13-09-2006, 11:28
|
#1 |
|
علبة ألوان
|
السوق والجوال والطيحه
مرحبا بناتات ورجالات شلونكم طيبين  العنوان مغري  شوفو اليوم خطر في بالي حاجه تحصل في مجتمعنا البناتاتي والاجتماعي  خلوني اشرح بشكل مفصل << تربعت بقولكم عن اشياء تقهرني بالسوق من الحريم طبعا مافيه بنت ماتروح السوق << بالله في السوق تشوفون مشاهد كثيره واغلبها ترفع الضغط والسكر والقولون  بقولكم انا وش يقهرني ... انا يقهرني اللي بالسوق وهي جوالها بأذنها تكلم وتسولف المشكله مو كلمه ورد غطاها لا سواليف سواليف  واصواتهم عاليه يعني تسمعين وش تقول انا عندي أخت وخاله من هالنوع ماتحلا لهم السواليف الا اذا كانو بالسوق وحتى اذا دخلنا مقهى نتقهوى تكلم يرتفع ضغطي من جدددددددددد يعني ماتقدر تأجل هالسواليف لما ترجع للبيت ؟ انا اذا دق جوالي وانا برا مستحيل ارد الا للضروره اذا كانو اهلي او خواتي او اذا كنت مواعده صديقاتي بمجمع يعني اعرف وين مكانهم ومن هالقبيل اما السوالف ودق حنك لا  الشي الثاني ابي اقولكم ياشين الطيحه بالسوق ياهي فشيله مابعدها فشيله مره كنت طالعه انا واختي نبي نروح للراشد المهم السواق طلع السياره برا واختي كانت بالسياره وجيت انا طبعا بيتنا لما اطلع من الباب الخارجي فيه زي الدرج بس بمستوى واحد وكان عالي شوي وكنت لابسه كعب وانا نازله طبعا كل هذا قدام السواق وبرعايه من عيون اختي ابي انزل حطيت رجلي مدري وش اللي صار ماحسيت الا يوم خدي يحب الشارع انا من الصدمه ماستوعبت اللي صار ههههههههههه واطالع بالسواق وهو ميت من الضحك واختي ماتكرمت تنزل تشوف اختها لقيتها ميته ضحك تقول لي انا اشوف زولك وانتي جايه وبعدين اختفى فجأه والله العظيم من قوه الصدمه والبرستيج اللي خرب قدام السواقعبايتي كلها غبار بس كنت مصره اروح ورحت وعبايتي مغبره ماستوعبت الا لما دخلت المجمع ونظفت التراب شوي وانا امشي بعد ما رجعت لي حالتي الطبيعيه حصل شي ماهو اعنف وافظع من الطيحه انقطعت جزمتي وانتم بكرامه  يالله الروحه ذيك منحوووووسه من جد وارجع للسياره اجر اذيال الخيبه احس اختي في خاطرها تقول لي هذا وجهي ان اخذتك معي مره ثانيه ههههههههههههههه ومره طحت بكورنيش الخبر قدام الناس كنت مع بنات عمتي وخواتي نمشي وألتوى ساقي وطحت انا مت ضحك مع اني تألمت  من الفشيله طبعا اضحك وبنت عمتي تقول لي قومي فشلتينا الحين لما اشوف احد يطيح ماضحك اخاف ربي يعاقبني بس مره ضحكت على وحده شاميه غصب عني في مجمع تمشي الاخت بكل خيلاء وكنت انا جالسه في مقهى مفتوح يعني اشوف الرايح والجاي وكانت ارضية المجمع فيها زي المربعات حديد طالعه شوي مسكينه كانت مستعجله ومعها اكياس من سيتي بلازا << قزتها المهم وهي تمشي وتطيح على وجهها وتناثرت اغراضها قدام الناس مسكينه << توها تحس بتأنيب الضمير الحين بنات / شباب ابيكم تقولون لي وش الحركات اللي تكرهونها من البنات/العيال في السوق؟ وثانيا ً هل سبق وطحتي/طحت.. بمكان عام سوق / كورنيش/ مجمع ؟ ووش كان شعورك ؟ بإنتظاركم اختكم راعية الكيف |
|
|
|
13-09-2006, 12:55
|
#2 |
|
شاعـرة
|
رد : السوق والجوال والطيحه
