23-06-2010, 14:00
|
#1 |
|
شاعـرة
|
حدث في مثل هذا اليوم .. اللي هو أمس
اليوم الثلاثاء الموافق 22 يونيو 2010 خرجت من البيت صباحا متجهة إلى مقر عملي ووصلت المكتب في تمام السابعة .. تناولت قهوتي مع فطيرة الجبن اليومية << يعني فطرت بالعافية على قلبي .. أمس كان الإثنين وكنت قد أتيت إلى الدوام مواصلة .. يعني مو نايمة .. في تمام التاسعة .. قررت أن أشرد شر شردة .. حملت حقيبتي واتصلت بالسائق .. وأنا في طريقي لخارج المبنى رأتني واحدة من زميلاتي وهي الـ Group Leader حقنا .. تفاجأت قلت لها: أنا عندي موعد في المستشفى .. بدون ما تسأل .. وعلى وجهي تبدو علامات الخوف والربكه .. << كاد المريب أن يقول خذوني .. وذهبت للبيت وطار النوم من عيني يا ليتها ما شافتني .. وكنت أحدث نفسي وأقول: طيب بكره لما يسألوني .. لما خلصتي الموعد ليش ما رجعتي المكتب؟ دورت في مخي ما لقيت إجابه .. قلت بكره يصير خير .. نرجع لليوم .. كان يوما عاديا جداً .. حرارة الشمس كانت أخف من أمس << نشرة جوية .. حتى الساعة الثامنة عندما اتصل بي رئيسي يطلب مني الحضور لمكتبه .. توجست خيفة << أموت ع الثقافة .. ومن كثر الخوف حسيت الدنيا حر نار .. مشيت الهوينا متجهة إلى مكتب الرئيس << أها يا الرشيقة تمشي الهوينا.. ما لكم بالطويلة .. المهم ذهبت لمكتب الرئيس وأنا أحمل قلبي بين يدي وأحدث نفسي .. اممممممممممممم سوف يقوم بتوبيخي لشردتي .. << أوووووووووووم اللغة طلب مني الخشوش لمكتبه وطلب مني أن أصفق الباب خلفي .. فصفقته مطيعة .. وتسكيرة الباب خوفتني أكثر شي .. قلت بيني وبيني .. إيه عشان لا حد يسمع صراخه علي .. قعدت ع الكرسي المقابل له << أجل وين بقعد ع الأرض مثلا .. قعدت وفي رواية جلست على ذلك الكرسي تفصل بيننا الطاولة .. وكنت أنظر للأشياء المصفوفة فوقها خوفا من أن تنطلق واحدة منها نحوي .. فتصيبني على أم رأسي أو أبوه .. بلعت ريقي وسألته بأنا الخوف << أي بمنتهى الخوف خرج صوتي متهدجاً: خير؟ << (حبيتها متهدجاً أحسها حقت مثقفين) .. رد ببرود كاد أن يفقدني أعصابي: خير إن شاءالله .. خير .. وأنا أقول بيني وبيني: هاتها من الآخر وفكني.. في البداية .. سألني عن أحوالي وأحوال إبنتي المريضة .. وكنت أردد الحمدلله .. الحمدلله .. << من الخوف ما لقيت شي أقوله بعد السلام والإطمئنان .. قال لي: منتهى مبروك .. كنت راح أنقز بوجهه واقول: على ايش تبارك لي وانا متزوجه من زمان وأصغر بنت عندي عمرها 13 سنة .. وبعد أن احترقت أعصابي وتصبب العرق مني مدرارا..<< مو قلت لكم مثقفة .. المهم في لحظة لا تشبه خوياتها اللحظات .. وعلى حين غرة فاجأني وقال: جاتك ترقية .. انصدمت وما عرفت ايش اقول .. شوي الا الدموع اربع اربع .. شوي صاروا ثمان ثمان .. بالفصحى .. اغرورقت عيناي بالدموع .. بصراحة خجلت .. قلت له: شكرا وان شاءالله أكون استاهل هالترقية .. قال: تستاهليها وعن جدارة .. وقعد يعدد لي محاسني في العمل وزين ما جاب سيرة الشردات .. قمت أنا وجبتها قلت له: بس أنا كثير أشرد.. << يعني فضحتني .. قال: أنا مقدر شرداتك وانتي تستاهلي كل خير وتستاهلي أكثر .. جان ما أقدر أمسكني وأبكي أكثر .. وكدت أن أشهق من البكاء بس مسكتني .. وحطيتني ع الصامت .. الوهقة إني ما كنت حاملة معي كلينكس .. كيف أمسح دموعي .. بكم العبايه مثلا؟ شوي فتح الدرج حقه .. كنت أفكر انه راح يعطيني شوكولاته بس خاب ظني .. أعطاني كلينكس .. أنقذني من تلك الوهقة الكبيرة .. شكرته وطلعت مو عارفه أضحك ولا أصارخ ولا ايش اسوي .. مدري .. جان أروح الحمام الله يعزكم جميع والسامع يقول آمين .. واقعد اناقز قدام المرايه .. Yes Yes Yes .. وبعد أن عبرت عن محاسيسي الجياشة .. رجعت للمكتب وأنا مو مصدقة .. اعذروني هالترقية حلم كنت أحلم فيه من كم سنة .. وأخيرا تحقق .. شكرا لله .. شكرا لله .. شكرا لله .. بالعربي .. باركوا لي .. واللي ما يبارك لي أفكر إني أحقد عليه .. |
