04-06-2002, 11:20
|
#1 |
|
رحمة الله عليه
|
ابو نوت لاهنت
السلام عليكم ورحمة الله وبركاته اخوي الغالي صالح السبيل ..... اسمح لي على القافه  اخوي ابو نوت بصراحه انا ما اكتشفت الشاعر صالح السبيل الا في الوقت الي كان الموقع مسكر للصيانه .... وقريت في احدى المنتديات قصيده لك  الصدق يابونوت اني بعد قرايتي للقصيده ..... جاء في بالي امرين  الشي الاول ان القصيده ذي لشاعر كبير من الشعار (الاولين) مثل جدك ابن سبيل ومحسن الهزاني  والشي الثاني ان القصيده ذي لشاعر معروف من الشعار المعاصرين<===== توه طايح بالكلمه ذي ورحت سالت عنك واحد من الشعار المعروفين على النت والي معك بنفس الموقع المذكور وقال لي هذا ابو نوت استاذي <======== مسك راسه  قلت الحين انت يا ؟؟؟ لك استاذ؟  لكن اشوى اني قريت قصيدتك حتى اتاكد من كلام المذكور والقصيده يابو نوت دايم بيوتها على لساني  وصدقني مامر على بالنت مثل القصيده ذيك لكن الشي الي في بالي هو مطلع القصيده احس انه قوووووووووووي لكن تبي الصدز؟ <======= مستحي كلمات البيت الاول فيها صعوبه شوي طبعا القصيده انا ماودي اجيبها لانك اكيد بتنزلها هنا في شعبيات ولا ودي احرق الفلم ابي اجيب اول بيت وعساك تعرفه <====== لايارجال يمكن نساه ياطير مالك والمسابيق واللوح....... واللي الى منك تنكرت صاحي والله ياخال ان البيت مايطيح من لساني لكن الصدز عجزت اعرف معناه  انا اقول لك شف خالي فيه بعض الشعار مثل جزآ صالح الحربي هذا ومثلك تعرف شاعر عمره 40 سنه تقريبا لكن اذا جاء طاري المدح ومدح له واحد (وانت تعرف بعض المدح تلقاه تسذب عيني عينك) يعني يوصف الشخص انه شجاع ويوصف الحرب والخيل والسيوف تسنه بوسط المعركه الشي ذا يدل على ان له اطلاع في الشعر القديم لكن انت جبت طاري الطيور والصقور اول شي نبيه منك يابو نوت وش معنى ياطير مالك <======== اسم الطير اتوقع بس التاكد زين لكن الي عليه الكلام المسابيق ؟؟؟ اللوح؟؟؟ ماادري ياخال احس انك راعي طير ومولع بالطيور بس يمكن انك مكتسب الشي ذا من الاطلاع الشي الثاني انت راعي طيور ياخال؟ وان كنت منتب راعي طيور ..... وش لون جبت العلوم ذي ودريت عن المسميات ذي ؟<========== تراه حاقد لانه مره سمعه ابوه وهو يقول البيت وقال له ابوه وش معنى البيت ؟ <======= ورط فهمت ياخال ؟ لكن الشي الي انا متاكد منه ان البيت ذا قوي ... وطبعا القصيده ذيك يابو نوت الحالها يعني لو كل بيت جاز لي بالقصيده ابي اذكره لازم امحط بها كلها هنا وارجو اني اكون ما ازعجتك يابو نوت ..... وسؤالي هذا صدقني هو دليل على اهتمامي بطرحك في الساحه <======== يقول الله يستر لايزعل ايه ياخال زعلك ماهوب بسيط اماك انت الي تقول يقول اللي كما المنجوم غادي00000 على بدع المثل حاديه حادي <========== طقته النفاضه عقب القصيده ذي على العموم ياخال انا انتظر ردك ..... الي يهمني الصراحه وتقبل تحيات اخوك الصغير عزيز اخر تعديل كان بواسطة » عزيـز في يوم » 04-06-2002 عند الساعة » 11:27. |
|
|
|
05-06-2002, 02:32
|
#2 |
|
شـــــاعــــــر
|
اخوي عزيز الصغير هلا وغلا ومرحبا والله من قلب ولسان
العزيز الغالي عزيز السلام عليكم تقول في بداية الموضوع اسمح لي على هاللقافه واقول ابركه من موضوع واللقافه بعيده عنك الله يسلمك اخوي صراحه ترددت بين عشرين فكره بغيت احذف الموضوع بعد نسخه وارد عليه على البريد وخفت تزعل بعدين قلت اخليه لين اشوف وجيت هالصبح وقلت اسم المكان الديوانيّه العمّه واهم شي فيها الحرّه اكتب اللي تبي 0 قلت ما يصير اشيل الموضوع وانا والله ما فكرت اشيله الا من شان خصوصيته والكلام اللي كتبته الله يرفع مقدارك وما اشوف اني استحق بعضه 0 اخوي قصيدي كلّه سبال ايدينك وتستاهل معه كثره مليار مره 0 وبعدين القصيده اللي جبت مطلعها ( يقول اللي كما النجوم غادي *** على بدع المثل حاديه حادي ) هذي ما نشرت امّ اللي علمك عرفته الله يهديه انا يمكن اكبر منه صح لكن هو استاذ الشعر وخاصّة بعد قصايده الاخيره وابي اعلمه واقوله خلاص انت تكتب الشعر بطريقه منفرده