05-08-2003, 14:45
|
#1 |
|
سيـــف الســـيــف
|
صحافه بالعاميه (عبث)
السلام عليكم ورحمة الله وبركاته مجرد عبث .. واذا ماكان مكانه المناسب هنا .. اتمنى ترحيله للمكان المناسب من قبل مشرفينا الغالين.. ولكن وضعته هنا يمكن علشان فيه مداعبه للصحافه  كل ماهنا لايمثل سوى وجهة نظر كاتبه... يعني عكاشه فقط هو من يتحمل تبعيات هالموضوع لانه اقتراف كيبورده الشخصي .. والكلام هنا ليس معناه اني تعديت الخطوط المسموح بها .. ولكن من اجل اولئك الذين يتحينون الفرص لاي شي يتهيء امامهم وإن لم يتهيء ..يستطيعون اختلاق الكثير .. بما ان هذا الموضوع او هذه الفقره خلطه بين الصحافه والانترنت وهي اول مره راح اتفلسف عن حاجه تتعلق بطبيعة المنتديات.. وحدود الصلاحيات او الاعتبارات فيها .. تعالوا لاول نقطه .. وهي مثلا احد الشعار او احدى الادارات في منتدى ما .. تتخذ موقف او تحط منتدى اخر تحت مصطلح ( هذا هو العدو) واسف على استخدام كلمة (عدو) لكن اعتقد هذا ناتج تاثيرات مصدرها الاحداث اللي مرت اخيرا بالمنطقه مابغيت استخدم مثلا علووج او علج,, وعلى فكره تدرون ان هذه الكلمه (علوج) هي يمكن فائدتنا من هالحروب والا الباقي دماااااااااااار .. بس هالكلمه هي اللي استفدناها يعني صار عندنا مصطلح مدري مسمى جديد ,, عاااد حنا فرحانين فيه والله يا حنا طفرنا بهالكلمه اول ماسمعناها تقول انه ماعاد عندنا(هموم) الا هي .. يارجال بغينا نسوي لها حفلااات وحركتات وغيرها.ومن وجهة نظري الشخصيه احسن شخص استخدمها هو :- .. من تعتقدون ؟ محمد سعيد الصحااف ؟ لالالا بل الاخت قهر يزيد ( ام آسر) الله يذكرها بالخير يوم تعلن عن سرقة ايميلها استغلتها صح ( احد العلوج يقوم بسرقة ايميلي)..ماعلينا !! اقصد طبعا ماعلينا من العلوج ... الا من الغريب اني على كثر احتكاكاتي والكتوف القانونيه وبعض المزح الثقيل مع الكثير من الاخوان لدرجة ان البعض اتخذني عدوه الانترنتي الاول .. الا انه مابعد انسرق لي ايميل <<--انتظروه بعد كم يوم اذا قال انتبهوا ترى ايميل انسرق .. وش كنا نقوول؟  اعتقد كنت تتكلم عن بعض المواقف <---- الكلام هذا قاله واحد عندي جزاه الله خير يذكرني وش كنت اقوول المواقف صح هي اللي كنت اتكلم فيها قصدي عنها المواقف !! المواقف !! المواقف !! امممممممم امممممممم ايه صح تذكررت مواقف السيارات اللي برى منتدى شعبيات اشوف بعض الاعضاء الله يهديهم يجيبون سياراتهم اللي مايحتاجونها .. مثلاً سياره موديل78 ويوقفها بالمواقف علشان المظلات.. لانه مايحتاجها في الوقت الحالي في بيته .. ويصير ماسك له موقف لمده طويله وسيارته ماتسوى 300 ريال صافي<--- دقيق الولد حككك لكم السعر والسعي على البايع :white: مدري اشك ان هذا ماهووب هوالموضوع اللي كنت اتكلم عنه ... ياووولد هذا ماله علاقه في الانترنت !!! ولا الصحافه !! والا مصدق بعد انك صحفي؟<--- نفس الشخص اللي كان يذكرني وش كنت اتكلم فيه مانيب صحفي ؟؟؟؟  الا .. صحفي غصبٍ عنكم لو ماعاد يبقى في الدنيا الا انا الحالي... مشتغل صحفي يعني مشتغل.. الله لايعووق بشر ... بعد ما شفت صحافيين (اليوم) داجييييييين الا من رحم ربي يالربع بالله وش رايكم بصحفي يسخر صفحته لتصفية حساباته اللي بالانترنت!!! ويبي يطلع براسه نخله وكله بسبب انه يموووت ويمارس استاذيته على كم شاعر ماقدر يوصل لمستواهم ..يبطي عظم مادام انه الى الان يجيب البيت وهو يئن وينتحب تحت وطأءة الثقل طبعاً هناك مساحه بسيطه في صفحته لنشر بعض ابداعات .. لشعراء حتى لو كانوا جزلين فالاهم من جزالتهم لديه هو ولائهم له وخاصه بالمنتديات !! اللي بيزعل من كلامي منهم يزعل لانهم يعرفون ان هالصحفي يجيب البيت في قصيدته ثقيل بس مايقدرون يقولونها له بيحرمهم من الشهره!!! يااخوان كيف ابحث عن شهره او يكون هدفي اني اوصل شعري للناس عن طريق صفحه محررها يترجى ويتمسكن لدى المحررين الاخرين في المجلات.. في سبيل ان ينشروا له!!! ليش ماتكفي صفحته؟؟ صحفي اخر اعتقد انه قدر يضحك على اللي حوله ويوهمهم بأنه انسان مثقف نعــــــــــــــــم؟؟؟؟؟؟؟؟؟؟؟؟ مثقففففففف؟؟؟ وهو الى الان يقول في ظل هجرة العقول العربيه لدول الغرب !!! أي هجرة عقول؟؟؟ ياخووي حنا الان في ظل الشروع في طمس الهوويه العربيه ككل .. يا ظل العراق راحت حضارته وهذا يقول هجرة العقول اقوول العقل نعمه وبعض الايام اللهم ياكافي يكون العقل نعــ ؟ ــه والمشكله انه يرأس تحرير مجله شهريه شامله ويقول ليش يقولون لي اني مغرور يوم قلت كلام يشبه هالبيت لخالد الفيصل اوالشطر ( الاول امووت واحيابه) وانا اقول الغرور احيانا يكون من تاثير نجاح او الاقتراب من القمه .. لكن وينك ووين القمه يا رئيس التحرير الدااج!! انا من يوم شفت اعلان مسابقه في المجله ومكتوب ((هناك خمس جوائز للفائزين تسلمها الممثله (زين؟ ؟؟؟ سـكري ) بععععععع!! وسوف تسلم الجوائز بنفسها شخصياً<--- وهذي ارجدوا تحتها من الخطوط لين تفوووح ريحتها ويصير اتضح لكم عفن المراكز الاولى التي تتم بهذه الطريقه .. هذا وهو توه بادي العمل!! قصدي وهو بلح الله يعين اذا فلح  كل اللي قريتوه فووق تدرون ليش ؟؟ علشان تعرفون اني ماتكلمت عن النقطه اللي كنت في البدايه ناوي اتناولها بس حبيت اوريكم كيف يطلع الموضوع عن اساسه من دون مايحس القاريء او الطرف الاخر بالنقاش ... هذي هي اغلب مواضيع الانترنت .. تبدى بشي وتشطححححح مليون واربعمئة الف فرسخ جنوب شمال:": عن الموضوع وخاصه اذا ورط صاحبها .. او تبين ان له نوايا غير اللي بالموضوع مقطع اعجبني لعبدالله عوده الخالدي 1 حملت في يدي دمار وبيدي اليمنى عمار ولقيت كلا مدلي يده يبي يدي اليسار 2 ياحرام ياحرام كل هذا النور والدنيا ظلام؟؟ 3 مبروك هالوحده الواحد اصبح وحده 4 مره حدثنا المعلم الثالث مركز متقدم قاطعت استاذي الخبير لما نكون احنا ثلاثه الثالث هو الاخير 5 الاسم احياناً مفعول واحياناً ياتي فاعل ليه امريكا بكل جمله موقعها دايم فاعل؟؟!! وش رايكم نلتفت للنت شوي؟ ياكثرررر المنتديات تدرون وش سبب كثرتها؟؟ يارجال أي عضو يتهاوش وينشطب من منتدى من القهررر راح وفتح له منتدى طبعا ليس الجميع وبعضهم بدى ينجح وعساهم بزود والا كان اول من يفتح منتدى انا لاني اعتقد مافيه منتدى ما بعد وقفني ليس افتخاراً ولكن كتبتها امتعاضاً لدرجة اني قمت اكره اشوف (باند) تحت اي اسم حتى لو انه شارون.. التوقيف القسري والعشوائي غالباً لاتتعدى اسبابه حاجتين:- 1- لوقف زحف الحقيقه 2- لعيونهااا .. والحمدلله دائما اذا توقفت .. اكون على حق لان مافيه ولا واحد من اصحاب هالمنتديات يقدر يقابلني او يناقشني بالسبب .. واحد علشان اني حشرت عيال عمه بالمحاوره واولهم شاعرهم العلم اللي صجونا فيه !!ومنتدى ثاني علشان فيه واحد سب الشعب السعودي ووصفهم بأقذر الاوصاف (كل اناء بمافيه ينضح) وبعد ماحاولنا ننبهه علشان يتدارك غلطه ويعتذر .. صار حذف اليوزرات على قررش وحمايه للعضو المسمومي ,,, وفااحت ريحة المنتدى النتنه ... وش ترجون من منتدى تقول احدى كاتباته ان قرار هيئة كبار العلماء بالسعوديه اللي بينوا فيه موقفهم من حرب العراق (( قرار ماييييييييع)) ونذكرها بأن لحوم العلماء مسمومه.. غير يوزرات نسائيه وهميه تحمل اسامي اشهر قبائل المملكه الى هنا عادي صح؟؟ بس ينزل بواسطتها قصائد يخجل العربيد من قراءتها!! وشلون الرجل المسلم والمراءه المسلمه؟؟ وش معنى هذا؟؟ قصيده اعجبتني [poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""] انتهى عصر الصحابه والخلافه=وابتدينا عصر الافكار الخفيفه وين عهد الجسر وايام الرصافه=مات والي الشام مع موت الخليفه بعدما ماكانت تميزنا الثقافه=الثقافه اصبحت حاجه سخيفه الله اقوى يازمن كله صلافه=اختلفنا والسبب حاجه طفيفه وش دواكم ياعشاشيق اللقافه=اللقافه حيلة نفوس ضعيفه الوريع ان بوه ماعجل واضافه= دج ورعه مابيلقى له وظيفه تنشد امه ياعسى ان اخوه شافه=وتصفق الكفين وتشق القطيفه واشتهر علم الصبي عند الصحافه=والخبر شفته عمود في صحيفه قلت من باب السماحه واللطافه=بنقذ امه من مصايبها العنيفه واتجهت لها ولا احسب المسافه=باخذ اوصافه ومن مثله وصيفه ويوم قلت انه بدى له شي عافه= طاحت الدمعه على ملثم منيفه وقالت اخر عهدنا به في لحافه= من ثلاث ايام في ذيك السقيفه رحت عنها والزمن شبت عجافه=اتنشد عنه مابقيت نيفه ويوم انا مسافر على مقعد ضيافه=في المكان اللي مواجه للمضيفه قلت باسوي على الحلوه حرافه=واتسلى لان رحلتنا كليفه وابتديت ارسل عبارات الظرافه=خالط صيف الحديث مع خريفه من ثقال الدم والا من خفافه=باعرف شخصية البنت النحيفه سلهمت بالرمش واشغلني حفافه=وهمست قالت سواليفك ظريفه وقالت اسلم