|
|
|
23-06-2010, 14:38
|
#2 |
|
شــاعر
|
رد : حدث في مثل هذا اليوم .. اللي هو أمس
لولولولولولولولولوليسسسسسسسسسسسسسسسسسسسسسسسسسسسسسس سسسسسسسسسسسسسسسسسس الف الف مبروك يا منتهى الترقيه وعقبال ما نشوفك وزيرة النفط حته واحده تستاهلين اكثر ترقيتك هذه اكدت مثل دايم استخدمه انقليزي هو بس باحاول اترجمه تشتغل كثير تغلط كثير ما يحبونك تشتغل قليل تغلط قليل يحبونك ما تشتغل اطلاقا ما تغلط اطلاقا يرقونك  سبحان الله المثل مشى على موضوع ترقيتك تفركين ويرقونك والربيع مسكين كان يجاهد في خندق وشوفيه صار شهيد ما حتى عطوه بطانيه تستاهلين يا منتهى انتي اصغر عيالك اكبر مني ب3 سنوات اقول لها يا طنط |
|
|
|
|
23-06-2010, 14:58
|
#3 |
|
مشرف الرحلات البرية والسياحة
|
رد : حدث في مثل هذا اليوم .. اللي هو أمس
الف الف اااااالف مبروك يامنتهى ( بين الي مبارك ومدبل... خايف من الحقد) ولقد عملتي فااحسنتي فترقيتي ( معارضه لمثل فيصل الانقليزي ) |
|
|
|
|
23-06-2010, 15:20
|
#4 |
|
مصمم
|
رد : حدث في مثل هذا اليوم .. اللي هو أمس
هذا الموضوع مشارك بالمسابقة ؟  خخخخخخ مبروك الترقيه يامنتهى وعقبال ماتصيرين وزيرة النفط |
|
|
|
|
24-06-2010, 02:06
|
#5 |
|
شـــاعرة
|
رد : حدث في مثل هذا اليوم .. اللي هو أمس
مبرووووك مبرووووووووووك مبروووووووووووووووووك تسستاهلين كل خير عقبال اكبر المراتب اللي تتمنينها     |
|
|
|
|
24-06-2010, 05:37
|
#6 | |
|
متنبي الشعر الشعبي
|
رد : حدث في مثل هذا اليوم .. اللي هو أمس
الف الف مبروووووك يامنتهى تستاهلين كل خير مانتيب سهله ابد ماتلعبين مصطلحات جاهلية خاصة متهدجاً ذي انا طحت عندها  إقتباس:
ياوجه الله ماحد سالم منك ياطيطل |
|
|
|
|
|
24-06-2010, 06:13
|
#7 |
|
رد : حدث في مثل هذا اليوم .. اللي هو أمس
 مبرووووووووووووووووووووك اختي الحبيبة منتهى ومنها لأعلى إن شاء الله ..  |
|
|
|
|
24-06-2010, 12:02
|
#8 |
|
شاعـرة
|
رد : حدث في مثل هذا اليوم .. اللي هو أمس
هلا أخوي فيصل .. منور الديوانية وكل الحتة .. الله يبارك بعمرك .. أما وزيرة نفط لا لا لا كل واحد يحلم على قده .. أنا أحلامي متواضعة مثلي .. << أمدحني .. أما مثلك هذا الي مدري شلون قايل ما راح أعلق عليه .. يعني اني مسويه جد وشخصية وما ابي اهاوش .. بالنسبة للربيع أنا سمعت إنك تبي تشتري بطانيته عشان تصير شهيد مثله .. أونكل فيصل .. شكرا كبييييييييييييييييييييييييرة .. كبر راس الربيع .. |
|
|
|
|
24-06-2010, 12:09
|
#9 |
|
شاعـرة
|
رد : حدث في مثل هذا اليوم .. اللي هو أمس
 إقتباس  الرسالة الأصلية كتبت بواسطة مقدور  الف الف اااااالف مبروك يامنتهى ( بين الي مبارك ومدبل... خايف من الحقد)ولقد عملتي فااحسنتي فترقيتي ( معارضه لمثل فيصل الانقليزي )   هلا وغلا مقدور شكرا الله سعيكم .. << عزا مو تبريكات .. ولو اني أحاول أقبل هالمباركة لأنك قلت انك جاي تبارك خوفا من الحقد .. يعني أفكر أحقد أو ما أحقد .. راح أشاورني وأرد لك خبر السنة الجاية مثل هالوقت .. أما مثلك يا زينه زيناه مو أمثال الأخ فيصل الي مدري شلون قايله .. أحاول أسامحه .. وش رايك أسامحه ولا لأ؟ شكرا أكبر شي .. |
