[سالم بن جلعان]

[poet font="Simplified Arabic,5,orange,bold,normal" bkcolor="transparent" bkimage="backgrounds/21.gif" border="ridge,4,orange" type=0 line=350% align=center use=ex length=200 char="" num="0,orange" filter=""]



كان ما تدري خذ علوم ٍ وكايد= شوْفـهَا يعني تصيبك فاجعه
يا محمد شفت وجه البدر ساجد= تحت رمشه والكواكب راكعه
له عيون ٍ تلعب بسبعين مارد = لا اطرقت للشمس جتها خاضعه
البحر يصفق وخلق الله طرايد= والرموش سباع ليل ٍ جايعه
حلم لثمتها تواري شي كايد =وتحبس شمس الشموس الطالعه
استحال الحلم .. واللثمه تكابد=طرقتين ورغم ذلك .. ساطعه
هي مجره هي متاهة حسن زايد = هي خيال وله فجوج ٍ واسعه
هي تخيّل .. كل كاعب جت تشاهد= حسنها .. خجلت وولت راجعه
هي تخيّل .. مركز ٍ للحسن نايد= فوق غيره والمسافه شاسعه
هي مثل نور ٍ خيالي نور واحد= تحلم الخفرات تاخذ طابعه
من يلوم الخلق من حاقد وحاسد = وكل آيه عندها متواضعه
شبت ضلوعي جمر من ثلج بارد=كيف ؟ إسأل هالضلوع الوالعه
واسأل القذله عن اسرار القصايد= في عيوني والخلايق هاجعه
البنات كثار والحلوات واجد = بس هذي غير .. هذي بااجعه


[/poet]