17-10-2006, 07:24 | #1 |
شــاعر
|
مجنووووووووووووون
مجنووون فيك اقولها وانت غايب = واسمع صداها في المدى ( فيك مجنووون ) ويردها صدر السما للهبايب = ويجرها الرعاد اهازيج ولحون وسهيل ( يشـِّر ) للجدي ذاك طاايب = مسكين صابه ( يالجدي ) لوثة جنون والجدي قال اسكت وخل النشايب = له خل من شفته وانا فيه مفتون ياخوك ما غيره / لمثله بجاايب = عيون خله غيررر ... ما ذيك بعيون والله ما اطرا ( مي ) لو بالغصايب = لو شاف رمشه يا سهيل ابن لعبون السكر اللي في الشرايين ذايـب = مدري الحياه بدون مثله وش تكون ؟؟ ان كان خله راح عقله ذهايب = معذور يدرا لا القرايب يحسون قلت البلا ما هو بخوف القرايب = انا لعينه ما آحسب راس فـي الكـون شاعـر واسـوي بالقصـيـد العجـايـب = ارفع بـه اشنـاب ٍ واوطـي بـه دقـون لكنه جاعل فـي قصيـدي الغـرايـب = اكتب عتب !! ما يطلع البيت موزون وان قلت للفرقا بسوق الركايب = قال القصيد .. تسوقها وانت محزون ...!! وان قلت انا رجل ٍ مـن الحـب تايـب = يكتـب حذاري / كـل كذاب ملعون وان قلت ما لي فـي الهـوى والمصايـب = خليـت درب الحب واللي يحبون قـال انت توك تطلب ان السحايب = تسقي دياره من هماليل ومزون بتخـلي القمـرا .. وشـقـر الـذوايـب ؟ = يا شيخ انا اتحدى .. واراهـن بمـليـووون لا تطري الفرقا بليا سـبايـب = وانت بهدب عينه معلق ومرهون توك شباب وبكره تموت شـايـب = واسمه بصدرك بين الاضـلاع مدفـون مجنـون فيـه .. ومـا لمثـلك طبـايـب = ومهما تـداري كل هالخلـق يــدرون ان الجنـوون ان كـان ديـن وطـلاااايب = فانت اكثر العالم بهالكون مديون وان كان غاب فبكره يجيك آيب = قل له تعال اعتب ترى مثلك يمون اعتب مادام ان العتب للحبايـب = يا شوق ولاده بعين ابن زيدون من يزعلك ملعون جد وصلايب = لا تكثر الشرهه طلبناك بالهون مجنوون .. عقلي راح بيدك نهايب = بالله ( تشره ) لك على شخص مجنون ؟؟ |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|