ماعلى الدنيا حسافه=هات ماعندك ترى الحاله كسيفه قلت وش ذا الزين كله والتحافه=قالت انا كل حالاتي نظيفه قلت حنا عندنا اسبوع النظافه=وضحكت قالت حلاتك وانت شيفه وبين قال وقيل وعلوم الطرافه=مر في بالي دموع ام ذريفه ضقت حتى الجسم صابته ارتجافه=قالت اشبك هات همك بالنصيفه واشرح القصه لها مابه كلافه=واجهشت تبكي مضيفتنا لطيفه قلت خير وقالت الواقع خلافه=لكن امنتك على سر العفيفه قالت انا اياه ماشي تخافه=واعلنتها وقعها مثل القذيفه البحر لو سمعها يعلن جفافه=واليباس يدك الافاق المريفه حلم والا علم والا هي خرافه=رجل واستانث نهايات مخيفه ولاتقولون السبب تقليد تافه=والا غزو الغرب باشكال شريفه السبب واضح ولا يبغى عرافه=البلا من راس رجلك يامنيفه الشاعر/ ناصر الاحمري [/poet] |
|
|
|
05-08-2003, 15:00
|
#2 |
|
سيـــف الســـيــف
|
قصيده اخرىى اعجبتني [poet font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] يغفـر اللــه للحبيــب اللى رحـل للدوحــة =غــادر بــلاد الكـويـت .. ولا عــرف منـزالــه راح .. مـا أعطــاني خبـر عـن هجـرتـه ونـزوحــه =مـن بـلادِِ مـا يعيـّن بـالخليـج أمثـالـه بـالبـدايـة .. قلـت كـذب وقصـةِِ مطـروحــه =ليـن شفـت البيـت تبكـي بالسكـون أقفـالـه وإنصــدمت .. وجــض قلبـي .. وإبتـدا سـامـوحـه =وإبتـديت .أقـول وش يبقـالي .؟ وش يبقـالـه .؟ مـابقـالي .. عنـده إلا صــورتيـن ولـوحـة =ولابقـالـه .. عنـدي إلا خـاتـم وسلســالـه وإنتظــرت لشهــر كــامل عقــب ذيــك الروحــة =أي حـي .؟ يقول لـي .؟ وينـه .؟ وكيـف أحــوالـه .؟ ميـر مـا بـه نــور بيـّن يستــدل بضــوحــه =ولا بـريـد .. ولا إتصــال .. ومنقطــع جـوالــه وإقتنعـت .. إني ضحيــة دمعتـي وجـروحــه =وإبتـدت الآمـال تضعــف .. في مجـي مـرســاله وإبتـدت فـرقـاه .. تفضـح روحـي المفضــوحـة =وإبتـديـت أجــر .. آهــاتي على هالحــالـة آآآه .. مـن فـرقـا الدلـع .. بالطـلّـة المملـوحــة =وآآآه .. مـن فـرقـا الغنـج .. بقفـايتـه وقبـالـه وآآآه .. مـن فرقـا صبـاح .. الغــرّة المصبـوحـة =وآآآه .. مـن فـرقـا بـراءة .. وجهــه المحتــالـة وآآآه .. مـن فـرقـا رجـاحـة ...عقلــه الملمــوحـة =وآآآه .. مـن فرقـا الخبــال .. اللى ســواة خبــاله وآآآه .. مـن كسـرة حـكاه .. الكســرة المسمـوحـة =وآآآه .. مـن خثــرة لسـانـه .. يــوم ينسـى حـالـه وآآآه ..مـن ضحـكِِ يسيــح .. فـبحـّـةِِ مسيــوحـة =وآآآه .. مـن خمـر الســوالـف .. فـوق حبـّة خــالـه وآآآه .. مـن ليــلِِ .. يبي يطـري علـي مـزوحــه =وآآآه .. مـن عيــن الشقــا .. ودمـوعي الهمـالـة دمعــةِِ مـن دون شـرح ... ودمعـةِِ مشــروحــة =ودمعــةِِ تـزعــل عليـه ... ودمعــةِِ تـرضــالـه ودمعــةِِ تغلــق مـداي .. ودمعــةِِ مفتــوحـة =ودمعــةِِ تســعى معـاه ... ودمعــةِِ تسعــالـه علـّمـوه ... إن زلـّته هـاذي ماهـي مـدمـوحـة =وعلـّموه .. إني بحـالِِ مـزريِِ يـرثـالـه علـّمـوه ... إني مخــادن للحمــام ونــوحــه =وعلـّمـوه .. إني أغنـّي لـه على مـوالـه علـّمـوه ... إني بشــر يـركـض ورا مصلـوحـه =وعلّـمـوه .. إنـّه يـرسـّخ كلمتـي في بـالـه مـن يـطـاول .. عــزّتـي فــوقـه هـدمـت صـروحــه =لـو يكـون الشيـخ وإلا واحـد امـن عيـالـه علـّمـوه ...( الوايلــي ) نفسـه ماهـي مشفـوحـه =مـا يميـل الراس لـو دايـم يميـل عقــاله وعلـّمـوه .. برجعتــه لــي .. لايتعــّب روحـــه =دامــه أقفــا .. مـن رضــاتــه سمــّح اللـه فــالـه وعلـّمـوه .. إنـي بعــالج نفسـي المجــروحـة =وأعتصــم .. في طـرح واحــد من قـديم امثــالـه اللــه أكبــر يازمــن ... تطــوّرت منفــوحــة =عقــب ما كـانـت مجـرّد غـرفتيــن وصــالــة الشاعر/ مطلق النومسي (المحنك) [/poet] ((موقف ازدواجي)) موقف اعتقد فقد بسببه العضو عضويته الموقف هذا عباره عن جمله قالها الاخ العضو (يالله تحملنا راعي الموقع .. والمشكله وحط ولده ريس ) الولد كان بيوزر مستعار طبعاً طبعا انسحب الموضوع للمشرفين بس شف تعليقات المشرفين بمنتداهم واحد يقول ( الرجال قاص كشفه ومودع) ... والثاني يقول( ياصبر الارض على من عليها)<--- الله يهديك والله اني احبك والرجال وش قال لك؟ الثالث بعد ياحببببببي له والصراحه ضحكت من تعليقه( بري حالي كل مالديت يمك بري حالي) منتدى اخر سوى ( موكب سلطاني) وسوى رجه وقصائد في المشرف العام بعد عودته من السفر اليوم ... ((يعني كان مسافر ومنقطع عن النت))!! ابوووو النصب وقسم انه قبل هالموكب بيومين هو اللي شطبني ومراسلني على الخاص يقول مامعناه( تنازل شوي عن كرامتك كمواطن سعودي غيور والا اضطريت اوقفك) طيب بيجي لك يوم هع هع قصدي بيجي لك بعد قصيده غير حقت الموكب موقف اخر بس مدري وش نوعه!! موقع يدعي الرياده بكل شي والمشكله في كل قسم من اقسامه دروس مبدئيه لاختصاص القسم يعني الف باء تاء والمشكله التعليق المصاحب لها يقول لكي يستفيدوا الاعضاء .. والاعضاء يقولون شكرا لتنزيل هالموضوع اللي نحن بحاجه له اي رياااااده ياحبيبي؟؟؟ اقررب لها رباااده والمشكله يدعون عدم التقليد وبالصاله المغلقه انواع التقليد ابتداءً من المقابله اللي سووها مع اكبر واحد فيهم الى الغايب الحاضر الشاعر الجزل اتمنى ان لايؤخذ الموضوع بتلك الحساسيه الزائده ... كلها مزوح وسوالف .. والشي اللي تقولون انه فعلا حقيقي وواضح .. اعتقد تشفع له حقيقته .. والحقيقه لاتزعل ولاتضايق الا من يكره فعلا الحقيقه .. وانا انسان اموووت بالحقيقه ..ولاتمووووت فيني الحقيقه انشاءالله عموماً اسف للازعااااااااج  |
|
|
|
|
06-08-2003, 01:05
|
#3 |
|
شـــاعرة
|
صباحك خير ونور وتفاؤل وسعاده الموضوع متشعب وقضية شائكة تحتاج من له خبره طويله في المنتديات الدخول في المناقشه تسلم على الفكره التي طرحتها تحياتي |
