23-08-2008, 19:29
|
#1 |
|
شـــاعر وصحفي
|
خلاص ماني شاعرك؟!
خلاص ماني شاعرك؟! ولا أنا.. ترَف فساتينك..ولا .. كحل الفرح لا سولفت محاجرك؟! ولا..أنا روجك ولا.. تسريحة "الشنيون" ولا.. سحر المناكير بطرف أظافرك؟! خلاص ماني شاعرك؟! ولا أنا عطرك..ولا.. أنا البخور .. اللي احترق.. على جمر مباخرك؟! ولا قمر ليلك ..ولا.. شمس النهار.. ولا الورود "بفازتك".. ولا الشبابيك اللي تفتح الصباح على مداين ضحكتك ولا النجوم اللي المسا تعيش عشان تساهرك؟! خلاص ماني شاعرك؟! ولا خلاص أقدر.. أقولك واكتبك ولا أعرْف.. أرسم سواحل أوّلك ولا الزّراق بآخرك؟! ولا أنا مثل قبل أقدر أقول تفاصيلك على ماتشتهين أو يشتهي فيك الغرور وأحاصرك؟! ولا أنا ذاك اللي يجبر لك عزاك كلما تحسين الزمن قسى عليك.. وكاسرك؟! خلاص عفتيني خلاص؟! ماعدت أنا شاعر هواك؟! ولا أنا ذاك الحبيب اللي تعب يجمع شذى.. بيادرك؟! أنا قضيت عمري أحس إني انخلقت عشان بس أكتب هواك واخلي كل غيمة شعر.. لو هي بعيده..تقاصرك! أنا انخلقت.. عشانك إنتي ياهواي أحاول أرسم لو بعض .. ملامحك ولاّ بعض عبير ايديك ولاّ سكاكر بسمتك ولاّ خزامى ماطرك أنا انخلقت عشان بس.. أخلّدك ويبقى الزمن مهما نسى ومهما تناسى.. فاكرك إذا خلاص ماني حبيبك .. شاعرك قوليلي بس .. شقدر أسوي من غيرك بقايا هالعمر وشلون أعيش من غير .. ماقولك شعر يفرّحك وتحفظينه في دفا.. دفاترك؟! تكفين خليني أعيش لو بالوهم وأصدّق إني ..شاعرك!!! |
|
|
|
23-08-2008, 19:58
|
#2 |
|
شاعـرة
|
رد : خلاص ماني شاعرك؟!
الله يا مسفر الله .. أكيد الكل راح يحسدها لأنك كنت شاعرها .. ولأنها استفزت هالمشاعر الجميلة .. وأهدتنا هـ الكلمات الرائعة .. لك الود والورد |
|
|
|
|
23-08-2008, 20:01
|
#3 |
|
قلم متميز
|
رد : خلاص ماني شاعرك؟!
مازالَ بيـاض الحـظّ ملازمـاً لـي " هذه الأيـام " ، ولعلّ قراءتـي لهذه المقطوعـة العذبـة إحـدى بشائـره ! ريثمـا أحمّـل أبجديّتـي بزنابِـق الـورد لكَ الـودّ ، ، غَسَـقْ ، |
|
|
|
|
24-08-2008, 02:27
|
#4 |
|
النجدية
|
رد : خلاص ماني شاعرك؟!
مسفر .. لي عودة لائقه .. مع خالص الحب ..لـ قلبك وحضورك ..  |
|
|
|
|
24-08-2008, 05:41
|
#5 |
|
شـــاعرة
|
رد : خلاص ماني شاعرك؟!
روعه لي عودة باذن الله |
|
|
|
|
24-08-2008, 09:54
|
#6 |
|
شــاعرة
|
رد : خلاص ماني شاعرك؟!
، ، يالـ هذا الوجع !! أنت تريد أن تكون أنت.. (العاشق) حتى ولو كان وهماً !! وتريدها هي (وقـود) الحرف لك .. إذن ما أصبر قلبك على ذلك !! نبضك هنا كان وخزاً في قلوبنا .. موجع حقاً هذا الشعور لله درك من مبدع حرث أرض الحروف سنابل من ضياء دمت بـ هكذا إبهار ، ، |
|
|
|
|
25-08-2008, 03:20
|
#7 |
|
رد : خلاص ماني شاعرك؟!
خلاص عفتيني خلاص؟! ماعدت أنا شاعر هواك؟! ولا أنا ذاك الحبيب اللي تعب يجمع شذى.. بيادرك؟! أنا قضيت عمري أحس إني انخلقت عشان بس أكتب هواك واخلي كل غيمة شعر.. لو هي بعيده..تقاصرك! أنا انخلقت.. عشانك إنتي ياهواي أحاول أرسم لو بعض .. ملامحك ولاّ بعض عبير ايديك ولاّ سكاكر بسمتك ولاّ خزامى ماطرك أنا انخلقت عشان بس.. أخلّدك ويبقى الزمن مهما نسى ومهما تناسى.. فاكرك إذا خلاص ماني حبيبك .. شاعرك قوليلي بس .. شقدر أسوي من غيرك بقايا هالعمر وشلون أعيش من غير .. ماقولك شعر يفرّحك وتحفظينه في دفا.. دفاترك؟! تكفين خليني أعيش لو بالوهم وأصدّق إني ..شاعرك!!!  لـ حروفك ندى .. تشبة صباحات مشرقة لها رائحة وطن الصدق ومنبع النقاء .. تضم عصافير الحب بحنان .. لـ ننبهر بجمال الأحتواء .. منتهى الإبداع والتصفيق !! نص من روائع حصاد المواسم .. إعجابي الشديد .. والشديد جداً .. |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
| أدوات الموضوع | |
|
|
|
|
