24-05-2010, 13:58
|
#1 |
|
مشرف الرحلات البرية والسياحة
|
** جـزيـرة زنـجـبـار ((Zanzibar)) **
السلام عليكم ورحمة الله وبركاته يالله ان تحييهم كلن بااسمه  اليوم جايب لك بقعة في ارض الله الواسعه يمكن الكثير ماقد سمع عنها الا بااغنيه عبدالله بالخير (( هي ياهل دان جانا الهواء جانا جانا من زنجبار )) قلت عاد لا بد نشوف وش هالزنجبار الى جاء منها هالهواء  وونبداء ننشد وينك يازنجبار ورد زنجبار وهات زنجبار واخر شي صارت جزيره بالمحيط الهندي تتبع لتنزانيا تبعد تقريبا ساعة ونص بالعبارة السريعه عن العاصمة دار السلام وقلنا دامها في تنزانيا اجل نخليها حج وقضيان وحاجة  وهي لها اسم ثاني الى هو عاصمة التوابللان كل اراضيها قرنفل ( مسمار ) ويزرع فيها اشجار البهارات ( غرض الشوي والكبسات كلش فرش سمك وبهارات )وهالجزيره فيها نسبه كبيره من المسلمين لان حكمها العمانيون فتره طويله ويلحظ هالشي السائح الى يزور الجزيره ويزور متاحفها .. بعدين استعمرها البريطانين وصارت مركز لتجميع العبيد ونقلهم لاامريكا واوربا وفيها السجن الخاص بهم مازال كم هو وينظمون رحلات له بالقارب ويبعد تقريبا ثلث ساعه عن الجزيره وزنجبار على فكره هي كلمه عربيه محرفه الي هي بر الزنوج ومااودي اطول عليكم بالمقدمه وبعض المعلومات الى يقدر اي شخص يحصلها بكل سهوله من العم قوقل  بداية الرحله كانت على الخطوط الكينيه الى بصراحه تعتبر خطوط ممتازه واسعاره معقوله بس مشكلتها ماتلقاء احد يحجز لك عليها براحه وكان خط السير الرياض - دبي - نيروبي - دار السلام بسم الله ركبنا الطياره  وبين السماء والسحاب   واذكر كنا رايحين بااغسطس وكان عندنا طبخه يوم نزلنا في كينا بغينا نصخن نزلنا على صلاة الفجر وكانت درجة الحراره 4 ومطر ماعاد تفيد اللطمه  طبعا الرحله كانت طويله بس حبيت اختصره بقدر المستطاع اول شي اهدي هالصور للغالي ابو سعود وهي من مقناص تنزانيا  في البدايه خذ لنا حول 10 ايام مقناص بين تنزانيا وكينيا بالقرب من قمة كلمنجورو بعد ماخلصنا المقناص قلنا خل نروح نتمشى بالديره شوي وصفى الراي على زنجبار وبسم الله نقص التذاكر من دار السلام لزنجبار   هالمزون  هذا الميناء  وطبعا اول ماتوصل الجزيره النظام هناك كنك داخل ديره ثانيه تفتيش وختم الجواز والجزيره تنقسم لقسمين المدينه القديمه وتمتاز بالطابع العمراني القديم والسكك الضيقه وهذا يحبونه هالاجانب ام حنا مالين من هالسكيك في بيوت هالطين   والجزء الى على الشاطئ وهو الى يستاهل العنوه   وبااذن الله لي رجعه ثانيه |
|
|
|
24-05-2010, 21:40
|
#2 |
|
رد : ** جـزيـرة زنـجـبـار ((Zanzibar)) **
