17-04-2009, 11:54
|
#1 |
|
شـــاعر
|
أشــدُّ مـن الشِـعْـر !
هنا اجد نفسي واخلّد ذكرى / بقايا حروفي في زمن يركض بلا ارجُل ! ويتنفّس برئه مثقوبه احفظ نسياني لنسيان حفظي / / / ولم أُحْسِنْ البُكَاء , ولا الأرَقْ إلاّ لــ " بُسْتان " يحكِي مِن وَرَقْ الحفيف , وصوت الخريـف |
|
|
|
17-04-2009, 11:57
|
#2 |
|
شـــاعر
|
رد : أشــدُّ مـن الشِـعْـر !
هذا البحر .. والظلام أكثر من الغرقا ـــــــــــــ والنور درب الضرير .. وقارب الحيره كلّ الشواطئ تنادي " موجة " الفرقا ـــــــــــــ تُقبل وطن للـ غريب .. وترحل الديره شفني " هنا " في خيوط الدمعه الزرقا ـــــــــــــ مدري انا هوّ " انا " , ولاّ " انا " غيره ! امسيت بين الهبوب , وسيرة الــ طرقا ـــــــــــــ لاضاع صوت اتجاهي .. افتح السيره افتح شبابيك جرحي للـ زمن .. و.. ارقا !! ـــــــــــــ امرّ هاك المكان ... وينكسر طيره !! ذكرى عطاش الوصل لـ يديني الـ عرقا ـــــــــــــ بين الدياجر , وبال الصمت , والخيره ! ميقاف غصن " الحنين " .. لـ حروة الـ ورقا ـــــــــــــ ان مات هذا مكانه ... لو يبَسْ .. غِيرَه |
|
|
|
|
17-04-2009, 12:02
|
#3 |
|
شـــاعر
|
رد : أشــدُّ مـن الشِـعْـر !
تصدقي عشتك وعـد صمـت ديجـور 0000000 بيـن الدقايـق والوجـوه الوحيـشـه يحيـن ميعـادك علـى شرفـة النـور 0000000 ويفوت ليـن الوقـت صـكّ الدريشـه يوم الشفق مـن لهفتـي يتقـن الـدور 0000000 عانـد سـواد الليـل شمـس الغبيشـه مرّات احسّ انّي علـى الدمـع مجبـور 0000000 ومرّات احسّ انّه على الـراس ريشـه يذبل قلم , ينبت نـدم , تسـأم زهـور 0000000 والعقـل حتـى الآن مأسـور طيـشـه مثل الولـه منثـور فـي فكـر منثـور 0000000 لين السهر سلّط علـى العيـن جيشـه وان فات بعض ادوار من مشهد " غرور" 0000000 من دور رجل(ن) عاش ضنك المعيشـه مافات غير شعور واحسـاس مسعـور 0000000 واللـي بقـى دخّـان .. وانفـاس شيشـه وش حيلة اللّي عـاش ميّـت ومقهـور 0000000 أمّا يمـوت ب" ح ز ن " ولاّ يعيشـه |
|
|
|
|
17-04-2009, 12:05
|
#4 |
|
شـــاعر
|
رد : أشــدُّ مـن الشِـعْـر !
تحترينه .. والثواني مرّته تسألْه : وينه ؟ تحترينه لين تبرْد شمس عينه .. من حنينه ! لا .. ياسلمى حبّه اسمى ماشرب دمعه .. بــ يظما ! غير مرّه جفّ مزن , وسال دُخّان المدينه ! *** *** *** نازفة حبّي .. وقلبي والهوى ماشحّ قَطْرَه فِطْرَة الحب الشجيّ .. تكبر معي والحب فِطْرَه ! آآه آآه آآه آهـ منّك .. آهـ منّي لامتى مرسى التمنّي يطعن ضلوع السفينه ؟ والبحر قارِسْ ! وليل البحر غارِسْ خنجر الامواج في صدْر النوارِسْ ! كل نورس / فيك سلمى ..سلمى .. سلمى .. سلمى .. سلمى وينه الماء ؟ قلبي اعمى يانوارسكْ الحزينه لمّي اطراف الشواطي .. من بلاطي .. كلمتين واتركي الشاطي .. ورايه وارحلي مع بيت طين ! ياحزن هاك الـم / شاعر .. يام / شاعر هـ الحزين !! *** *** *** إيــه ياسلمى موقدانفاسك شعلْني قبل إحساسك .. يصلْني ! وافرضي ان واحد سألْني : كيف صدق الاقنعه يكتشف زيف الحقيقه ؟ بالله شوفي لي طريقه وعلّميني لـ اختزلتي اطول دروبي مسافه شلون اخافه .. وانتي اصلاً ماوصلتي ! ياحسـافه .. من رحلْتي ياقريبه .. وابعد من اصداء نجمٍ بعد حفلَه ! يادلع طفله .. وحيدة والديها .. بسّ طفله عاشقك جمّر حنينه صدق لو انك تبينه ... تحترينه لو قضى نحْبه وعاشت لك سنينه تحترينه يوم تعطينه مساك وفي صباحك تأخذينه ! وان تمادى قلب سلمى يحتريك أو تحترينه !! إقربي له نبض قاصي 00000000 ذكّري الامس القريب بانّ ليل الهجر عاصي 00000000 يضحك بوجهٍ كئيب واخذي بإيد النواصي 00000000 عند فجرٍ مايغيب |
|
|
|
|
17-04-2009, 12:06
|
#5 |
|
شـــاعر
|
رد : أشــدُّ مـن الشِـعْـر !