|
|
|
|
06-08-2003, 20:06
|
#4 |
|
شــاعــر
|
ابو عبيّد ما اتوقع فيه واحد داج بالمنتديات كثرك الله يذكر ايام ناني بالخير <-----------تذكرها اللي كل مابغيت ترد بالاقلاع طلعت لك افعال تمثل الوجه الاخر للساحه الشعريه عموما تحياتي |
|
|
|
|
07-08-2003, 02:34
|
#5 | |
|
الشاعر عكاشه .. تشرفت بحضورك مره اخرى في مواسم .. وموضوع يحمل مشاكل كثيره ومعانآة بعض الشعراء الذين اثبتوا أنفسهم بقوة اشعارهم وجزالتهم .. سأحاول أن أرد على نقطه واحده بحسب اجتهادي الشخصي ... إقتباس:
في عصر النت لاأعتقد هم بحاجه ملحه لنشر قصائدهم عبر الصحف بطرق المجامله والأستجداء بهذا الأسلوب الذي ذكرته .. النت كفيل بعمل قاعده جماهيريه لهذا الشاعر أذا كان يستحق وفرض نفسه على الساحه وفرض الأعجاب والأشاده من الجميع .. فالنت ادآة تكنولوجيه خطيره استطاعت أن تستقطب الناس جميعاً بكافة مستوياتهم الطالب والأستاذ والكاتب والأديب والشاعر والصحفي لدرجة اصبحنا نتصفح حتى الجرائد اليوميه على النت .. الهدف من جراء تلك المقدمه أن الشاعر الآن يستطيع عمل موقع لديوانه يستطيع من خلاله الزوار متابعة مايكتب , والطريقه الأخرى هي جمع قصائده وعمل ديوان مكتوب له .. فالشهره التي حصل عليها من الأنترنت كفيله ان يتعرف عليه متابعين آخرين له .. فالنت وسيله اعلاميه قويه وستكون أقوى مستقبلاً وأكثر اعتماداً عليها .. يظل رأيي في هذا الجانب اجتهادي .. لأنه يعبّر عن وجهة نظر شخصيه .. ممتنه لحضورك ومشاركتك في مواسم .. |
|
|
|
|
|
07-08-2003, 12:31
|
#6 |
|
رفيــق الحــزن
|
عكاشة هلا والله بك يابو عبيد وتشرفت بقرائة موضوعك الرائع وكل ما قلته اقرب الى الواقع ... بما اني احد من عانى كثيرا من الصحافة في زمن المحسوبيات والمجاملات فانا اقول ان اغلب من صعد على اكتاف غيره بعضهم هوي الى القاع وبعضهم ما زال يترنح على امل ان ياتي من يسنده ليقف من جديد .. اخوي عكاشه الموضوع متشعب وبه افكار وأقلام تدل على سعة اطلاعك ولا نسى روحك المرحة التي اضف الشي الكثير على الموضوع .. تقبل احترامي وتقديري لما قمت به من جهد فانت علم واقول لاعداء صراحتك راجعوا انفسكم فقد تكونوا مخطئين .. تحياتي لك ايها الباسق . |
|
|
|
|
10-08-2003, 01:03
|
#7 |
|
قلــم فعّــال
|
عكــاشه ما ادري من وين ابدء الرد على موضوعك الرائع فبه لامست واقع محبط للاسف لكن وش نقول غير طنش تعش تنتعش واشرب ديزل تنتفش تحياتي لك ايها الشــامخ |
|
|
|
|
10-08-2003, 10:08
|
#8 |
|
شـــــاعــــــر
|
خالي تراني مع الربع اللي فوق والله مدري واني ابدا معه بغيت ارد قلت ياولد وش تقول وش تخلي شكل الموضوع ماخلا ولا بققّا تحياتي واعجابي شكرا لبث تباريحك وافكارك الجميله هنا |
|
|
|
|
10-08-2003, 20:27
|
#9 |
|
