[محمد المقاطي]

السلام عليكم ورحمة الله وبركاته ؛؛ طابت اوقاتكم بكل خير..
حيالله الشعبيين والشعبييات .. انا عضو جديد لديكم فالمنتدى .. حبيت اني ابدا مشاركاتي بقصيده .. ومن خلال هذا القسم .. واتمنى انها توّسع صدوركم .. وقد قمت بنشرها في منتديين آخريين .. وهي تتكلم عن الاجازه الصيفيه .. والمسفار .. وانا اقول .. صيفنا مع اهلنا احلى .. إليكم النص .. وان جاز لكم .. كلي شرف .. :

يامنيف جتنا مقبله عطلة الصيف ؛؛ والبوك فاضي مامعي كود فكه

والناس شدت عفشها والمصاريف ؛؛ تبغى تغير جوّها والمضكه

ناسٍ تبا باريس ناسٍ تبا جنيف ؛؛ والصنف الاخر جالسٍ فوق دكه

وناسٍ نوت بالشرق سجه وتكييف ؛؛عند البراد ولاغشى القلب شكه

ناسٍ تذوق البيف من طبخة الشيف؛؛ وناس يدك تسبودها الرز دكه

وانته وانا يامنيف من غير تكليف؛؛عفنا من الظهران حاره وسكه

نبغى نغير جوّنا بالمصاييف ؛؛ مير الدراهم صابت القلب وعكه

الحظ الاقشر في حياتي كما الضيف؛؛ لاقلت روّح قال ماعنك فكه

وادلّه النفس الحزينه على السيف؛؛والا على البيلوت تقزير صكه

ماقول ليت ان الليالي على الكيف ؛؛ يسعد بها رجلٍ بخافيه لكه

وان كان تبغى العلم ياخوك يامنيف؛؛ عمره في بيت الله في دار مكه

اخير من باريس واطيب من جنيف ؛؛ تبري عنا نفسٍ من الوقت ضنكه

وانتم سالمين .
اخوكم محمد المقاطي.

[يزيد بن غشيّان]

الله يا محمد قصيده تحكي الواقع بحذافيره و الشرح سرا مع ناس ٍ واجد

صح لسانك و مرحبا بك بين ربعك واخوانك

لا هنت يا راعي مكه

[علي بن جوخة]

صح لسانك يامحمد ملايين

قصيدة كايفة والله

وانا اشهد انك صادق ان صيفنا احلى

محمد لا تحرمنا من جديدك فنحن بنتظارك

/
'\
دمت بكل ود

[الحربي طارق]

ونعم فيك محمد ماشاء الله هذي اول مشاركه اجل وش بتسوي بالتاليات
الله يوفقك اخوي وصح لسانك بس فيه بيت ليتك ماقلته
الحظ الاقشر في حياتي كما الضيف؛؛ لاقلت روّح قال ماعنك فكه
ودمتم