08-06-2005, 21:33
|
#1 |
|
عضو
|
شيخ المشــايخ مشعــان ابن هــذال
قصيــدة الشيخـــة لشيخ المشــايخ مشعــان ابن هــذال اميــر بنـي وايــل(عنـــزة) يالله يامدير الهبايـــــــــــب والادوار ــــــــــــــــــــــــــــــــــــــــــ شانك عسى تصريف شانك لنا خيـــر يالله ياعالم خفيات الأســـــــــــــــرار ــــــــــــــــــــــــــــــــــــــــــ يامعتنــي بالخلق والي المقاديـــــــــر قلته ونوم العين عن جفنها طـــــــار ــــــــــــــــــــــــــــــــــــــــــ والقلب كنه فوق حامي المجاميـــــــر جانـا الخبر يالابتي ولّية الـــــــــــدار ــــــــــــــــــــــــــــــــــــــــــ سكانها الأجناب هم والبقاقيــــــــــــر من عقب ما كنا بها مثل الاســــــوار ــــــــــــــــــــــــــــــــــــــــــ نامر وننهي نحمــــي الجار ونجيــــر من عقب ماكنا بنجد كما الـنـــــــــــار ــــــــــــــــــــــــــــــــــــــــــ نقطع بها شر وناصل بها خيـــــــــــر نجد العذية دارنا مابها إنكــــــــــــــار ــــــــــــــــــــــــــــــــــــــــــ لو حدنا عنها المحل والمداهيــــــــــر سارن بناالزرفات باقبال وادبــــــــــار ــــــــــــــــــــــــــــــــــــــــــ من غوطة الفيحا الى غشلة الديــــــر مـابين مسنــاد ومــا بين محـــــــــدار ــــــــــــــــــــــــــــــــــــــــــ يامـا قطعنــا بدربنا من مشاويـــــــــر ياما تعلينا على قــــــب الامهــــــــــار ــــــــــــــــــــــــــــــــــــــــــ وعيرات الأنضــى كنهن السنانيــــــر في كل درب بالمناعير عبــــــــــــــار ــــــــــــــــــــــــــــــــــــــــــ ياما تجوب خيولنا من مشاويــــــــــر نروم من زين المنازل ونختـــــــــــار ــــــــــــــــــــــــــــــــــــــــــ ونستارد الخوه بحدب البواتــــيـــــــر لياما نخونا اللي على نجد حضــــــار ــــــــــــــــــــــــــــــــــــــــــ وجانا كتاب من زبون المقاصيــــــــر من ماجد بن عريعر حر الاوكــــــــار ــــــــــــــــــــــــــــــــــــــــــ يقول وليت داركم يالمناعيـــــــــــــــر وجيناه مثل السيل طمام الاوعــــــــار ــــــــــــــــــــــــــــــــــــــــــ لياما غدت عنها البوادي شعاثيـــــــر أولاد عم ولابنا قول شبشـــــــــــــــار ــــــــــــــــــــــــــــــــــــــــــ وشيخ لنا عنده جلال وتقديــــــــــــــر أولاد عم وما حذانا لهم جـــــــــــــــار ــــــــــــــــــــــــــــــــــــــــــ حنا عليهم نحمي الجار ونجيـــــــــــر حنا شبات الحرب وان شبت النــــــار ــــــــــــــــــــــــــــــــــــــــــ وتوايقت بين الحنايا الغناديـــــــــــــر حنا بني وايل بعيدين الاذكــــــــــــــار ــــــــــــــــــــــــــــــــــــــــــ اليا تناخوا بالجموع المشـــاهـيـــــــر حنا هل الجمع المسمى ليا ســــــــار ــــــــــــــــــــــــــــــــــــــــــ بمركاضنا يشبع به الذيب والطيــــــر حنا الذي ترجع لنا كل الأشــــــــــوار ــــــــــــــــــــــــــــــــــــــــــ لا صار بالقالات شوار وامـشيــــــــر حامينها في لابة تسقي الامـــــــــرار ــــــــــــــــــــــــــــــــــــــــــ عدوهم ما يحتسب للمخاسيــــــــــــر لابد ما حنــا لابانـــــــــــــــــات زوار ــــــــــــــــــــــــــــــــــــــــــ باسلاف عجلات تعدى المظاهيـــــــر نهوّمن هومات بعيدات وإعســــــــار ــــــــــــــــــــــــــــــــــــــــــ وكم ذيرن من غافل مابعد ذيــــــــــر كم فاجن العدوان غرات وجهــــــــار ــــــــــــــــــــــــــــــــــــــــــ وياما تنحوا عن نحاهن مدابيـــــــــر ظعايـن حطن ملـــــك بسنجـــــــــــار ــــــــــــــــــــــــــــــــــــــــــ وبنن على الخابور زين الدواويـــــر وتواهلن الزور حصن لهن كــــــــار ــــــــــــــــــــــــــــــــــــــــــ ومن البطين الى الرها والمعاميـــــر وكتن مع الحاوي وداجن بالامصــار ــــــــــــــــــــــــــــــــــــــــــ وخــذن خفارتهن بفكر وتدابيـــــــــر وحطن على السلمان طيحات الامطار ــــــــــــــــــــــــــــــــــــــــــ وردن عليه وثم مدن محاديــــــــــــر و(أبا ذراع) أصبح مقيـم على الــدار ــــــــــــــــــــــــــــــــــــــــــ وجابن حلال المحمرة والمساميــــــر واقفن وكالن من شثاثا بالاسعـــــــار ــــــــــــــــــــــــــــــــــــــــــ وحطن لملـــوم المسمى مصادييـــــر وراجن على الشنبل وداسن الأخطار ــــــــــــــــــــــــــــــــــــــــــ وهدن بها العاصي بعسر ومخاسيـــر ثم انتحن مع كفة الشط عــــبـــــــــار ــــــــــــــــــــــــــــــــــــــــــ ثم أنتون مع روس هاك العناقيــــــر واقطعن ينون الخطايط والاقفـــــــــار ــــــــــــــــــــــــــــــــــــــــــ وطيرن من جول الحبارى مخاميـــــر ومرن على رجم الهيازع وسنـــــــّار ــــــــــــــــــــــــــــــــــــــــــ هاجن وماجن ثم داجن على النيـــــر وخلن فوق الشبك عج الرمك طـــــار ــــــــــــــــــــــــــــــــــــــــــ و حلو هاك اليوم خز المعاشيــــــــــر واركن على ورد الدجاني لهب نـــــار ــــــــــــــــــــــــــــــــــــــــــ غدو بها الويلان مثل المداويــــــــــر باغي عليهم صـايرن مثل ماصــــــار ــــــــــــــــــــــــــــــــــــــــــ ذبح الشفـايا واغتنـام الخواويـــــــــر صحنا عليهم صيحة باللقا الحــــــــار ــــــــــــــــــــــــــــــــــــــــــ حتى جبرنـاهم عن الدار تجبــــيــــــر وين انت ياللي تايـه منك الابصــــــار ــــــــــــــــــــــــــــــــــــــــــ جيناك حوله من شثاثا وابا القـيـــــــر هـج (؟؟؟) ومالقينــاه بالــــــــدار ــــــــــــــــــــــــــــــــــــــــــ زبن على الحـره وذيـك الشناخـيــــــر كســيرة ماقط ذكـرت بالاذكـــــــــــــار ــــــــــــــــــــــــــــــــــــــــــ فيهـا القلايـع مثل روس الخنازيـــــــر ولولا شفــاتي فيـك يانجد ماأحتـــــار ــــــــــــــــــــــــــــــــــــــــــ فكـري ولا كثرت علي التفاكـــيـــــــــر لولا شفــاتي فيــك ماجيت مــــــــــرار ــــــــــــــــــــــــــــــــــــــــــ نادى نذيرات الهواجيــس ونديـــــــــر وندير حيــلات بالاريـــا وتبصــــــــــار ــــــــــــــــــــــــــــــــــــــــــ وارجي من الباري عساها مسافيــــــر نلقا بدالك دار كان شين الدهر جــــــار ــــــــــــــــــــــــــــــــــــــــــ ديد العسل فيها تعيش المفاقـيـــــــــــر مثل المسوح اللي ترزم على حــــــوار ــــــــــــــــــــــــــــــــــــــــــ دار مريه بالشتــا تسمن الضـيـــــــــــر دار بها بالقيــظ غدران وانــهـــــــــــار ــــــــــــــــــــــــــــــــــــــــــ والتمّـن المجروش ملي الجواخـيـــــــر قطعـاننــا ترعى زماليــق نـــــــــــــوار ــــــــــــــــــــــــــــــــــــــــــ لياما غدى فـوق الاباهر قناطـيــــــــــر وصلاة ربي عد مابالســـما طـــــــــــار ــــــــــــــــــــــــــــــــــــــــــ طيرٍ وعداد ماوردن ظمايـا على بيــــر على الرسول المصطفى سيد الأبــــرار ــــــــــــــــــــــــــــــــــــــــــ نور العباد اللي يشيع