[سليمان الشدوي]

ياليل/ ياساكن انفاس المحبين
ياليل/ وينك عن اللي مايحبون ..!

ان طال موالهم / ياليل ياعين
تتشجر اهاتهم / ويدندن الكون

ياليل/ قلبين / تخشع تحت صدرين
وقلبين متعلقه باهداب وعيون ..!

الدرب ماينتهي / لولا العناوين
والصبح ميعادكم ياللي تخونون ..!

وانا العناوين تاخذني على وين
اجاذب اهل الهوى يمكن ينامون ..!

الشعر(حالة عشق)والنوم تخمين
والعشق مغنى/على الاهات موزون

ازيّن السجن لاحلام المساجين
واواسي الليل كِنّ الليل مغبون

يطردني الذنب / ماخفت موازين
الذنب في كفتين الياس مضمون..!

وان خانني الياس بين الحين والحين
اقول يالله عسى احبابي يعودون

خبرني الليل عن جمرة وسكين
وخطوة تشق الصدر/ بالهون بالهون

عشانها صرت واقف بين نارين
القلب سجاد / واهدابي يمرون

واصحى وانا ماغفت بالليل لي عين
اصافح الصبح / شايل غصن زيتون

واقول ياليل هونك عــ المحبين
وين احتجاجك على اللي مايحبون ..!

/
/

[عبآدي الزهرآني]

كلمآ أقرأ بيت أقول .. البيت هذا جميل .. إلى أن وصلت لـ آخر القصيدة ..!!

نص جميل ومميز يآ سليمان .. كمآ عهدتك ..!!

[سليمان الشدوي]

الرسالة الأصلية كتبت بواسطة عبآدي الزهرآني

كلمآ أقرأ بيت أقول .. البيت هذا جميل .. إلى أن وصلت لـ آخر القصيدة ..!!

نص جميل ومميز يآ سليمان .. كمآ عهدتك ..!!

هلا عبادي

الله يسلمك


شاكر مرورك

[محمد الدحيمي]

اتيت لأهذب ذائقتي ووجدت ما اردت
لله انت يابو ايمن
فوووووق ياشعرررررر ..