بعد خٌنتي .. لـمين إنتي لذاك الغصن .. للعصفور ! لـ يابس فرحتي .. كنتي تخبين المشاعر .. بور ! .. وفي يدينك .. مواعيدي وفرحه طارت فـ عيدي ! وفي قيدي سهر .. ديجور ! لمين إنتي .. لمين إنتي ؟ يا إنتي شاعر الغيمه فهق من جفوتك ..ديمه سقت ارض الحنين / احباب وردّيتي .. له الما / صوت ترنيمه .. كثيب تراب: ( ربيع المستحيل انتي .. ) ربيع المستحيل انتي ربيع المستحيل انتي حكاك .. الشارع الواقف وذرات السكون.. تطير !! مواعيد المساء العاصف عساها تذكرك بالخير ؟ وانا خايف .. عذر باكر يجي عندي .. بلا تقدير ! وإنتي بينك .. وبينك توغدنتي .. كثير كثير .. كثير من يدَينك ومن يِدِيْنك ؟ لاصرتي .. انتي هو انتي وتقليل الصواب .. كثير وجروحي .. لاتماديتي عساها تذكرك بالخير ؟ ياإنتي .. بعد ماخنتي لمين انتي .. لمين انتي لمين انتي .. لمين انتي ؟ ؟ ؟ ؟ ؟ ؟ |
|
|
|
|
11-07-2010, 15:47
|
#6 |
|
شـــاعر
|
رد : أشــدُّ مـن الشِـعْـر !
للأسف كلّ الزمن ممتلي ناس .. وعيون تشبه للصُدَف .. في بحر ياس شئ مؤسف !! ان الطريق الشامخ الراسخ ... سنين محدٍ رصَف وقته ... لوقته ... عناوين .. للـ حين والساعه بعد ساعه تكبر وتاخذ عمر من وقته وترحل اكثر .. !! ! وانا مكاني تاه بينه ؟ وطحت كلي وسط عينه .. وان رقيت احسّ انّي اصغر منه بيت .. غبت عنّه للمبيت اكثر .. اكثر ماقدرت اشبع مغيب ولابغيت اموت واحضر .. آه ياكثر الحنين يلتهم باقي ورق من قلبٍ اخضر .. مارحل في عمر غصنه من سنين !! الاّ حياته غلّفت وردة مماته بالحنين وماتت اكثر ... |
|
|
|
|
11-07-2010, 15:53
|
#7 |
|
شـــاعر
|
رد : أشــدُّ مـن الشِـعْـر !
 رغم الوضوح اللّي ملا عارض الغيم ........ مازلت ممطر في حشايه قصيده استنبتك تحت المعاليق .. للديم ........ واقرب عن انفاسي ... مسافه بعيده !! |
|
|
|
|
11-07-2010, 15:54
|
#8 |
|
شـــاعر
|
رد : أشــدُّ مـن الشِـعْـر !
 إخضرار الشوارع .......... ماملاني حنين احسب الوقت زارع .......... في سنيني .. سنين فرحة انسان جايع .......... يحسب العمر .. تين ! لاتهزّ الاصابع .......... مابقالي .. يدين كل يومين طالع .......... من عروقي حزين شاب حمل المدامع .......... وارهقت كل .. عين لو تجفّ المنابع .......... بـ اقطف الياسمين ! |
|
|
|
|
11-07-2010, 15:57
|
#9 |
|
شـــاعر
|
رد : أشــدُّ مـن الشِـعْـر !
.JPG) اوقف مسير الظلم لو انّك اعزل ........ دباّبة العدوان ماتزرع إقدام ! وافتح ضلوع الصدر للموت ..ينزل ........ على بطون الخوف .. والذلّ ظلاّم |
|
|
|
|
11-07-2010, 16:05
|
#10 |
|
شـــاعر
|
رد : أشــدُّ مـن الشِـعْـر !
 عيّا طريق الشوق يمشي لآخرك ............ واولك بُعد وضيق واسلاك شايك ! نامت جفون امسي على حلم باكرك ............ مع صوت يزهمني وانا اقول : جايك على الاقلّ اليوم يجرحني اكثرك ............ ورى حنين النور فوق الارايك عجزت من حيلي على حيلي اقدرك ........... قصة ذهب يصدأ بلمعة سبايك آسف حبيبي : لو بعد كنت فاكرك ............ نسيان درب الشوق بلحيل شايك |
|
|
|
|
11-07-2010, 16:07
|
#11 |
|
شـــاعر
|
رد : أشــدُّ مـن الشِـعْـر !
 وش بقى في القلوب وموج الاشواق هادر .......... حزّةٍ جات بين الروح واعماق سلمى ! اكتسي بالشروق وليل الاحلام ... غادر .......... لو سترت المواني .. ماستر عيني .. الما سلمى لاتتركيني .. للقصيد النوادر .......... كل ماجبت بيتٍ للحزين .. اكسب اثما اذكره فيك وانسى بانّي اصلاً مٌغادر .......... واحطب العمر واشعل للمواليف ظلما |
|
|
|
|
11-07-2010, 16:09
|
#12 |
|
شـــاعر
|
رد : أشــدُّ مـن الشِـعْـر !
 ضاقت الدنيا على القلب الرحيب ........ حتى عود الوقت / وقت وينثني العمر شمسٍ تهادى .. للمغيب ........ياغزير الشيب تكفى ردّني للزمن والناس والخلّ الحبيب ........ والنشاط اللّي هواه يهزّني ياغزير الشيب : هل حان المشيب ؟ ........ ماتحنّ بحال : شايب منحني ان غدى قلب المروّه .. قلب ذيب ........ من نحاس الناس .. يظهر معدني ! |
|
|
|
|
11-07-2010, 16:10
|
#13 |
|
شـــاعر
|
رد : أشــدُّ مـن الشِـعْـر !
 هو يستحيل النوم من مقلة العين .......... او انّ غفوات القهر حسْب الامكان ! من يحبس احلامه ورى خاطري .. مين ؟ .......... ومن يطلق جنوني معه .. خلف قضبان ياليتني شدّيت حبل العنـ وين ــا .......... ولاصار لـ كتاب الغرابيل .. عنوان ! مثل الامل مبطي يمارس بي الطين .......... من فوّهة ثلجٍ يبي يغيظ .. بركان وش اصعب من السجن .. لولا المساجين .......... لاصار وسط السجن رجّال .. له شان |
|
|
|
|
11-07-2010, 16:12
|
#14 |
|
شـــاعر
|
رد : أشــدُّ مـن الشِـعْـر !
 يادروبه واثرنا ظلما عروبه في خطاوينا ... للشوائب وجه داكن لكن اجمل في شحوبه ! للثرى : طارت ملامه شامخه تحت الاماكن ! مالقت حتّى قمامه فاضيه جنب المساكن ! وينها روح العروبه ؟ وينها روح العروبه ؟ واصلاً : اقصى شي نستنكر ونشجب في عذوبه ! يالهذا الليل قصّه مانتهت رغم البدايه باقيِ في الحلق غصّه والجروح اللّي بحشايه ! يالهذا الليل معنى .. ان حضر وان غاب .. معنا والمرايه .. ماتبالي .. لوتجيب وجيه منّا! هي كثير ... وقلّها فعلاً كثير .. هي كثير اقلّها : شوف الضرير اللّي في بالي ! هي فلسطين الضحيّه تنقتل وتعيش فيّه !! ماعليّه .. لوبكيت سنين .. والعين محجوبه ! راضي بدمع العروبه لو فلسطين مغصوبه !! |
|
|
|
|
11-07-2010, 16:13
|
#15 |
|
شـــاعر
|
رد : أشــدُّ مـن الشِـعْـر !
 ماعاد لي قلبٍ حبيس النّور ......... يشتاق للهجران فـ غنايه بدا يجمّر صالي الديجور ......... لاصمّل الساري على رايه مرْني صباح وسنْبل وعصْفور ......... ولاحدٍ حكالي عنّي .. حكايه ! مـ اخترت اكون الخاطر المكسور ......... كانت وسيله برّرت .. غايه حتّى صباح القارب المهجور ......... قصّ البعيد .. اخباره الجايه ! سولف : ضباب وموعدٍ مهجور ......... لـ ضْفاف نهْـر وساحل منايه ياصاح : مادام الزمان يدور ......... لاتهت ؟ .. قبلك واحدٍ تايه !! لاتهت ؟ ... قبلك واحدٍ تايه لاتهت ؟ ... قبلك واحدٍ تايه لاتهت ؟ ... قبلك واحدٍ تايه |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