زنجبار يسمونها بستان أفريقيا الشرقية يعني اكيد روعة وقرأت أنها أكبر مدن جزيرة زنجبار التنزانية لا تستهين في هذي المعلومات المهمة في الموضوع , والله لو مايجي الاّ أنه نضطر نقرأه و نكسب معلومة جديدة مقدور ماهيب بقره مثل اللي تعرفها , مدري تعتبر اصلي او تقليد ؟  اهنيك بصراحة على حب الأستطلاع الصحي المثمر صراحة .. وقضاء وقت مفيد ذكريات جميلة في المستقبل جد هذا القسم منور فيك .. ونتمنى ينضم لنا الكثير لأثراء هذا القسم وانا لو رحت مكان يسوى تصويره فتأكد ماراح اتردد أشارككم المتعة هنا منور يابطل  |
|
|
|
|
25-05-2010, 00:56
|
#3 |
|
مصمم
|
رد : ** جـزيـرة زنـجـبـار ((Zanzibar)) **
زنجبار كانت ممر لتجار اليمن قديما كانو يمرون عليها لحد مايوصلون اندونيسا او الهند صحيح حسب ماسمعت ومنها طلعت الاغنيه نسبه المسلمين فيها عاليه توصل 95 بالميه والباقي هنود ويقولون عرب < يمنيه الله رائع لو ماكانت رحلة قنص كانت قلت مشهد رومانسي يعطيك العافيه امتعتني بالصور وبالرحله الممتعه \ اخوك فهد |
|
|
|
|
25-05-2010, 01:14
|
#4 |
|
مشرف الرحلات البرية والسياحة
|
رد : ** جـزيـرة زنـجـبـار ((Zanzibar)) **
ياهلا والله ومرحبا بااختي الغاليه والكريمه بالحضور والتواجد العطر الجازي وعز الله انها بستان لما تحتويه من تنوع كبير وخصوصا بالنباتات العطريه وكلامك على متمه هي اكبر الجزر واعتقد انها نالت استقلاله من فتره قصيره من الحكم العماني وبعده الحكم البريطاني حتى ان دخول الجزيره يتطلب جواز وتفتيش وختم الا الحين وفيه جزر ثانيه بس اصغر منها مثل بومبا وجزر ثانيه صغيره لدرجه ان الجزيره كامله لفندق واحد وابرك الساعات والله الي نقدم لو البسيط الى نرجوا ان الجميع ينتفع بها اويصير عنده فكره مبسطه ههههههههههههه بالنسبه للبقره فهي بقره بس انها وحشيه :d وهذي طبعا نوع من الظباء يسمى الالنت وهو اكبر انواع الظبى بالعالم يصل حجم الذكر البالغ منه الى فوق الطن والله ينور دربك بالدنيا والاخره يارب واكيد نشتاق ونترقب لنرى موضوع جديد بسمى الجازي وشاكر لك هالحضور والنشاظ المميز بالقسم |
|
|
|
|
25-05-2010, 01:20
|
#5 |
|
مشرف الرحلات البرية والسياحة
|
رد : ** جـزيـرة زنـجـبـار ((Zanzibar)) **
ياحي الله اخوي فهد الراجح بالنسبه يالغالي هي كانت ممر تجاري لجميع الدول الى على بحر العرب سواء رايحه والى جايه وهي طبعا كانت جزيره تتبع لحكم السلطان العماني الى وقت ماهو بالبعيد واغلب الى موجودين فيه هم تنزاين اومن اصول عمانيه ( جيران اليمن :d) ويوجد بها نسبه بس انها ماهي كبيره من البيض نتيجه استعمار بريطانيا لها وترا مايمنع عقب الصيد شوي رومانسيه :d وشاكر لك اخوي فهد واكيد دائما نتظلع لحضورك ومشاركتك معنا |
|
|
|
|
25-05-2010, 05:52
|
#6 |
|
شـــاعرة
|
رد : ** جـزيـرة زنـجـبـار ((Zanzibar)) **
احلى السفر يوم تكون جمعة ناس اهم شي للسفر سبع فوايد يقولون تصدق يامقدور اني مثل الجازي حسبتها بقرة الله لايعمينا حتى البقرة الله يحللها وش غزاله ووش جابها وجاب الظبي حرام عليكم  اكيد احد لاعب عليكم ، هذا ثور ولد نعمة او اتوبيس دورين الظبي اللي بصورة الجازي الرمزيه وش حليلها  لو تتأكد الجازي ان اللي معكم ظبي ولا حول ولا قوة الا بالله يابتغير اسمها يا بتهاجر الصور في موضوعك رائعة وفعلا اجواء البحر رومانسية بصدق تنشرح الصدور يوم نلاقي شبابنا الله يحفظهم يقضون اجازاتهم بالاطلاع بثقافة بلدان مختلفه موفقين بعون الله دايما    |
|
|
|
|
25-05-2010, 09:07
|
#7 |
|
شاعـرة
|
رد : ** جـزيـرة زنـجـبـار ((Zanzibar)) **
حلوين الصور والتقرير وكل شي بهالصفحة حلو .. الحين بس عرفنا سر ربشة بالخير .. بس ما عليش عندي سؤال وجيه يسدح نفسه سدحا مبرحا .. البقرة اللي في الصورة مو بقرة؟ حياك أخ مقدور وتشرفنا فيك .. قصدي أنا لأني أول مرة التقي في خشتك الكريمة .. عندي ملاحظة صغيره ع الصور ممكن؟ طيب شكرا لإتاحة الفرصة .. هي مو ملاحظة هو سؤال ثاني .. ليش الوجوه مغطاية .. أنا تخيلتهم عصابة .. اقول قولي هذا واستغفر الله لي ولكم .. |
|
|
|
|
25-05-2010, 21:09
|
#8 |
|
شــاعر
|
رد : ** جـزيـرة زنـجـبـار ((Zanzibar)) **
هيلي يا هييييييييييييلدان ياانا الهوا يانا يانا من زنجبار معلومات رائعه ماكنت اعدف اغلبها تنصح في زيارتها ؟ الجزء البحري فيه منتجعات ؟ كيف النظافه ؟ كيف الاكل؟ المواصلات يعني هل هي مدينه مهيئه للسياحه ؟ افيدونا افادكم الله  |
|
|
|
|
27-05-2010, 13:09
|
#9 |
|
أبو تركي / شاعـر
|
رد : ** جـزيـرة زنـجـبـار ((Zanzibar)) **
مقدور روح رائعة وكرسي مريح لي كم سؤال اذا تسمح الكرسي حقك ما ينفع للطعوس .! البقرة ذي أول مرة أشوفها شكلها مثل ما قالوا بقرة نعمة .! زنجبار تذكرني دايم بعبدالله بالخير بصراحة رائعة الله يقويكم ويعطيك الف عافية إلا الضبان ما تنفع هذا موسمها لكن والله ما احبها من مرة شفته يركض وهو مذبوح .! لروحك |
|
|
|
|
28-05-2010, 03:15
|
#10 |
|
عضو شعبيات
|
رد : ** جـزيـرة زنـجـبـار ((Zanzibar)) **
ماشاء الله رايح لزنجبار اجل اكيد قابلت بالخير وغنيت وياهـ بس الصدز كسبنا معلومات عن هالديره  وبعدين ذي بقره والا شي ثاني ياكبرهــا بس نبي عاد معلومات عن السكن .. الفنادق .... النظافه .... الأكل عشان نفكر ونحطها بالخطه القادمه ان شاء الله . تسلم خيو وينطيكــ العافيه سمــ  |
|
|
|
|
08-12-2011, 16:31
|
#11 |
|
متنبي الشعر الشعبي
|
رد : ** جـزيـرة زنـجـبـار ((Zanzibar)) **
والله مقناص يامقدور بس ياخي طقوسكم غريبة انت والشباب وش ذا الظبا انا في وجة الله .. الله ياماحلى ظبانا وغزلانا اشوى يابو سعد ماجبتوا معكم ذكور من ظبا زنجبارهذولي ابوطن وفكيتوهم عندنا .. كان تشوف ظباء الجزيرة يدردحون كنهم ثوارين |
|
|
|
|
09-12-2011, 17:14
|
#12 |
|
شـاعرة
|
رد : ** جـزيـرة زنـجـبـار ((Zanzibar)) **
جميلة وخالقك ولكن مهاهم مخيييفة وستقلب موازين الجمال لدى العرب سلمت يمينك يامقدور دمت برعاية الله |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