شـــاعــر
|
اخوي سيف ..... والله الموضوع له بيبان واجد ... والواحد ما يدري وين يدخل معه ..... ((((التوقيف القسري والعشوائي غالباً لاتتعدى اسبابه حاجتين:- 1- لوقف زحف الحقيقه 2- لعيونهااا ))))))) <<<<<<<<< جعلها العمى اما هذي الحاله احسن شي ان الواحد يقول (( القافله تسير والكلاب .. تنبح )) .................................................. ........................ منتدى اخر سوى ( موكب سلطاني) وسوى رجه وقصائد في المشرف العام بعد عودته من السفر اليوم ... ((يعني كان مسافر ومنقطع عن النت))!! ابوووو النصب وقسم انه قبل هالموكب بيومين هو اللي شطبني ومراسلني على الخاص يقول مامعناه( تنازل شوي عن كرامتك كمواطن سعودي غيور والا اضطريت اوقفك) .................................................. .................................... ياخي انا ما ادري ليه الواحد اذا صار مشرف حس انه (( ملك )) و ليه بعض الاعضاء يطيرون بالمشرف كنه ملاك منزل .... طبعا ً هالكلام اللي قلته فوق ماهو عام .. وانما لبعض حالات الكثيره ... .................................................. ............................. ياخوي سيف .... المشكله ماهي في المشرفين ...... المشكله في الاعضاء اللي معطين المشرفين وجه ... وخذ يا ترقيص ... ووشهو عشانه .... عشان يمكن انه في يوم من الايام يخليهم مشرفين ... عاد الله واكبر ياهالطموح ..... ولكن لاحقاق الحق فيه مشرفين من تواضعهم وجم اخلاقهم يجبرونك على الاحترام ولكن للاسف هم قله ... .................................................. ............................ انا كنت اكتب قبل مده ماهي بالقصيره باسم ( من مثلي من الناس ) ويعلم الله اني ماكتبته بقصد التعالي او خلافه ... ولكن لاعجابي ببيت لبدر بن عبد المحسن (( ظميان ومن مثلي من الناس يظما .... وانا على احلى الينابيع حارس )) وكنت اقصد من مثلي من الناس بهذا الشي المشروح بالبيت ....... وماهو ضروري اني اقعد اشرح اسمي اذا حطيته في منتدى ... المهم .... جاني الاخ المشرف بعد ما شاف لي قبول لاباس فيه في المنتدى وقال غير اسمك ... لان فيه غرور وهذا منافي لمنهجيه المنتدى <<<< احلف عاد قال ايش ... منهجيه .... حشاء سياسة دوله ذي ماهي منتدى ... فعرفت انه يبي يطفشني من المنتدى باي حال من الاحوال ....... .................................................. ............................... عموما موضوعك جدا ً رائع ... وهذا اللي تعودت عليه من قرائتي لك اخوي سيف ... والله يكون بعونك وعون كل الناجحين في المنتديات |
|
|
|
|
18-08-2003, 06:59
|
#10 |
|
شـاعـر
|
. سيف .. بين الجديـّـة بالتهكم .. والتهكم بالجديـّــه ..! او اللكاعه .. باختصار جاد بيانك .. يابو عبيد .. تحياتي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