|
|
|
|
24-06-2010, 12:12
|
#10 |
|
شاعـرة
|
رد : حدث في مثل هذا اليوم .. اللي هو أمس
هلا أخوي فهد شوف لا تطلعها براسي وتخليني أشارك .. بس تدري .. لا ما راح أشارك خصوصا بهالموضوع أخاف اخرب ع البقية .. الله يبارك في عمرك .. وقلنا لكم يا جماعة كل واحد يحلم على قده .. أما وزيرة نفط لا لا ما اتخيلني .. أخاف ما أعرفني .. شكرا لك من بيتنا لبيتكم .. |
|
|
|
|
24-06-2010, 12:16
|
#11 |
|
رفيــق الحــزن
|
رد : حدث في مثل هذا اليوم .. اللي هو أمس
تستاهلين الترقيه يا منتهى واكثر الف الف مبروك الترقيه وعقبال ما نشوفك ممدده رجليك على كرسي الرئيس اللي رقاك وتضرب معك وتصيرين رئيسه لفيصل ويفكر بس تفكير انه يشرد وتلزخينه بفصل مؤبد مع الشغل والنفاذ إقتباسالرسالة الأصلية كتبت بواسطة فيصل الخالدوالربيع مسكين كان يجاهد في خندق وشوفيه صار شهيد ما حتى عطوه بطانيه اي ما اخذت الا كيس مخده هههههههههههههههههههههههههههه <<< صدق الكلام لا ربعنا ما يقصرون يكفي اني ترقيت في احد الترقيات وانا في اجازه  |
|
|
|
|
24-06-2010, 18:27
|
#12 | |
|
شــاعر
|
رد : حدث في مثل هذا اليوم .. اللي هو أمس
إقتباس:
ههههههههههههههاااااااااي تقول منور الديوانيه هههههههه شهيد ابو خندق "الربيع" يا اخ شهيد ابو خندق انت ما علمتها اني مشرف علي الديوانيه بجح انا صح كيفي متسبب منتهي طلب فيه مصلحه للجميع وانتي تحبين الخير مستشفي العيون التخصيصي رفض استقبال اي حالات من كثر الزحمه الي سببتها طريقه كتابتك لو سمحتي وحفاظا على مصلحه الوطن والمواطن سوي كذا يعني اكتبي سطر واتركي سطر خصوصا اذا كان الرد اكثر من 75 كلمه ترا لاتغرك الصور كلن حاط صورته قبل اربعين سنه الدحيمي من كثر ماهو شايب وجهه عباره عن رمش وضرس مسكين الباقي ذهب مع الريح اعرفك اكيد حاطه القدو وتقرين الرد وكل شوي تصفقين شاشه الاب توب باللي والا انتي ما لك في القدو جراك زي مقدور |
|
|
|
|
|
24-06-2010, 22:24
|
#13 |
|
الدانه بنت عبدالله
|
رد : حدث في مثل هذا اليوم .. اللي هو أمس
ماشاءالله تبارك الله..... الف الف الف مليون مبروك يالغاليه .. تستاهلين كل خير..والله يحقق لك كل مرادك ..يارب ومن أعلى إلى أعلى المراتب في الدنيا وفي الأخره ..  |
|
|
|
|
26-06-2010, 10:02
|
#14 |
|
شاعـرة
|
رد : حدث في مثل هذا اليوم .. اللي هو أمس
 إقتباس  الرسالة الأصلية كتبت بواسطة نورة العجمي  مبرووووك مبرووووووووووك مبروووووووووووووووووك تسستاهلين كل خير عقبال اكبر المراتب اللي تتمنينها   هلا وغلا بـ النواره الله يبارك بعمرك ويسمع منك وينولك كل اللي ببالك يااااااااااااااااااااااااااا رب .. بوكيه ورد للورد .. |
|
|
|
|
26-06-2010, 10:06
|
#15 |
|
شاعـرة
|
رد : حدث في مثل هذا اليوم .. اللي هو أمس
إقتباسالرسالة الأصلية كتبت بواسطة محمد الدحيميالف الف مبروووووك يامنتهى تستاهلين كل خير مانتيب سهله ابد ماتلعبين مصطلحات جاهلية خاصة متهدجاً ذي انا طحت عندها ياوجه الله ماحد سالم منك ياطيطل هلا بمتنبي الشعر .. محمد الله يبارك بعمرك .. إنت الخير كله .. يا وجه الخير .. أما متهدجاً تراها ما تطلع الا في المناسبات .. عسى ما تعورت لما طحت.. اييييييييييييييييييييييييه << تنهيدة طويلة .. شفت شفت يا ابو بدر.. الأخ فيصل ما يعطي أحد فرصة انه يسامحه على طول.. لكن ما أقول إلا الله يهديه .. |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
