18-10-2006, 09:26
|
#1 |
|
شــاعر
|
ديـــرة التوحيـــد
الا يالله يا رب السما يا الواحد المعبود = طلبتك يالكريم اللي جميع الناس يرجونه طلبتك وانت كفك للخلايق بالعطا ممدود=تغفر ذنوب عبد ٍ لا ذكر ذنبه عبس لونه وترخي ليل نو ٍ فيه شعف وفيه حن رعود=وبرقه يذهل الساري وقدحه يشعل مزونه تسوقه من على ديره لديره مسرجات النود=ولا يترك محل الا سقاه وفجر عيونه يسيل السهل منه ويختلط وبله بصفق برود=ويخضر الشعيب البكر منه وتزهر غصونه من حدود الشمال يسوق وبله ويغشى الاخدود=ومن مكه رزيمه قصف لين الشرق يرعونه وتروى نجد منه وتنقلب صحرا النفوذ ورود=ويطرا بدو في الصمان والخرخير يردونه تعله ديرة التوحيد مرباع الكرم والجود= بلاد ٍ / كنها .. دره / بجوف البحر مصيونه منار الكون قبله للخلايق والوفود شهود=وتشهد طيبه وبيت ٍ ضيوف الله يحجونه بلاد ٍ رافع الله شانها سبحانه المحمود = ومن يرفعه ربي فالخلايق ما يوطونه لو تحاول جموع ابليس بين مهبل ومقرود= وكل اللي عليهم لف حبله وانثنوا دونه فلا هزوك يا ماكر حرار ويا عرين فهود=وانتي حامية الاسلام وانتي امنع حصونه متى هز الرواسي هب نود ٍ ما تحرك عود= متى الاسلام كان قناع للي يهدم ركونه على قرعة طبول إبليس صفوا للهلاك حشود=واخذ منهم بليس العهد بانهم ما يخونونه عطاهم عهده ورضيوا !! متى الشيطان صان عهود=وعدهم بالبقا فنيوا !! فناء ٍ يستحقونه تجنوا .. فجروا .. ذِبْحوا .. ومن يسلم قضى مطرود=نهايات ٍ شنيعه .. يزرعون المر يجنونه بري مقتول بيديهم .. وطفل ٍ طايح ممدود = كتب طهره دمه بثياب فزاعه يشيلونه وبيت ٍ هدمه فاجر تحته شويبة ٍ مفقود=بناته راعهم علمه وشقوا الثوب يرثونه اذا هذا هو الاسلام !! كيف نكفر النمرود ؟؟=نسمي ذبحنا اسلام !!.. لابو اللي يلوكونه بري الاسلام من قوم ٍ شريعتهم من التلمود=بري يا ديرة ٍ ما هزها فحش ٍ يسوونه الا يا كيف تنهزين وانتي في يمين العود = فهدنا اللي ملوك الإنس والجـِنـه يهابونه وفي جنبه مثل سيف ٍ صقيل ٍ ما يكوده كود=ابو متعب لما انه صك خصمه مكن طعونه وسلطان الحروب اللي مرسها من جدود جدود=يخططها ويقلبها على من يخلف ظنونه ونايف نايف ٍ لطمته ما تخطي الوجيه السود=اثرها ما يواريه القناع اللي يحطونه هل الفعل وهل العدل الملوك ومن سوى آل سعود ؟ =كفو / يا اليعربيه / رسنك الغالي يتلونه حزام ودرع في وقت الشدايد وان شكا المضهود=حموه وسيفهم يقطر من دما من يعادونه وحن يا ديرة التوحيد من كل الخبوت جنود= وكان الموت لترابك يا هون الموت يا هونه لما ثار الوغى والعج ثار وخالط البارود=وكن تحت السنابك راس نيم ٍ تكلخ سنونه ومن وجف الحوافر مختلط عج الرمك بحيود= وعكفان المخالب حايمات ٍ ترقب المونه وللرمح الرديني زرقة ٍمن مفتلات زنود = وكن للروس طحن ٍ والسيوف تقول طاحونه نهار ٍ فيه جت رقاب كن فيه الثياب لحود= بننحر كل ملعون ٍ ونسبي كل ملعونه ونشبع فاردات الريش منهم من لحم وكبود= ونشبع ضاريات البيد والجوان مشحونه ونرفع رايتك يا ديرة التوحيد زود وزود=بمان الله .. والارهاب نبتر راس فرعونه |
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