هلا راعية الكيف وسعتي صدري الي كان ضايق من الصبح ... الله يوسع صدرك الموهم انه الموضوع شدني شداً جماً فجئت ركضاً وكدت اطيح من من الربشة ومن الضحك في آن واحد (مثقفة ما شاءالله) اتكلم لغة عربية فصحة وين اهل الاختصاص عني ... ما علينا اقولك سالفه عن طيحتي في السوق ذات مره كنت طالعة من المكتبة في بداية العام الدراسي معي اغراضن كثيرة لبناتي كيس في اليد اليمنى والاخر في اليسرى وكل واحد فيهم اثقل من الثاني ... واتمشى في امان الله اريد ان ازهب للسيارة التي كانت واقفة وفيها اختي وزوجة اخي ينتظروني ... الموهم امشي (واثق الخطوة يمشي ملكا) الا وما حسيت الا بتلك الطيحة الشينة كيف ازاي ايشفهوش ما ادري عجيبة الطيحة كانت ما حسيت نفسي الا وجالسة على الأرض والاكياس بعدها في ايديني متمسكة فيهم طبعا الطيحة كانت قدام السيارة مباشرة واقوم كأن شيئا لم يكن وافتح باب السيارة الا الأخوات فاطسين ضحك وضحكت معهم من الفشيلة طبعا مثلك عارف لكن عندما عدنا الى البيت أنبتهم تأنيبا جما ... لكن تدري دا انتقام من رب العالمين لانه قبلها بسنة تقريبا على ما أذكر كنا في السوق وكانت معي زوجة اخي زاتها الي ضحكت عليا و بنات اخي بس مو بناتها بنات اخي الآخر الموهم كانت الأخت مغطية وجهها وللمعلومية زوجة اخي من النوع الهادي جدا الي يا دوب تسمعي صوتها لما تكوني جنبها... واحنا ماشيين سوا (سوا او موبايلي) الموهم ما التفتنا الا الأخت كان قدامها حفرة صغيرة وتعثرت بها ووقعت على الأرض وقعة شينة ... المسكينه ما لها حس... الا وحنا ماسكين بطوننا من الضحك وهيه ساكته تحاول ان تقوم ولم نمد لها يد المساعدة وكانت وحده من بنات أخي اكثر وحده معسقله هي التي مدت لها يد العون تريد ان تنتشلها من طيحتها واحنا ما زلنا واقفين نتفرج ونضحك ... الموهم قامت وهي صامتة قلنا يمكن انخرست من الطيحة وركبت السيارة ووصلنا البيت وما زلنا نضحك ونضحك وعاتبتنا فيما بعد قالت لنا: يا شينكم تروني منبطحة على الأرض ولا تنقذوني تباً لكم ... فصار تباً لنا وطحت أنا فيما بعد الزي نستفيده من مثل هذه الحوادث ... انه اذا طاح حد قدامك لا تضحك عليه لانه عاجلا أم آجلا راح تطيح وينضحك عليك بس تراني ما تبت ما ادري لا شعوريا اذا شفت حد طايح اضحك فسامحوني يا جماعه ترى ضميري يأنبني (السالفه صارت فيلم هندي) يا حبني للسوالف أحيانا فإذا انطلقت انطلقت ... راعية الكيف فيه حكمه تقول: من لم يطيح اليوم يطيح غدا وسلامتكم |
|
|
|
|
13-09-2006, 20:21
|
#3 |
|
موقوف
|
رد : السوق والجوال والطيحه
 موضوعك رايق وطيحتك عند سواقكم خلتني ارتج من الضحك ولاننسى ام باغات منتهى ههههههههههههههههههههههههههههه ومن ناحيتي ياكثر طيحاتي  بتذكر وارجع |
|
|
|
|
14-09-2006, 00:41
|
#4 | |||
|
محبوب جداً
|
رد : السوق والجوال والطيحه
 إقتباس:
هههههههههههههههههههههههههههههههههههههههههههههههههه هههههههههههههههههههههههههه يوووه عرفت الدرج هذا الي يجي بعد قدام المستشفيات يرقون السرير معه والله خطاء عليك راقيه المنزلق الخطير ولابسه كعب بعد :d التوازن يروح فيها انواع المراوغ بالكعب يمين يسار كني اشوفك  إقتباس:
ا يا الله انا لو منك رجعت للبيت تدخلين المحل وعبايتك مغبره وش بيقولون الناس عنك اكيد بيقولون : شكل ابوها مركبها فالسندوق المسيكينه :d .... بس ولو اعجبتني ثقتك في نفسك .. وانك حاولتي تقاومين الضروف السيئه الحمد لله على كل حال وطيحتك كبوة جواد ... والشارع وقتها استفاد ) تحياتي واحترامي  ............................................... إقتباس:
والله انتس منتهيه بعد طيحتك هذي يا اختي اسمها الطيحه العموديه وهذي الطيحه غالباً ما تصير الا والانسان منلخم او مرتاع بس اعجبني تمسكك بالاكياس يا منتهى وهذا ان دل يدل على انك حقانيه وغير متسامحه مع السرقان >> اسلوب حونشي احس انك يوم طحتي تقولين لا احد ياخذ اكياسي حقتي حقتي رائعه يا منتهى |
|||
|
|
|
|
14-09-2006, 01:06
|
#5 |
|
الطــربة
|
رد : السوق والجوال والطيحه
8 ههههههههههههههههههههههههه ونا مع تعليق ابو ثلاث طمرات طيحتك يامنتهى  هههههههههههههههه (= تحس مع الشرح كنها تشوف الموقف لايف )راعية كيف هلوين ياعسل والله مواقفك تحفه .. هههههههههه والصراحه الصراحه .. الضحك لاأقاومه بذي الاشياءحتى على روحي لين طحت .. متت ضحك ..( العالم يمكن تضحك على ضحكي tsh7 ) أما عن اللي بسوق .. مايضايقني الا للي يجلسن يطالعن فيني كني شبهه ..( ودي اروح أسالها ليش تناظرين لي  )برجع مع ملخص للخمعات والطيحات المباشره للأرض |
|
|
|
|
14-09-2006, 11:22
|
#6 | |||||||
|
علبة ألوان
|
رد : السوق والجوال والطيحه
إقتباس:
إقتباس:
إقتباس:
هههههههههههههههههههههههههههههههههههههههههههههههههه ههه هههههههههههههههههههههههههههههههههههههههههههههههههه ه قسم بالله اني فطست من الضحك وبنفس الوقت رحمتك انا احس اللي تطيح وهي مامعها اكياس اهون من اللي تطيح ومعها اكياس تكسر خاطري ام الاكياس احسها شاريه وهي فرحانه ههههههههههههههههههههههههههههههههههه والله لو انا اللي شايفتك كان جيت وساعدتك ولقطت اكياسك علشان اشوف وش شاريه بالضبط << لقافة حريمات إقتباس:
وتلقيني بعدها اكون حذره اخاف اطيح وينضحك علي إقتباس:
إقتباس:
إقتباس:
|
|||||||
|
|
|
|
14-09-2006, 11:25
|
#7 | |||
|
علبة ألوان
|
رد : السوق والجوال والطيحه
إقتباس:
إقتباس:
حلوه باغات إقتباس:
بنتظرك على أجر من الحمر |
|||
|
|
|
|
14-09-2006, 11:37
|
#8 | ||||||||
|
علبة ألوان
|
رد : السوق والجوال والطيحه
إقتباس:
حرام عليك ياخي تضحك علي وانا طايحه إقتباس:
إقتباس:
ماسمعت انت بشي اسمه تحدي الصعاب والمغامره هذا بحد ذاته مغامره إقتباس:
احمد ربي انك مو ولد جيراننا لو انك شايفني كان شديت من بيتكم قسم بالله شكلي كان يفطس من الضحك تصدق يوم طحت ماستوعبت اني طحت احسب صار شي ههههههههههههه احس اني كنت مو انا << اتمنى تفهم هالجمله وتقدر محاسيسي إقتباس:
اقولك وربي من الفشيله ماني مستوعبه اني طحت ابي ارقع السالفه كأن ماصار شي ماكنت مغبره بالحيل يعني كني جايه من البر بس ماعليك نظفته بعد مااستوعبت ههههههههههههه إقتباس:
إقتباس:
[/COLOR] إقتباس:
وين ماقلت لنا عن طيحتك وجاي تضحك علينا انا ومنتهى بالله علمنا بطيحه وجاوب على الاسئله والا ترا بدعي عليك تطيح قدام شلة بنات بإنتزارك [/SIZE][/CENTER] |
||||||||
|
|
|
|
14-09-2006, 11:48
|
#9 | |||||
|
علبة ألوان
|
رد : السوق والجوال والطيحه
إقتباس:
يعني بالله انتم ماقد طحتوا او تعثرتوا << عندها امل إقتباس:
إقتباس:
إقتباس:
احيان قسم بالله من نظراتهم اشك في عمري اقول لأختي عبايتي فيها شي شكلي فيه شي تقول لي لا قلت وش بلا العالم يناظرون بعدين فهمت السالفه انهم معجبين <=== انقلعي بس إقتباس:
انا ويتينق فور يو |
|||||
|
|
|
|
14-09-2006, 14:11
|
#10 |
|
رد : السوق والجوال والطيحه