وهذا هو المطلوب 0 اعود لموضوع الرد على موضوعك القصيده اللي اعجبتك نزلتها في شعبيات وحبرها ما نشف واعجبتني زود يوم اعجبتك وهي والله انها جاية من قلب امّا الشطر الاول طال عمرك يا طير هذي مناجاة للطير (الصقر ) 0000 مالك والمسابيق واللوح هنا انصح الطير بترك المسابيق واللوح وهذولي اعتقد تعرفهن واذا ما تعرفهن انا اعرفهن ( المسابيق خيطين من المرينه غالبا وفيهن قطعة جلد تلتف على رجل الطير ويجمعن ويربطن بالوكر (اللوح) عموما اعتقد وضح الشطر الاول 0 والشطر الثاني ( واللي الى منك تنكرت صاحي ) اقصد الصقار يصيح للطير الى تنكر يدعيه لعله يرجع وكل هالكلام اختصره في كلمات اقو للطير وش تبي بمسابيقك ولوحك والصقار اللي ينا ديك ؟ عندي فكره احسن وبعثت للغالي ووصل الرساله وابشرك جاب نتيجه امّا اني صقار لا والله احب الصيد واروح اقنص ولكن ما اهتم كثيرا بالطيور ولا كلاب الصيد البندق احسن منهن 0 عندي انا وهذا راي شخصي 0 بس لي احتكاك كبير باهل الطيور وخاصّة التدريب وانت عارف اللي يكتب يمسك في ذهنه حاجات والله انه ما يدري انه خازنها لين يكتب القصيده ويقولهن وهذا في اعتقادي على الاقل 0 بعدين تعال تحسبني صغير انا عود تعديت الثلاثين يالله هذاني علمتك بعمري ــ تعال الا انت كم عمرك؟وبعدين اعرف هالحاجات من البيئة اللي انا عايش فيها 0 واعتقد للحديث بقيّه 0 هه شفتني زعلت بس انت آمر وحنّا جاهزين والقصيده اللي تبيها ابشر بها لو مالها لوحات بعد مهوب خصوصيّه والا عمومي هنا نكتب اللي نبي صدقني والله موضوعك رغم انه احرجني الا انه سرني جدا على شانه فتح لي المجال اتحدث معك ولي الشرف الله يسلم عمرك 000000 لك مجمل التحيات والتقدير من اخوك صالح السبيل وهذي صورتي  |
|
|
|
|
05-06-2002, 09:09
|
#3 |
|
سيـــف الســـيــف
|
سلاااااااااااام عزيز الى الان وانا اقولها 00 عزالله اني ادين بالكثير لخالي صالح وثانيا من ناحية معرفته بالطيوور 0 0 هو ماشالله عليه يعرف كل شي لو تبي حتى الديناصورات وترى له اخو صقار بس هو من باب الديكتاوريهماقال هالشي 00 وبعدين ياعزيز وش جاب طاري يقول اللي كما المنجوم غادي ؟ ومن وين جبتها ؟ ان كانك تضرب الودع 00 فترى خالي يخط بالارض وياحبي لك وانت مشرف يابو سعووووود وعساها تطلع مايقول رح سجل ثانيه |
|
|
|
|
05-06-2002, 09:37
|
#4 |
|
رحمة الله عليه
|
هلا والله بابو نوت حياك الله ياخال واشكرك على كل كلمه كتبتها والله يابو نوت بالنسبه لشرحك للمعنى عز الله انك ماقصرت كفيت ووفيت وانا ياخال مامدحت ابد صدقني يابو نوت اني تحاشيت المدحت في الموضوع ورجعت كذا مره قبل لاانشر الموضوع وحذفت بعض الكلام وبالنسبه للبيت الي انا ذكرته ..... والله يابعدي لو كان عندي ربع شك انه بيزعلك او بيضايقك اني مااحطه لكن مثلك عارف البيت مابين سبب القصيده هي هجاء او غزل او رثاء لاسمح الله او مدح <======= ايه هين مدح ولو انك حذفته ياخال وراسلتني على الخاص تبي تصير متجمل ونص ولك الحق وانا ممنون لك على كل كلمه قلتها وقصيدتك تفرض نفسها على المستمع او القاري وفيه اشياء واجد تدور في بالي لكن تجيك على الخاص وجعلك سالم غانم <======== اسم يماني مليص بحارتنا تقبل تحيات اخوك الصغير عزيز |
|
|
|
|
05-06-2002, 09:47
|
#5 |
|
رحمة الله عليه
|
هلا وغلا حي الله ابوعبيد ياحبي لك والله اني ادور عليك بشمعه وين الناس يابوعبيد؟ وماقصرت على التوضيح يابوعبيد حتى لو كان خالك وضح لكن ولو انت يابوعبيد مايفوت شي من ردودك سوآ كانت محاوره او تطنز <======== والله كلهن يكملن بعض ومافيه شك يابوعبيد بابو نوت وانا كنت متحير بالمعنى ولا اشوف فيها شي اني استفسر عن كلمه صعب علي .. مهما كان ابو نوت مثل ماكنت متوقع كانت على قولهم (اطلاع وثقافه ) وماقصرتو والله كلكم وسامحونا والله يبارك بايامك يابوعبيد .... وصدقني شفت الموضوع الي بمنتدى الشعر هناك لكن يوم جيت ابي ارد مادريت الا الموضوع محذوف ولاتبطي علينا يابوعبيد |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
| أدوات الموضوع | |
|
|
|
|
