[سـعد السبيعي]

أن كانت الأسماء تشابه ما يشابهك الشبيــه = عندي ولا يشبهك حي ولا بعد تحت الثرى
وأن كانت الأسماء جروح صحت فؤادك يالنبيه = ما والله اكبر من وداعك جرح شف حالي برى
البارحه وانا اسولف قيل لي باقي تبيــه = والإ غدى حبه ألم وغصةٍ لا من طرى
قلت لهواجيس الغلا لا صد عاذلنا جبيه = أستحلفه بالله هو باللي ذبح صبري درى
هو يدري اني مت لجله مت دونه مت فيه = والإ مراسيلي من الساحل إلين أم القرى
لا واعذاب القلب من ضيعة وصالٍ يرتجيه = وآشيب عيني كان يجفاها مع الولف الكرى
يامن سئلت الروح شفها كيف ردي تحتريه = روحي عليله يارفيقي من وصالٍ يحتــــرى
مثل الكريم اللي غدى ماله ولا يملك جنيــه = لا قالوا أمسك قال لا قدام والضيعه ورى
علق رجاه بمن خلق روحه يفرجها عليه = ومن هو تعلق في رجى مولاه صعبٍ يكسرى
يامن يرد العلم له ويسأل المجمول ليه = يقف مواجه للهوى وأنا ظلوعي له ذرى
وأن كانت الأسماء تشابه مايشابهك الشبيه = قســم ولا يشبهك حي ولا بعد تحت الثرى

[محسن سبعان]

مادامه يترك في النفس أثر فهو شعر حقيقي.
أثرت المشاعر يا سعـد بثرائك الشعوري الصافي الواصل بإبداع حقيقي..
لك الإحترام والتقدير.
أخوك.

[سـعد السبيعي]

الشاعر/ محسن سبعان
فخور بملامست قصيدتي أحساسك العذب
لاهنت أخوي

[محمد الدحيمي]

جميل ياسعد
ومتصفح باذخ ومعبر جدا