هلا راعية الكيف اما مواقف تعور القلب  لأن احيانا يكون فيه اصابات ماهيب سهله انا من الناس اللي اتعاطف مع اصحاب الطيحة خوفا من العقوبة مثل ماذكرتي ولو احد طاح قدامي ابرر له علشان ماينحرج , اردد انه اكيد مانتبهتي , اكيد ماشفتي .. او بسم الله عليك او انه طيحتك بسبب كذا اختلق اي سبب موجود اذا كان مافيه سبب فعلي فيه ناس فعلا ماتقاوم تضحك على نفسها او على الناس لكن بالنهاية الناس اطباع ونسبة التحكم والكنترول في الانسان تختلف في ردة فعلهم قرأت الموضوع وحبيت اشارك برأيي موضوع فكرته جميله ومتابعه له أطيب تحية لك .. |
|
|
|
|
14-09-2006, 19:24
|
#11 | |
|
الطــربة
|
رد : السوق والجوال والطيحه
إقتباس:
8 ههههههههههههههههههههههههههه هههههههههههههه ياحبنيلك .. سطلتيني كركره .. ( زي ترقيعي لروحي اقول اكيد مايطالعون الا معجبين العالم ..ههههههههههه = أفلقيني  )والله ناسيه ترى المواقف .. هههههههههههههههه .. مهب عشان زي ماضحكت عليكن مابغاكن تضحكن علي 1 موقف طاززه نازله من قزاز إللي بالثلاثين قالت لي اللي وراي .. شوفي ذا ولد الفلان ..(= عاد ذي أم الشفايه ) وقف كل تفكير وكرز على زاويه وحده وينه ولد الفلان ..(= عجزت تشوفه ) ونسيت الدرج ونسيت كل حاجه وأجيك على ركبي بالأرض .. يوم طحت واشوف عاد ولد الفلان ..هههههههههههههههه يمكن من طولي العظيميوم نزلت لمستوى قريب من الارض .. قدرت اشوفه وبعصر مخي واجيبه هنا ..( تخيلي مخ معصور مجيوب هنا tsh7 ) اخر تعديل كان بواسطة » نجـود في يوم » 14-09-2006 عند الساعة » 19:30. |
|
|
|
|
|
15-09-2006, 03:26
|
#12 |
|
أديـب و شــاعــر
|
رد : السوق والجوال والطيحه
داخل غلط <<كراتيه مع الهيئة أحسبه سوق الأسهم<< يحولّ بعد 2 Am! أحيانات! الجوال: قلت يمكن له علاقه بمباشر- الجوال<< بتطيب مع الحبة السوداا ورمضان وشماتة بعض الناس .. الموضوع نسوي شكله! أفرك! .. |
|
|
|
|
15-09-2006, 03:41
|
#13 | |
|
أديـب و شــاعــر
|
رد : السوق والجوال والطيحه
إقتباس:
. . . أنا أبيه وبأدفع 5000 + رد مباشر على أي موضوع تحطينه لمدة شهرين (للعيد) وبعدين الوجه من الوجه أبيض + موضوع مدح وشرخ فيكي وبجهودك وخفة دمك "مستقل" + توجيهاتك. يعني على قولتهم "أنت تاامر وآآجييك أطامر" واحد يحشك والا يشمت بطيحاتك سواء بالرياض والا بالخبر والا ببتايا والا بهاواااي أحش رجوله +ما اسأل ولا أسمع ولا أصدق أي شي يقوله السوّاق +تقديري واحترامي "للجادين فقط" |
|
|
|
|
|
15-09-2006, 04:21
|
#14 | ||||
|
محبوب جداً
|
رد : السوق والجوال والطيحه
إقتباس:
هذا تهور ذكرتيني بالي يفحطون يعرفون مصيرهم اذا لم تنجح مغامرتهم وانتي تهورتي وكانت العاقبه انك زلقتي ونقلبتي كنك كامري بوقس بس بصراحه حطيت نفسي مكانك بغيت اصيح من القهر >>> يبي يغبنها إقتباس:
لا لا فاهم شعورك هذا الشعور غالباً ما ينتاب المرتاعين شرواك وهو نوع من الدوخه بسبب السقوط المباشر بغير اذن مسبق .. وسبب تشكيكك في نفسك هو ناتج عن اضطرابات في اذنك وكما تعلمين الاذن هي جهاز التوازن لدى الانسان بس اتوقع لحظة ما طحتي الجهاز حقك علق ودختي وحاولي انك تدهنين راسك بـ ابو فاس ولا تنسدحين قدام المكيف ما تشوفين شر إقتباس:
ههههههههههههههههههههههههههههه انا سويت دراسه بين طيحتك وطيحة منتهى وصار بينكم توافق في حاجه وحده كل طيحاتكم على غفله ومفاجئه بس الفرق بينك وبينها ان منتهى متماسكه ومحافظه على مفقوداتها رغم الضروف السيئه وانتي محطتي على راسك وشكلك ضيعتي شنطتك >> على حسب مارويتي فالقصه بس ولو ذكرتوني بقوة صدام طاح من الحكم ولا طاحت ثقته في نفسه لكن أسأل الله الهدايه لي ولكم إقتباس:
اخر من ينحرج اذا طاح قدام بنات انا بكل بساطه بتلطم بشماغي وبنحاش من موقع الجريمه مافيها كلام واقرب براده مسجد اغسل منها بس المشكله البنت اذا طاحت تكسر الخاطر احس انها تعاني من شئ عظيم لا وتخيلي انتي يوم طحتي بسرعه كذا قمتي عشان محد يشوفك وتوطين على العبايه وتمحطين على ظهرك يووووه يا شينها احس انك بتصفقين السواق وهو ماله دخل على طاري المحطات انا بصراحه حصلت معي اكثر من مره وكانت اشينها كنت حاظر عزاء انا كنت اساعد اهل الميت في صب القهوه والشاهي ومن ذي السوالف من باب الفزعه الي ماكان بالحسبان كان القهوجي برى فالحوش جيت خذيت منه البريق وابقصى سرعتي قمت اركض بالبريق (( ركزو معي زين )) كنت شايله بدون (( بيز )) او (( واقي )) احرقني وانا قاعد اركض حاولت اكمل وتحملت الحراره ودخلت العماره والمجلس على يميني دخلت المجلس والمجلس سراميك برضو مسرع اول ما رحت له الطاوله عشان انزل هالبريق الله لا يعيده .. .. كلكم تعرفون السراميك والزبيريه اعداء لبعض قوة زلقاااااااااااااان ما يمديك .. الزلقه هي الزلقه السرعه مع حرارة البريق مع الوقوف المفاجئ عند الطاوله سبب في انزلاق رجلي اليمنى مما ادى الى وقوع البريق على الارض وطبعاً انا اخذت وضع الانبطاح بجانبه ههههههههههههههههه وعقبها حرمت اصير شقردي وافزع فالعزايم .. اقضب ارضك .. بس تصدقين اني قمت عادي ومسحت الشاهي بالفوطه وجلست بس الي قهرني نظرت الناس الي حولي احس انهم يقولون : (( المفروض المسابيه الي مثل هذا ما يعطونه البريق لا يحرق عمره )) غبنه لكن وش نسوي وعلى قولة الشاعر (( فل الحجاج وخل عنك الهواجيس ... كلن يطيح وحاجته ما قضاها )) تحياتي ..... اخر تعديل كان بواسطة » ثلاس طمرات ! في يوم » 15-09-2006 عند الساعة » 05:07. |
||||
|
|
|
|
15-09-2006, 13:34
|
#15 |
|
شاعـرة
|
رد : السوق والجوال والطيحه
جيت اضحك واتشمت في الي ضحكوا علينا يا راعية الكيف ... بكره يجوا كلهم يعترفون بطيحاتهم واكيد انها اشين من طيحاتنا والي ما عنده طيحه راح يطيح بكره او بعده الموهم الي ما طاح راح يطيح يعني راح يطيح ويا طايح يا مطيوح.... شفتي اشلون طيحة ثلاسطعش طمره والله اني فطست ضحك عليه اتخيله وهو منبطح والوان الطيف على وجهه من الفشله شفت يا ثلاسطعش تمره كيف انه للتمسك بالاشياء وقت الطيحة فائدة عظيمه يعني لو تمسكت بالإبريق ايش راح يصير اكيد راح ينكب عليك وتحترق عادي يا أخي ولا الفشله ... شفت الحكمه في تمسكي بالأكياس وبعدين غزغز الي قالت لي ام باغات لا تشمت ترى بكره تطيح ولا تنفعها حبالها الي معلقتها على راسها ترى احتمال طيحاتها اكثر لان عيونها متخاصمين يعني لا تشمت لان الشماته تعود على صاحبها بالوبال وتطيحه في شر أعماله والي ضحكوا الباقين بكره يطيحوا مو قلنا من لم يطيح اليوم يطيح غدا وفي رواية يلي تضحك على الطايح لا تآمن من الطيحة وسلامتكم وسوف اعود لاحقا فيما بعد كل الي ضحكوا الله يسعدكم وسوف نضحك عليكم في يوم من الأيام مع اني ما احب اضحك على احد (ايه هين) الموهم انا تو صحيت من النوم ومو فاضيه قلنا سوف اعود لاحقا يالله صباح الخير بالليل |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
