25-03-2004, 02:00 | #1 |
عضو شعبيات
|
أبيات أصبحت أمثال
أول ما ابدأ به هو بيت الأمير عبدالله بن رشيد يا حسين ما يشتك كود الرديين0000 والا ترى الطيب وسيع بطانه ويقول محمد الأحمد السديري لعل قصر ما يجي له ظلالي0000 ينهد من عالي مبانيه للساس ويقول بن سجوان يمنا بلا يسرى تراها ضعيفه0000 ورجل بلا ربع على الغبن صبار ويقول خضير الصعيليك لله يعدلها عن الضلع والميل0000 والا يميلها على الناس مره ويقول عبيد بن رشيد اضرب على الكايد الى صرت بحلان000 وعند الولي وصل الرشا وانقطاعه ويقول عبدالله اللويحان الحنضله لو هي على شاطي النيل000 زادت مرارتها القديمة مراره ويقول محمد المنصور خوينا ما نصلبه بالمصاليب00000 ولا يشتكي منا الجفا والعزاري ويقول عبيد بن رشيد خوينا لو هو من الجد بصليب00000 متعلق منا براس السنامي واللي يتذكر مثل هالابيات يتكرم بالمشاركه اخر تعديل كان بواسطة » فيصل1 في يوم » 25-03-2004 عند الساعة » 04:27. |
25-03-2004, 05:18 | #2 |
عضو شعبيات
|
لأهـنــت يا ابوفيصل والله ابيات جزله وموضوع رائع ودائما الابيات الرائعه تكون تصبح مثال على مر السنين مثل بيت : راكان بن حثلين : ماقل ودل وزبدة الهرج نيشان = والـهـرج يكفي صامله عن كثيره وأيضا بيت المتنبي : لاتنه عن خلق وتااتي بمثله = عار عليك اذا فعلت عـظـيم وأيضا راشد ابن الذيب : الولد وإن طاب قالوا : من خواله = بالخوال يسـال قبـل الوالدينـي وتقبل تحيـــاتي الخويطري |
25-03-2004, 16:14 | #3 |
الـحـــرّاب
|
لا هنت يا فيصل.. موضوع رائع.. لي عوده عندما اجد ما اضيفه.. لك الود.. |
25-03-2004, 17:15 | #4 |
شـــاعرة
|
مساءك خيير ونور فيصل موضوع جديد في فكرته ورائع لاهنت لي عوده فالأبيات كثيره ودي واحترامي |
27-03-2004, 02:29 | #5 |
شــاعــر
|
موضوع رائع يافيصل تسلم والله والابيات في هالمجال كثيره لعلي اذكر شطر بيت يقول لاطلعت من الرعيه ..لاتنّد من رعاها وبيتين لراكان بن حثلين مشهوره جدا ياماحلى الفنجال مع سيحه البال **في مجلس مافيه نفس ثقيله هذا ولد عم وهذا ولد خال***وهذا رفيق ماندور بديله وايضا فيه بيت لااعرف من اللي قاله وش عاد لو ربّع الخبّيز***عشب الحمى مايتهنا به ولعلي ان ذكرت شي رجعت تحياتي لك |
27-03-2004, 02:54 | #6 |
شـــاعــر
|
موضوع رائع جداً .... ومما أذكر بيت لا أعرف قائله : نعد الليالي والليالي تعدنا ،،،،،،،،،،،،،،، والعمر يفنى والليالي بزايد ... وكذلك بيت الشاعر الفارس محمد بن سرار المنبهي الشهراني : إن عشت ياراسي كسيتك عمامه ،،،،،،،،،،،،،،،،،،، وان مت ياراسي فدتك العمايم وكذلك بيت الشاعره نوره الهوشان : اللي يبينا عيّت النفس تبغيه ،،،،،،،،،،،،،،،،،،،،، واللي نبي عيّا البخت لا يجيبه وكذلك من الابيات الشوارد في العشق بيتين للسديري : يا معدي المرقاب خله لمشتاق ،،،،،،،،،،،،،،،،،، حوّل وخل امعذب القلب يرقا ياليت ربي ما خلق حب وفراق ،،،،،،،،،،،،،،،،،، ولا خلق حب ٍ على غير فرقا وهذه ابيات لا أعلم منهو قائلها : من يبذر المعروف يجني ثمرها ،،،،،،،،،،،،،،،،،،،،،، ومن يظـلم العالم توافيه لقدار ومن راد بنتٍ ما يهمه مهرها ،،،،،،،،،،،،،،،،،،،،،، ومن يهمل ادروسه لقى خمسة أصفار كم واحدٍ في نعمةٍ ما شكرهــا ،،،،،،،،،،،،،،،،،،،،،، ما يدري إن الله يبدّل بالاعسار أحدٍ إلى سافر يحصل دررهــا ،،،،،،،،،،،،،،،،،،،،، وأحدٍ يعوّد مفلسٍ عقب الاسفار ولكم فائق تحياتي |
01-04-2004, 03:17 | #7 |
عضو شعبيات
|
