[سالم بن جلعان]

[poet font="Tahoma,4,indigo,normal,normal" bkcolor="transparent" bkimage="backgrounds/19.gif" border="none,4,gray" type=2 line=200% align=center use=ex length=0 char="" num="0,black" filter=""]


يا علي ليه دق وما نطق او تكلم = دام هو يدري ان انفاسه ادري بها
نبض قلبي يعرفه لو بخل ما يسلم = كيف تنكر عروقي دم يجري بها
ليت قال أي كلمه ليت وانه تكرم = رد يوم ان حروفي قمت اهذري بها
اتصل بي وانا اللي قمت يا خوي اسلم = وارخي اذني لكلمه ما نطق لي بها
صرت اهذري واهذري واحسب انه بيرحم =لهفتي والحروف انه بيصخي بها
خاب يا خوي ظني ما ابتسم ما تجهم = بس يسمع نهيت ظلوع يبري بها
قلت يا نفس هدي والله انه متيم = بس ضاعت حروفه قبل يبدي بها
داق بيقول احبك !! لكن انه تلعثم = صرت اكذب على نفسي شسوي بها
يا علي يفترسني الشوق له ليت يفهم = ان عيني لعينه يلتخج ذيبها
عينه اللي طرفها لو رمق كافر اسلم = ذيك تطوي الخلايق في غياهيبها
العذارى سكارى .. يا علي ذاقوا السم = فكيف من يفتل أشناب ويماري بها ؟ ؟
ليت يا ليت يدري كل ما ليلي اظلم = كيف اخيل العيون الدعج واسري بها
له عيون تغفر لو ذنب تفاحة آدم = ما اقترفها واتوب الا وأنا اخطي بها
خص ربي حجاجه ببشر وآمر وتم = حاجته بس يشر يبشر نجيبها
سلهمة طرف عينه موت والله واقسم = انها اللي تهيل العين وتشيبها
في جفونه تقول السحر الاسود مخيم = حق له يامر الدنيا وينهي بها
بين جفنه وجفنه ليل داجي ومظلم = تحت سبعة بحور الله رماني بها
كنها للعقول الخرص تسبي وتظلم = جفن يلهم عقول وجفن يقفي بها
اكحل الرمش كنه السيف يا خوي الارخم = كيف لامن تكحل ثم نواني بها
مدري ان كان يمدي وقتها اني اتمتم =بالشهاده او اقضي قبل لا اجيبها


[/poet]