17-10-2006, 07:02 | #1 |
شــاعر
|
يا كيف ابوصف لك وش يسوي الغرام ابن الحرام
[poet font="Simplified Arabic,5,white,bold,normal" bkcolor="transparent" bkimage="http://www.backgrounds2000.com/heart3.jpg" border="groove,4,purple" type=2 line=200% align=center use=ex length=0 char="" num="0,black" filter=" shadow(color=indingo,direction=0)"] . . . تبغاني اكتب لك قصايد حب واشـواق وغـرام = واوصف شعوري وارسمه باحساس شاعر معتبر يا كيف ابوصف لك وش يسوي الغرام ابن الحرام = ووشلون ينثر سـلة افكاري على رفوف السهر من قبل اعرفك كنت احسب ان الهوى اية كـلام = يعني ابنسـى المغربيـه مـن هويتـه للعصـر وما كنت مدرك ليه اهل العشق يهوون الظـلام = واجهل سبب ابداعهم في رؤية نجـوم الظهـر ومن بعد عرفك صرت هايم لعنبوا جـد الهيـام = يا كيف خلا الثانيه بغيابك تساوي دهر ما هو هيـام وبـس الا آنـا العليـل المستهـام = اللي حلف لك ما يحب .. وللاسف حب وفجـر حَبـَّك وثارت حرب داحس بيـن جفنـه والمنـام = وبـدا بفقـد السيطـره علـى خيالـه والفكر وبديت تحتل المشاعـر فـي خفوقـه بانتظـام = وتضمها لك في هدوء شبر شبـر شبـر شبـر حتى غديت السـيد اللي تنحـني له باحتـرام = كل العـروق وتنثـر بدربـه اكاليـل الزهـر وانا يحاصرني السهر فارض علـي الانهـزام = وان جيت ابهرب قالت عيونك الى اين المفـر ؟ يعني تعسف واحتلال ورفـض قاطـع للسـلام = وبسط كامل للنفـوذ وفـرض شامـل للحظـر او باختصار اني غديت ارزح تحت رحمة نظام = ظالم كفاك الله ظلم الشـوق وطـعـون الصبـر نظام خلاني هدف رميات قوسك والسهام = لو هي على هذي بسيطه ..ما خفى ادهى وامر انا .. مخدر عند سلهامة رمـوشك والسـلام = و افيق كلما اقبل خيالك ضاحك يهز الخصر واسري بليلك واستخيل البرق تحـته والـغمـام = والشوق مع ضحكة عيونك يكسر قيـود الاسـر وافرد جناح الحب في حضن المحاني لك تنـام = واسهر مع صف البرد ندفـى ونهمـس للجمـر سبحان من خلا الصقر يستسلم لطرف الحمـام = وسبحان من خلا الحمام يحب هـدات الصقـر . . [/poet] |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|