28-03-2005, 16:34
|
#1 |
|
الطــربة
|
قصه وقصيده
السلام عليكم ذي القصيده أنوضعت في جريدة من فتره..وكانو يخمنون حسين وش اسمه الكامل. ومناسبتها كانت عن عبدالله بن رشيد من آل رشيد من قبيلة شمر أمراء حائل. يقول الراوي.. حينما كثرت النزاعات بين آل رشيد أنفسهم تغيرت أحوالهم وحصل ماحصل وأضطر عبدالله إلي الخروج من حائل مشياً على الأقدام وكان برفقته زوجته وخوي له أسمه حسين ولان الأرض صخريه في الجبال حائل وكانت تمشي حافيه وهي بنت الشيوخ المدللله لكن نظرا لما حل بهم أضطرت للخروج مع زوجها وكان الامير وحسين قد تعودا على الخشونة فلم يتاثرا أما هي فقد احنى الصخر قدميها وأخذت تتمايل بمشيتها ولما التفت عبدالله رق لحالها وقدر ماهي به فأمر الخوي ان يرمي نعليه لها وهو يقول.. ارم النعول لمغزل العين ياحسين***او اقطع لها من ردن ثوبك ليانه ياحسين والله مالها سبت رجلين***ياحسين شيب بالضمير اهكعانه جنب حفاة القاع واتبع بها اللين***واقصر اخطا رجليك وامش امشيانه وان شلتها ياحسين ترما بها شين***حيث الخوي ياحسين مثل الامانه مايستشك ياحسين غير الرديين***والا ترى الطيب وسيعن بطانه 1سبت ::رقيقه….2حفاة القاع:::الارض اوعره…3اهكعانه:::العرج |
|
|
|
28-03-2005, 17:02
|
#2 |
|
شــــاعـــر
|
رد : قصه وقصيده
شكرا على النقل اخت نجود سبب خروج عبدالله من حائل ليس نزاعات بين ال رشيد .. لأن وقتها امارة ال رشيد لم تبدأ .. كان بسبب الخلاف بين ابن رشيد عبدالله واخوه عبيد مع حكام حائل انذاك ( ال علي ) وهم ابناء عمومه مع ال رشيد .. اما القصيده التي نقلتيها فيها بعض الاخطاء البسيطه وهذه هي القصيده كامله بدون اخطاء ارم النعل لمغيزل العين ياحسين ........................... واقطع لها من راس ردنك ليانه جنب حثاث القاع واتبع به اللين ........................ واقصر اخطاك شوي وامش امشيانه ياحسين والله مالها سبت رجلين ........................... ياحسين شيب بالضمير اهكعانه وان شلتها ياحسين تر مابها شين ........................... ترى الخوي ياحسين مثل الامانه مايستشك ياحسين كود الرديين ................................. ولا ترى الطيب وسيع بطانه لابد ماحنا عن الضلع مقفين ............................... ولابد ماناصل نفود وليانه . |
|
|
|
|
28-03-2005, 17:08
|
#3 |
|
عضو فعّال
|
رد : قصه وقصيده
نجوووووده قصه رررائعه وقصيدة اروع وموروثنا الشعبي زاخر بالقصص المشرفه شكراً لذوقك |
|
|
|
|
28-03-2005, 17:44
|
#4 |
|
الطــربة
|
رد : قصه وقصيده
نواف شكراً على حضورك..وعلى تصحيحك للأبيات لكن بالنسبه لآل علي اعرف انهم حكمو حائل 400 سنه,, لكن مب مثل حكم آل رشيد..وانت فاهم أكيد ثمن هم بس يتقابلون هم وآل رشيد بفخذ عبده الجعفر مثلهم مثل أي عائله من عوائل حايل الشمريه الحين الاختلاف إللي صار بين عبدالله وعبيد على الحكم .بس بينهم مب مع العلي سمعت انوه عبيد قتل كل عيال اخوه وهم صغار عاد مدري انت شكلك تعرف بذي الاشياء اكثر بس لو عندك فكره حسين وش قالو اسمه الكامل ياليت تذكره.. |
|
|
|
|
28-03-2005, 17:48
|
#5 |
|
الطــربة
|
رد : قصه وقصيده
عنود تسلمين ياقلبي حلو انها اعجبتك شكرا لحضورك |
|
|
|
|
28-03-2005, 17:58
|
#6 |
|
شـــاعــر
|
رد : قصه وقصيده
الأخت النشطة / نجود قصة جميلة وقصيدة اجمل لأبن رشيد كنت ولازلت ارددها إلى هذا اليوم وكان والدي رحمه الله تعالى يرددها معي في كل مرة .. اثرتي اشجاني يا نجود .. شاكر لك هذه المشاركه الجميله في قسم الخيمه وننتظر المزيد . تحياتي / مرزوق .. اخر تعديل كان بواسطة » مرزوق بن فيحان في يوم » 28-03-2005 عند الساعة » 18:03. |
|
|
|
|
28-03-2005, 21:54
|
#7 |
|
عضو شعبيات
|
رد : قصه وقصيده
نـجـود الله يعطيك الصحة والعافية قصية وقصيدة رائعة وشكرا لـ توضح الرائع نواف وننتظرك دائما في الخيمة تقبلي سلامي واشواقي الخويطري |
|
|
|
|
30-03-2005, 09:20
|
#8 |
|
الطــربة
|
رد : قصه وقصيده
مرزوق بن فيحان مشكور على كلماتك اللطيفه وأسعدني تشجيعك سعود الخويطر شكرا لتواجدك... ولمجهوداتكم في قسم الخيمه  |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
