17-10-2006, 07:27 | #1 |
شــاعر
|
شخص ٍ مضيع حاجته عند بيتك
اغيب عنك وانت ما غبت عني = مـن ويـن مـا لديـت عـيـني رأيتك وشلون احسك كنك مخلوق مني =وتقـول في نفسك , قـسيـت ونسيتك أنساك واشواقي لعينك طوني ؟؟ = اسأل نسانيس الفجر كم طريتك يا للي على كيفي .. وشـفي وضني = بعـت الخـلايق كـلها , واشـتريتك كل الدروب لباب بيتك خذني = ومن غيرما اشعر , كلمارحت جيتك كـن الخـطـاوي قـاصده تمـتـحني = في ظـني ابعـد عنك, واثري نصيتك اجيك كل شوي وآدور كنـي = شـخص ٍ مضـيع حـاجته حول بيتك اجي واروح وكل ما رحت أمني = نفسي اقول ارجع ؟ وتهمس ياليتك ترجع لعين اللي فتـنك وفتني = وارجع ضمان لشوفتك ما ارتويتك شـارعك لعيونك غرامه سكني = يا ما سـريته .. يـومني مـا سـريتك الشـعر بغيـابك يجي ويحضــني = و بيمـوت شعري كان به ما كـسيتك يا سيدي ما قد ضحك يوم سني = من قبل اعرفك لين طحت وهويتك عمري بدى من يوم قلتي لي اني = بدايتك وانا انثنيت .. وبديتك لو فـي يـد المحـروم غـير التـمـني= ما فارقت عيني عيونك فـديتك ولو ضاع باقي العمر عادي لاني = يكـفيني اني .. في حــياتي لقيـتك |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|