17-10-2006, 06:49 | #1 |
شــاعر
|
بـارع في الجـروح
[poet font="Simplified Arabic,4,darkred,normal,normal" bkcolor="transparent" bkimage="" border="ridge,4,sienna" type=0 line=200% align=center use=ex length=0 char="" num="0,black" filter=" shadow(color=burlywood,direction=135)"] هد نفدا ذا العيون السود والوجه الصبوح = وخف حدة نظرتك يا ورد يا سمح المحيا ما تحمل نظرتين يسوقها الرمش الذبوح = نظرة ٍ وحده كفايه .. خف لا تقضي عليا كيف ترمقني وانا اشكي من هواك اللي يفوح = في معاليقي.. ويكوي قلبي الملتاع كيا خف نظراتك ترى ما في البياض الا الوضوح = وما وراي الا الذي قلته ولا عنك غبيا خفها لو تدري ان الموت باهدابك لحوح = وانك اغلى من على الدنيا .. تثور( ابك ) الحميا انت لو تزعل يضيق الكون قلي وين اروح = ما لي الا رمشك الخاثر اجي له وآتفيا وان رضيت فما دريت بمن لو ان مجده يلوح = وانت قلت ابغى حياتك قال من تيا وتيا ادري انك يا رهيف العود في مدك شحوح = وتدري ان قلبي نهيته عنك كم مره وعيا مشكلتك انك صغير السن بارع في الجروح = ومشكلة قلبي تعلق فيك حتى صرت فيا رف بقلب اللي سرج لك مهرة اشواق ٍ جموح = ساقها داخل عروق تفز حيا بك هنيا لو عيونك تستشف اللي عيوني به تبوح = وتفهم ابعاد الوله والشوق يمدي مت حيا لعنبو دارك ذبحني الحب كني دون روح = انت تحسبني بخير .. الا طواني الشوق طيا انت توجعني وانا اضحك لك لو ان قلبي ينوح = وكل ما قفّـيت سالت دمعتي .. واصفق يديا أتسائل كيف توجع قلب باني لك صروح ؟ = وكيف تبكي عين قدرك عندها فوق الثريا ؟ لكن استاهل انا اللي سقت لك قلب ٍ سموح = وانت غر ٍٍ ما دريت انه لغيرك ما تهيا مشكلة من حب له طفل ٍ بعد عنده طموح = انه يبكي من قساه .. وهو يقول اشفيه ذيا ؟ [/poet] |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|