10-09-2001, 22:12 | #1 |
شـــاعــر
|
لحظة وداع ... اهداء للموقع الجديد
لحظة وداع الغلا في زحمة الصاله=سلم عليًه وقال الله يعدلها اقفى وفي خاطره هرج ٍ ولاقاله=حتى ( فمان الله ) ازرى لايكملها يشر بيمناه مايدري عن الحاله=اللي غشتني وانا ازريت اتحملها كن الشوى مع ضلوع الصدر ترقاله=وانا ابلع الريق ناشف لجل انزلها ودموع عيني على الخدين منهال=وامشها بالعمامه .. لايلد الها اخاف لو شافها تغير احواله=والوم عيني واقول الله يفشلها ما ابيه يزعل ولايطري على باله=وان راح اروح دموع العين واهملها اقفى وانا اسبره واقف واتشفاله=تنداش الافكار من شي تخللها واخذت في ماقفي ساعه وانا داله=عزي لقلبي من هموم ٍ يعاملها من عقب ماراح عني ويش بحياله=سود الليالي عسى الله لايجملها ان جيت اباالنوم والا ابغى اتهياله=عيني على النوم ماغير اتحايلها ترسم على شاشة التفكير تمثاله=وتسهر على صورة الغالي تأملها لحظة وداع الغلا في زحمة الصاله=انام واصحى من النوم اتخيلها اخر تعديل كان بواسطة » المبدع في يوم » 05-09-2004 عند الساعة » 21:09. |
26-10-2001, 12:24 | #2 |
عضو شعبيات
|
محجوووووووووووووووز أول رد بالمنتدى |
26-10-2001, 14:28 | #3 |
عضو شعبيات
|
صح لسااانك يامبدع ,, والله يعطيك العافيه وماقصرت |
26-10-2001, 14:55 | #4 |
عضو شعبيات
|
اخو ي اسم على مسمى.....صح لسانك وبيض الله وجهك |
26-10-2001, 16:54 | #5 |
موقوف
|
صح لسانك يا مبدع ولا هنت على ها الرائعه |
26-10-2001, 21:17 | #6 |
شـــــاعــــــر
|
صح لسانك يامبدع اقفى وفي خاطره هرج ولاقاله * حتى ( فمان الله ) ازرى لايكملها صح لسانك مرة اخرى شعر مطبوع بدون تكلف يتحدث من القلب الى القلب |
27-10-2001, 04:38 | #7 |
شــاعر
|
اخوي المبدع: شهادتي فيك طبعا مجروحه بس بقولها..الا وهي انك اسم على مسمى..وقصيدتك هذهابداع وصح لسانك يا مبدعنا ولا عدمناك. تقبل تحيات اخوك البدوي |
27-10-2001, 05:38 | #8 |
عضو شعبيات
|
بسم الله اولا ابارك للجميع مشرفين واعضاء على هذا المنتدى الجميل الذي ان شالله سوف نستفيد منه كل الفائدة ثانيا ان جيت اباالنوم ... والا ابغى اتهياله ..... عيني على النوم .. ماغير اتحايلها صح الله لساانك ملياااار يالمبدع لاهنت |
27-10-2001, 07:49 | #9 |
سيـــف الســـيــف
|
لله دررك يا المبدع على هالرائعه هذا القصيد اللي نقدر نقول عنه السهل الممتنع اخوي المبدع صح لسانك صح لسانك وتسلم يد كتبتها وخاطر غنابها والف مبروووووك على الاشراف وعزالله انه الرجل المناسب في المكان المناسب واتمنى ان تجذبك شعبيات بالعوده للمنتديات لك تحياتي |
28-10-2001, 05:28 | #10 |
ينتظر التفعيل
|
لحظة وداع الغلا .. في زحمة الصاله .......... سلم عليه .. وقال الله يعدلها اقفى .. وفي خاطره هرج ٍ ولاقاله .......... حتى ( فمان الله ) ازرى لايكملها يشر بيمناه .. مايدري عن الحاله .......... اللي غشتني .. وانا ازريت اتحملها كن الشوى .. مع ضلوع الصدر ترقاله .......... وانا ابلع الريق ناشف .. لجل انزلها ودموع عيني على الخدين .. منهاله ..........وامشها بالعمامه .. لايلد الها اخاف لو شافها ... تغير احواله ..........والوم عيني .. واقول الله يفشلها ما ابيه يزعل .. ولايطري على باله .......... وان راح .. اروح دموع العين واهملها اقفى .. وانا اسبره .. واقف .. واتشفاله .......... تنداش الافكار من شي ٍ تخللها واخذت في ماقفي ساعه .. وانا داله .......... عزي لقلبي من هموم ٍ .. يعاملها من عقب ماراح عني .. ويش بحياله .......... سود الليالي .. عسى الله لايجملها ان جيت اباالنوم ... والا ابغى اتهياله ..........عيني على النوم .. ماغير اتحايلها ترسم على شاشة التفكير .. تمثاله .......... وتسهر على صورة الغالي .. تأملها لحظة وداع الغلا .. في زحمة الصاله .......... انام واصحى من النوم ... اتخيلها اخوي الغالي وشاعرنا العذب المبدع 00 كالعادة تكتب كاملة لروعتها وجمالها قصيدة في غاية التميز لشاعر اعتدناه مبدعا صح لسانك وبيض الله وجهك وهلابك يابعدي |
24-06-2002, 10:42 | #11 |
شـــــاعــــــر
|
رائعة رأيتها في الصفحة الاخيره
اخي العزيز المبدع مساء الخير رأيت هذه الرائعة في اقصى صفحات الموقع ولإعجابي الشديد بالقصيدة احببت ان ابروزها واضع لها خلفية جميله تليق بها وبشاعرها ففعلت لك تحياتي واعجابي وتقديري واحترامي اخوك صالح السبيل ابونوت |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|