18-10-2006, 09:46
|
#1 | |||||||||
|
شــاعر
|
رثاء خادم الحرمين الشريفين
يا اله الكون يا ربي سالناك الثبات=لا تزيغ قلوبنا يارب من عقب الفهد ثبت قلوب الخلايق يوم زاغت في شتات=من الذهول / من الفجيعه والوجيعه والكمد القلوب تذوب من هول المصيبه يوم جات=والرقاب تقول علقت في شنق حبل المسد ما كأن الله خلق في الكون غيرك يالسكات=والدموع اللي بحر الجمر وبجود البرد راح فهد العرب / فهد خزام خشم المعضلات=فهدنا اللي لطمته تصلم رؤوس مية اسد خادم البيتين حامي الدين ومقيم الصلاة= راح والدنيا عليها اسمه مخلد للأبد مخطي ٍ من قال مات / الفهد باقي في الحياة=مخطي ٍ مليون الا مخطي ٍ وبلا عدد كيف مات وكيف مات وكيف مات وكيف مات=والله انه حي فينا لو يواريه اللحد اسمه تهله غيوم وينبته صدر الفلاة= ويتظلل به فقير ٍ ويتقوى به جهد وذكره يدك الحصون ويرعب قلوب الطغاة=وان سمعه به مارق ٍ يبست عروقه ثم هجد الشجاعه والكرم والطيب وأفعال الدهاة= اوشكت بانها تموت بموتته بس الصمد حطها بعده بأخير من تعلى المسرجات=مروي السيف المذهب في مصاديق الوعد والامانه لو تهز اعتى الجبال الراسيات=ما تهز القرم ابو متعب سوا قام او قعد حاكم ٍ تهتز الارض لخطوته والنايبات=تدري انه رجلها وانه من اصلفها ورد عظم الله اجركم يا سيدي والمفردات=عاجزه توصف عظيم الحزن لكن البلد لا بسه بجنوبها من حزنها الطاغي عباة=ولك تناظر عينها في عز يا صقر الهدد وبسم يام وبسم همدان الرجاجيل الثقات=وباسم شعب ٍ للفهد يا ما دعا الله وسجد لك نبايع بالولا اللي ما تزعزعه الوشاة= لك يا بو متعب ولانا وانتمانا والعهد والعهد لك نحفظه حفظ النبي للمعجزات= حن مع صبعك بروق وحن مع صوتك رعد والولا بعدك لسلطان الفخر والمكرمات= والله انه ما كذب من لقبه وجه السعد ويا اله الكون يا ربي سالناك الثبات=لا تزيغ قلوبنا يارب من عقب الفهد |
|||||||||
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
