[سعيد بن مقبل الأكلبي]

البارحه على المسنجر ضافني واحد قلق=مدري يبيها بهلله والا يبيها غشمره
مسوّيٍ نفسه بنيّه جعل راسه ينفلق=مايدري انّه ماتشبّه بالمره غير المره
الا المره اطيب واطهر من هزيلات السلق=اللي فوايدها على المرِّحان عظم ومجْمره
قال انت معْجبني لانك شاعر وفذ وألق=وانا بنيّة تو بستاني على قطف ثمره
ذي صورتي على المسنجر واضحة قُدْمك تلُقْ=اخترتها وانا ادري ان قلب الهواوي تدمره
ودّي ندردش بالسوالف لين نقْدر ننطلق=في عالمٍ بيني وبينك بالمحبّه نعْمره
استانس وتستانس ويعني من هذا المنطلق=ليل الهوا وانا معك على المسنجر نسمره
قلت انتهيت من السوالف يالوجَيه المنْحلق=قال انتهيت ولا انتهى حبي لك اللي مضْمره
قلت اغلق الشاشه عساها فوق خشْمك تنغلق=الكام شغّاله يا ابله والمره خلْف المره

[غرم البهيشي]

سعيد الاكلبي

انشهد انك كفؤ

وشاعر جزل ولا يأتي من البحر الا الدرر

وصف عجيب لفئه عساهم للزوال عن مجتمعنا السعودي الغيور المتمسك بدينه وعقيدته

صح لسانك ودام عزك اخوي سعيد ولك تحياتي

[نورة العجمي]

قلت اغلق الشاشه عساها فوق خشْمك تنغلق
الكام شغّاله يا ابله والمـره خلْـف المـره



اجل الكام شغّاله وهو مايدري
حسبي الله عليهم من ناس فاضيه
من العنوان توقعت اني بالقى شي تنتقده
يامتعة قراءتك ياسعيد
الله يخليك لنا آمين
وتظل شاعر متألق ومتميزومبدع
صح لسانك وقلبك

[خالد العروي]

الله يهديهم بس

قلت اغلق الشاشه عساها فوق خشْمك تنغلق
الكام شغّاله يا ابلـه والمـره خلْـف المـره
طلع على نياته

سعيد الأكلبي

صح لساااانك وعلا شاااانك ابدعت كما أنت دائما.
اتشرف بمتابعة دررك
تحياااااتي وتقديري

[محمد المكحلي]

جميل اخي سعيد الاكلبي

ممتع بكل حالاتك
مايدري انه طاح له بذيب
لاهنت اخوي
وصح الله لسانك
كان هنا//محمد المكحلي

[سعيد بن مقبل الأكلبي]

إقتباس الرسالة الأصلية كتبت بواسطة غرم البهيشي سعيد الاكلبي انشهد انك كفؤ وشاعر جزل ولا يأتي من البحر الا الدرر وصف عجيب لفئه عساهم للزوال عن مجتمعنا السعودي الغيور المتمسك بدينه وعقيدته صح لسانك ودام عزك اخوي سعيد ولك تحياتي

ارحب ياغرم
والله يجمل حالك على المرور والتعليق الجميل

[عبدالرحمن الهلالي]

سعيد الاكلبي
برغم تشبهه وكذبه الا انه صدق بشي حين قال
(( قال انت معْجبني لانك شاعـر وفـذ وألـق ))
وصراحة قفلة القصيدة ذكيه ولاغرابه والاكلبي القائل
قلت اغلق الشاشه عساها فوق خشْمك تنغلـق
...............الكام شغّاله يا ابلـه والمـره خلْـف المـره
صح لسانك ياشاعرنا وتقبل تحياتي

[الجازي]

مسوّيٍ نفسـه بنيّـه جعـل راسـه ينفلـق

هههههههههههههههههههههه

قلت انتهيت من السوالف يالوجَيه المنْحلـق
قال انتهيت ولا انتهى حبي لك اللي مضْمـره

ماشاء الله عليك حليم والله
انتظرته الى حد ماخلص !
يااالله عليك , قريتها عشر مرات ولا ملّيت ..
تملك خفة دم غير طبيعية ياشاعرنا المبدع والمتميز فعلا في خطك ..

سلم نبضك .. وحفظك لنا
وكفاك شر ونحن جميعا بكل من ارادنا بسوء ..
لإبداعك

[عنود]

اوافق على خفة دمك العجيبه
وقدرتك ماشاء الله على تركيب قصيده موزونه
على قصه او موقف


سجل اعجابي الدائم

[منتهى القريش]

الله يسعد قلبك قول آمين .. يكفي إنك خليتني ابدأ يومي بضحكة ..

ورب البيت أنت غير .. تصور اشياء من الواقع بخفة دم وإتقان ..

سجلني من المتابعين لحرفك الرشيق ..

[سالم بن جلعان]

هلا وغلا يا سعيد ....
مبطي وانا اقول مبدع ...
وبابطي وانا ارددها ....
شاعر فذ ولك مسارك المتفرد
صح لسانك مليون ولا يكفووون يا سعيد ...
يكفيك يا اخي كل من دخل هنيا ورد قال انك اضحكته ....
اسعاد الناس شي ماهو بسهل لكن اسلوبك الممتع ... ممتع

تحياتي


اخيك


سالم

[لـيلى الـسعودية]

الشاعر القدير .. سعيد الأكلبي

// صـح نبضك الرفيـع //

أقف هنا إعجاباً بما قرأت .. قصيدة بها الكثير من المنطق

الشعري المميز ..

دمت ودام نبض قلمك بكل راقي ورفيع

تقبل مروري مع ردي البسيط والمتواضع

ودمت بخير .

[عبدالعزيز الشهري]

جميل اخي الشاعر سعيد جميل ما قرأته صح لسانك

احترامي

[نور الرياض]

قلت اغلق الشاشه عساها فوق خشْمك تنغلق
الكام شغّاله يا ابلـه والمـره خلْـف المـره
ههههههههههههههههههههههههههههههههههههه
صح لسانك

[سعيد بن مقبل الأكلبي]

إقتباس الرسالة الأصلية كتبت بواسطة نـــورة العجمي قلت اغلق الشاشه عساها فوق خشْمك تنغلق الكام شغّاله يا ابله والمـره خلْـف المـره اجل الكام شغّاله وهو مايدري حسبي الله عليهم من ناس فاضيه من العنوان توقعت اني بالقى شي تنتقده يامتعة قراءتك ياسعيد الله يخليك لنا آمين وتظل شاعر متألق ومتميزومبدع صح لسانك وقلبك

ارحبي يانورة
والله يحييك يابنت الرْجال
ذربة وكلامك ذرب
ومرورك يزيد النص توهج
لاعدمتك