التباشيـــــــــــــر مـاجــد بن عــريعــر:اميـــر قبيلـة بنـي خــالد فـي زمنــه وذكـر هنـا عنــدمــا طلــب من ابن هــذال الرجـوع الـى نجـد للااستـرداد مـااستغلـه الاعــداء عنـد غيــاب ابـن هــذال وجمــاعتـه عنــدمـا نزوحـوا الـى العــراق كمــا شبههــا (ديــد العســــل)ورجـع واستــرد ارضـه .................................................. .................................................. .......................... ابي اتصبر والظما يبعد الجـــــــــــــاش ــــــــــــــــــــــــــــــــــــــــــ الياما طواني وايبسن يبست الجــــــود المسعد اللي ما سرى من الليل حشاش ــــــــــــــــــــــــــــــــــــــــــ عقب الحيا ياطا على كل منقـــــــــــود خلا هدوم القز والجوخ واقمــــــــــاش ــــــــــــــــــــــــــــــــــــــــــ ومجالس فيها من الزل ممــــــــــــدود مجالس فيها معاميل وافـــــــــــــــراش ــــــــــــــــــــــــــــــــــــــــــ وصينية يركض بها العبد مسعـــــــود وصفرٍ الى جا العصر مع كل هبـــــاش ــــــــــــــــــــــــــــــــــــــــــ تطاوحن قلب المناحيز بالعــــــــــــــود في ربعة يفرح بها كل هتـــــــــــــــاش ــــــــــــــــــــــــــــــــــــــــــ ويزبن لها اللي من دناياه مضهـــــود وقطعان تسرح عند لمات الادبـــــــاش ــــــــــــــــــــــــــــــــــــــــــ صفر ومغاتير ويبرالهن ســـــــــــــود مرباعها الصمان ماتقرب الطــــــــاش ــــــــــــــــــــــــــــــــــــــــــ ومقياضها دخنه الى صرّم العـــــــــود يابن مهاوش كب حمسات الادفـــــاش ــــــــــــــــــــــــــــــــــــــــــ تجيك حمسات الهلايم بها ســــــــــود قم سوا فنجال ترى الراس منــــــداش ــــــــــــــــــــــــــــــــــــــــــ يا شوق من قرنه على المتن مرجـود دقه بنجر يسمعه كل طـــــــــــــــراش ــــــــــــــــــــــــــــــــــــــــــ حسه الى حرك على الهون بـــه زود وحطه بدلة مولع كنها الشـــــــــــاش ــــــــــــــــــــــــــــــــــــــــــ وابهارها ما الى حط معـــــــــــــــدود وان فاح ريحة بنها وهيلها جــــــاش ــــــــــــــــــــــــــــــــــــــــــ ومن الزباد اقنه على شذرة العـــــود كنه بعرض الصين ورسٍ الى نــــاش ــــــــــــــــــــــــــــــــــــــــــ أو زعفران كلما علّـــــــــــــــم أردود صبه على الطيب وعدّه عن الــــلاش ــــــــــــــــــــــــــــــــــــــــــ اللاش لافاقد ولا هوب مفقــــــــــــود والمرجله ماكل رجل لها حــــــــــاش ــــــــــــــــــــــــــــــــــــــــــ واللي يريد الطيب ماهوب مــــــردود لما حلا وقت الضحى قول شوبــــاش ــــــــــــــــــــــــــــــــــــــــــ وقامت تنازا بالمناعير جلعــــــــــــود وثار الكتام وصار للشلف هبــــــــاش ــــــــــــــــــــــــــــــــــــــــــ والذود قفا بالمساويق عرجـــــــــــود وأنا على مثل النداوي الى حــــــــاش ــــــــــــــــــــــــــــــــــــــــــ تنزع كما ينزع من الكف بـــــــــارود ومن لايروي شذرة السيف لا عـــاش ــــــــــــــــــــــــــــــــــــــــــ عليه جيب مورد الخد مقــــــــــــــدود هنــا قصيــدة ابن هـذال عنـدمـا حـل ضيفــا علـى الـدوشــان شيـوخ مطيــر القبيلـة العـزيـزة |
|
|
|
05-07-2005, 14:27
|
#2 |
|
شـــاعــر
|
رد : شيخ المشــايخ مشعــان ابن هــذال
غازي شكرا ً على النقل بس يالتك حطيت قصيدة ابن عريعر في الاول . تسلم طال عمرك ولو انها أيام رااااااحت بخيرها وشرها  تحياتي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