اشكر الجميع على التفاعل بالنسبة للبيت الذي ذكره الاخ محمد بن حزام : نعد الليالي والليالي تعدنا 000 والعمر يفنى والليالي بزايد هو للشاعر راشد الخلاوي وتذكرت بعض الابيات التي أصبحت أمثال أو تصلح لأن تكون أمثال يقول عمير بن راشد : يا ليتني ما صرت شيخٍ لقابس0000 هني نفسٍ لا عليها ولا لها ويقول الامير محمد بن سعود ( غزالان ) وكان مشهوراً بالجمال والشجاعه : الزين ما يدقم شباة السناني 000 والشين ما يقصر يدين يطولن الى اجتمع زينٍ وفعل اليماني000 لذة نعيمٍ فالعمر لا توافن ويقول في نفس القصيدة : القاز يعبى للضروس المتاني000 والا ترى سن اللبن يقلعه سن ويقول الامام تركي بن عبدالله ( راعي الاجرب ) : اكفخ بجنحان السعد لا تدرا000 العمر ما ياقاه كثر المداري |
05-05-2004, 21:08 | #8 |
شـــاعــر
|
رد : أبيات أصبحت أمثال
هذا بيت للشاعر صالح السكيبي .. لم يصبح مثل ... لكنه سيصبح مثل ... الفتى يصبر ولو وقته يجور .. ..................النخل ماله نصيب من الرطب .. !! |
14-05-2004, 21:55 | #9 |
شــــاعـــر
|
رد : أبيات أصبحت أمثال
ك العافيه يافيصل ... موضوع جميل ورائع جدا .. من عضو عودنا على مشاركاته المفيده ... لايحضرني حاليا شيء .. لكن بالتأكيد ستكون لي عوده |
02-06-2004, 06:53 | #10 |
شـــــاعــــــر
|
رد : أبيات أصبحت أمثال
شكر اخي الغالي فيصل على هذا الموضوع الجميل وهذا الرافد الثري بما يحويه من حكمة ومن شوارد الابيات يقول الشاعر محمد العوني تقولون دنيانا علينا تغيرت &&&&&&&&&&&&&&&&&&& &&&&&&&&&&&&&&&&& تغيرتو انتم ما عرفتو غيورها الايام هي الايام مازاد عدّها &&&&&&&&&&&&&&&&&& &&&&&&&&&&&&&&&&& هذي لياليها وهذي شهورها ويقول الاكلبي سعد بن جدلان متغزلا خلوني اسج عن موضوع احسن لي &&&&&&&&&&&&&& &&&&&&&&&&&&&& والا الغلا والله ان يبطي وهو غالي ويقول سبيل بن سند الحربي رحه الله مير الردى الهين على الطيّب صعيب &&&&&&&&&&&&& &&&&&&&&&&&&&&& ما يوسع الطيّب على وسع بابه ويقول عبد الله بن حمود السبيل رحمه الله شرهه يدي ماكل عودٍ تعصّاه &&&&&&&&&&&&&&&& &&&&&&&&&&&& ولاهي على عوج العصي محدودة اخر تعديل كان بواسطة » ابونوت في يوم » 02-06-2004 عند الساعة » 06:59. |
18-06-2004, 02:47 | #11 |
عضو شعبيات
|
رد : أبيات أصبحت أمثال
الأخ / فيصل1 شكراً على هذه المشاركة الرائعة ..... ومزيداً من التقدم ، وهذه مشاركة مني [[ وهي للشاعر / سعد الحريّص ]]
(( أحيـــان ودّي أصيح من القهر وازري= تردني عزتي وسلوم جدّاني ))
|
07-06-2005, 20:08 | #12 |
عضو
|
رد : أبيات أصبحت أمثال
هــذه من الـقصــائد التـي اصبحت حـديث الالســن: الله من قلب تزايد عذابه **** والعين عيت تقبل النوم وتريح يالله طلبتك يا سريع الاجابه **** تفتح لنا باب الفرج بالمفاتيح يالله برزق و انت فتاح بابه **** ياخالق قوت البدو والفلاليح النوم ساس اللوم بان الردا به **** وعين تبي الطولات نومه شلافيح و اللي يدور الفود يتعب اركابه **** والرزق بطراف الخطا ياهل الفيح الذيب ما يرقد ورزقه نهابه **** يبحث عن الغرات حول المصاليح يحمد مصابيح السرى من سرابه **** بالليل الاضلم و النعايم مدابيح تغاروا المرقاب مثل الذيابه **** وتقابلو مثل الحرار المفاليح وانا على اللي يوم ساجن احقابه **** تشدا قطاة وردوها الجواويح قالو هذيك البل تسلل حرابه **** وقالو جنبها عاشقين الطماميح الله يلوم اللي بخاله خنابه **** لاجت هروج القوم عنها تصافيح يوم انطلق مثل الرعد من سحابه **** بكفوف كوخان العيون الذوابيح من كل مسلوب يوكد صوابه **** بصمع الفرنج موميات المطاويح كثرت مناجيهم و صارت طلابه **** وجنك كما ذود لحوضه مراويح ثور عقيد القوم ثم عدا به **** لهم على عوص النجايب مشاويح وهــي لمــريبد العـدوان البجيــدي العنــزي |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|