من خير الكلام


آخر 10 مشاركات
هلا بالجميع (الكاتـب : دغيفل - - الوقت: 20:59 - التاريخ: 14-11-2023)           »          اصعب سؤال (الكاتـب : علي التركي - - الوقت: 14:50 - التاريخ: 26-06-2020)           »          وريثة الغيم (الكاتـب : علي التركي - - الوقت: 10:37 - التاريخ: 21-03-2020)           »          الظِل.......! (الكاتـب : كريم العفيدلي - - الوقت: 23:00 - التاريخ: 26-01-2020)           »          آفـآ وآلله يـآمـجـرآك (الكاتـب : ناعم العنزي - - الوقت: 10:12 - التاريخ: 23-01-2020)           »          ثـقـوب (الكاتـب : عائشة الثبيتي - - الوقت: 10:25 - التاريخ: 17-12-2019)           »          ~{عجباً لك تدللني}~ (الكاتـب : شيخه المرضي - - الوقت: 23:39 - التاريخ: 26-11-2019)           »          تاهت خطاويه (الكاتـب : حمود الصهيبي - - الوقت: 08:55 - التاريخ: 14-11-2019)           »          خزامك وشيحك (الكاتـب : حمود الصهيبي - - الوقت: 22:43 - التاريخ: 08-11-2019)           »          موسم الصمان (الكاتـب : حمود الصهيبي - - الوقت: 14:58 - التاريخ: 08-11-2019)


 
العودة   شعبيات > دواوين شعراء شعبيات > دواوين الشعراء > سالم بن جلعان
تحديث هذه الصفحة ريح الفراق
 
إضافة رد
 
أدوات الموضوع تقييم الموضوع
قديم 18-10-2006, 10:00   #1
سالم بن جلعان
شــاعر
 

ريح الفراق

يـا وجـودي روح العمـر وآشـوف النذيـر = في شعر راسي صباحه غـزى ظلمـة مسـاه
يوم شفت العمـر مقفـي وانـا فاقـد خشيـر = نفسي بنفسي خذ الضيـق مـن صـدري مـداه
ضاق صدري من زماني ومـن حظـي الفقيـر = وغيبة اللـي روح العمـر وآنـا فـي رجاه
صاحب ٍ كاسي له الجـوف بالشـوق الوثيـر = ومنزلـه قصـر ٍ بقلبـي بنيتـه مـن غــلاه
قصر جدرانه زبرجـد وفرشـه مـن حريـر= يتخطـى فـي جنوبـه ويرفـل فـي حـمـاه
صاحب ٍ كية فراقـه علـى الضلـع القصيـر = واستحيـت آصيـح بالصـوت ولا اقــول آآه
يا وجودي من فراقـه ومـن شوقـي الكبيـر = والوصـل مـا لاح برقـه ولا غيـم سـمـاه
وجد جاني ٍ مـن غريمـه يـدور لـه مجيـر = وساقتـه سـود المقاديـر ليـديـن غـرمـاه
خانه انه مـا خـذ بنصـح أو شـور الشويـر =لين صار الموت منـه علـى مرمـى عصـاه
من وهـج رمضـا القوايـل تجـور بالسعيـر = يا وجـودي مثـل وجـده لقـى مـا لا هقـاه
واقف ٍ في صحصح البيـن يلفحنـي الهجيـر = بين حلـم ٍ فـي وصالـه ويـأس ٍ مـن لقـاه
واقف ٍ ما بين يمكن .. لعـل .. وقـد يصيـر = التقـي بـه قبـل لا المـوت تطحنـا رحــاه
واطلـب الله الـذي رد للشـيـخ الضـريـر = شوف عينه بعـد حـزن ٍ تسبـب فـي عمـاه
ورد يوسف بعد غربه .. وسجن .. وجوف بير= وكيد نسـوان ٍ .. وقـدَّت قميصـه مـن وراه
انه فـي مقبـل زمانـي يجـي منـه البشيـر = بالقميـص اللـي يـرجـع قتيـلـه للحـيـاه
وليت ماضي الوقت الأول جعل يذكـر بخيـر = يرجـع ويرجـع حبيـب ٍ لمن هو في حراه
يوم هو لاعـب بقلبـي مثـل لعـب الغريـر = ساعـة ٍ يبغـى وصالـي وساعـه مـا بغـاه
إن بعـدت يصيـح بالصـوت عـوّد يالعشيـر = وان قربـت يـزم صـدره ويعطينـي قـفـاه
كنـه ياخذنـي ضمـان ٍ علـى ضفـة غديـر = ثم يعود بي وحلقـي يبـس مـا أروى ضمـاه
صاحب لـو مـر حسـنه عـلى ناظر جـرير = ما التفت صـوب الفـرزدق ولا اهـتم وهجـاه
ان ضحك لي يضحك الـورد ويفوح العبيـر = وان زعل ثم عـض لولـه على جمـر الشفـاه
قلت صار الجمر ( جنه ) ... وهو بئس المصير = وأي شخص ٍ يحتـرق فيـه يـا كثـر حسـداه
سلهمته تقول فـي تيـه كـم غيـرك أسيـر =ما فزع لـه قـو باسـه وعزمـه مـا حمـاه
ومشيته لا أدبر كـحيـله على الطـبله تسـير = وان تـمايل وأقبـل يسـير قلـت انـه قطـاه
فيه فتنه تغري السيـف فـي جـوف الجفيـر= وفيه حشمه تلهـم الصـب لا يسهـى الصـلاه
وفيه رغـم الحسـن والتيـه عـذروب ٍ صغير = سـامـح الله الحـرامي سـرق عقـلي معـاه
نوم عيني فـي عيونـه وانـا طرفـي سهيـر = وسلوتي لا قلت ابسلاه .. فيـه القـى السـلاه
وقلبـي اللـي فاقـده فقـدة صـواع الوزيـر =سارقه وان قلت شفته ؟ يجاوبنـي اب.. هـااه
وان طلبتـه رد قلبـي تـرى حالـي خطيـر = قـال قلبـي قـد خذيـتـه ولا قلـنـا نـبـاه
ما درى ان كلمتـه هـذي لهـا وقـع ٍ مثيـر = في خفوقـي وان خفوقـي بهـا يـدرك منـاه
وما درى ان العمر لو طال في الدنيـا قصيـر = لو درى خـذ مـن طراتـه قبـل يقبـل غثـاه
قبـل لا ريـح الفـراق العبـوس القمطـريـر = تجبـر المشتـاق يلقـى فـي الذكـرى عـزاه
ويتوجد كـل مـا طيـر لاحـا صـوت طيـر = يتوجـد مـن خفـوق ٍ نـوى خـلـه بــراه
يا وجــودي من زماني ومـن حظـي الفقيـر = وغيبة اللـي روح العمـر وآنـا فـي رجاه

سالم بن جلعان غير متواجد حالياً   اضافة رد مع اقتباس
إضافة رد


عدد المتواجدون في هذا الموضوع » 1 , عدد الأعضاء » 0 , عدد الزوار » 1
 
أدوات الموضوع
تقييم هذا الموضوع
تقييم هذا الموضوع:

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع