ايامك بكل خير... تسلم يالغالي ...والقصه والقصيده جبناها ماهو على شان ديرتي وافاخر به وان كان لي حق الفخر لكن القصد العبره ... من هذه الشجاعه للرجل وأن الرجل المريض لايمت له بأي صله الآ انهم سافروا مع هذه القافله. المريض من بلد غير بلد الشاعر ...ولكنها الخوه...فكيف هالحين بالأخوان يجلسون بالمحاكم مطالبات...الله يكفينا شر الدنيا....تسلم يابعدي يابونوت ... ويالله لك الحمد الجزيره توحدت بدماء ابطالها ورجالها اللي لهم قصص من الشجاعه لاتعد ولاتحصى وكل بلد فيها شجعانها والنعم والله بالجميع... |
|
|
|
|
02-11-2001, 23:18
|
#8 |
|
العضوية الماسية للموقع
|
راعي العنود مهيب غريبة الابداع بكل ما تكتب الله يعطيك الف عافيه 0 0 0 معك حق مليون مره تفاخر بديرتك واهل ديرتك اهل الدين 0 هذي شهدة حق 0 0 |
|
|
|
|
03-11-2001, 20:14
|
#9 |
|
رحمة الله عليه
|
اختي النادره :نادره ........الله يسلمك اختي ويطول بعمرك .شكرا لتواصلك والله يعطيك العافيه لكن ترى لي طلب عندك مارديتي عليه بمجموعة اخوي هاوي ..تسلمين على كل حال... |
|
|
|
|
03-11-2001, 20:24
|
#10 |
|
موقوف
|
بو صالح اذا كان ممكن ولا عليك امر تجي ماسينجر |
|
|
|
|
05-11-2001, 03:04
|
#11 |
|
عضو شعبيات
|
احســــنت وصـــــح لســــــــانك ســـالفه مفــــيده وفيـــــها عبـــــر و دروس شكـــــــرا  <IMG SRC="cwm1.gif" border="0"> <IMG SRC="cwm11.gif" border="0"> |
|
|
|
|
05-11-2001, 13:51
|
#12 |
|
عضو شعبيات
|
تسلم والله وماقصرة والله يهنيك ويعطيك القوه والغافيه  <IMG SRC="cwm11.gif" border="0"> <IMG SRC="cwm11.gif" border="0"> |
|
|
|
|
06-11-2001, 17:40
|
#13 |
|
رحمة الله عليه
|
اخوي : فيصل السبيعي ....الله يسلمك ومشكور على هذه الزياره....تسلم يابعدي ... |
|
|
|
|
06-11-2001, 17:48
|
#14 |
|
رحمة الله عليه
|
اخوي :مطرح القعدان...الله يسلمك يالحبيب ,,, تسلم والله يغافيك |
|
|
|
|
08-11-2001, 02:24
|
#15 |
|
العضوية الماسية للموقع
|
راعي العنود طلباتك اوامر طال عمرك 0 وانت عارف وش قال في اخر رد حيث انه طلب بعدم نشر اي شىء يخصه!!!!! لك الشكر 0 |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
