15-03-2003, 18:49
|
#1 |
|
شــــاعـــر
|
عساي اعرف اسولف بس ..
السلام عليكم .. صراحه مادري وش اقول ..((اجل اطلع برا ))  .. بس ودي اسولف وبما اني بقراطيسي وتو الميانه ماتشوتت ... فالله يعينكم معي ابصير رسمي هاليومين لين ربك يحله ...بعدين اخاف اسولفلي سالفه سامجه ماتسوى علي تقولون ياكافي وش هالمهبول اللي طحنابه ....وانا ماني خايفن الا من واحدن اعرفه منذو مبطي وهو موجودن بينكم .. ياهو راعي شماته .. فاخاف ااتهور وافقد شعوري وانطلقلي بكم سالفه .. وانتم خابرين الرجال يتحقط لي .. وانا الزم ماعلي نفسي مابي اصير مثل سليمان .... سليمان هذا مايعرف يسولف خير شر ... مره كنت جالسن انا وياوه لحالنا ... كالعاده ساكتين ... فجأه قال :: نوااااف ... قلت سم قال :: ياخي انا عندي ولد شقي مرررره انا استانست مو لان ولده شقي لا والله بس قلت اخيرا يبي يسولف .. قلت :: اي والله هالوغدان عليهم سوالف رهيبه (( ابي استدرجه عشان يسولف )) قال :: اي والله انا ولدي شقي مرررره مررره قلت وقد بدا الانفعال يطلع من خشمي :: والله العظيم دريت انه شقي انجز اخلص عطن السالفه .. قال :: والله هذا ولدي حتى بالمدرسه عليه سولافات رهيييبه ..:what: (( ياشينهم لاتبدوو )) قلت :: بالله عليك ماتستحي على عمرك ؟؟؟ لعنبو بليسك ثلاث سنين ماعمرك قلت سالفه سنعه ؟؟؟ اقول لاعاد تسولف لي ولاتعرفن ولااعرفك ...وفوق هذا نحيس وعفن طبعا قلت الكلام هذا بصدري ... عاد بدا هالامر يؤرق مضجعي ........(( بتتكلم انقليزي يامرسي ؟؟ مالكم بطول السالفه .. انا واعوذ بالله من كلمة انا ماودي واعوذ بالله من كلمة ماودي اصير واعوذ بالله....الخ .... ماودي اصير من هالنوعيه ...ودام اننا بهالموضوع اذكر هكالحين كان عندنا مدرس على كيف كيفك تحطه على يمناك بس مشكلته انه مايدري وين هي موجهه وياكثر يسولف بس سوالفه مالله حاليهن يعني دماااار .... مره عطان هالسالفه .. يقول:: مره طلعت انا واولادي للبحر ... حنا انشدينا معه واللي كان يكتب ترك القلم واللي كان نيم قااام .. قلنا :: اسلم قال :: وراح ولدي يلعب .. وبعد شويا جاني يركض ويقول ابويا ابويا .. قلت له ايييييوه ياولدي ايش تبغى قال ابويا موية البحر مالحه ... حنا متحمسين معه ولا كمل .. قلنا ايه وبعدين شصار ؟؟ قال :: بس هادي هي السالفه .. قلت له ياولدي كل البحار مويتها مالحه (( لاهنت على هالمعلومه الجزله )) المشكله اننا كنا محتاجين له هكالوقت وكله تهون عند شيبان المقاهي ... كنت جالسن لحالي مره والجلسه اللي بجنبي ثلاثه واحدن منهم مستلم الجلسه .. يسولف والباقين داغين بلهم كبسه مهم يمه قال :: تذكر هذيك المره يابوعلي يوم اسافر انا وام العيال ؟؟؟  ... واحدن منهم هز راسه الظاهر انه ابو علي (( وش هالاكتشاف الخطير ؟؟ )) قال :: ياخي مرينا بالطريق مطعم .. ونزلت قلت لهم فيييه سمك قالو لا مافيه سمك ... رحت لام العيال قلت لها يقولون ماعندهم سمك .. قالت اسالهم اذا عندهم لحم .. ورحت سالتهم فيييه لحم قالو ايه فييه لحم ورحت للمره قلت لها يقولون فيه لحم ((الله يعين هالمره على فداغته )) قالت لا اللحم حقهم مو زين روح اطلب لنا دجاج واطلب للعيال سن توب ..((وش هالتسبود سن توب مع الكبسه ؟؟ ... ورحنا واكلنا عندهم دجااااج ...ههههههههههه ههههههههههه وضحكو اخوياوه .معه.. وهو يقوم لك الثاني ويقول لرفيدزه تتذكر يوم اروح انا والعايله عمره ؟؟؟؟ قالو ايه ايه اسلم ... وهو يسرد هاكالسالفه اللي اسمج من اللي قبله ولاودي ادبل تسبودكم به ...:what: عاد السؤال اللي يلعن جدف نفسه ... وش بلا هالعالم ماتعرف تسولف ؟؟؟ ولماذا لايتعلمون كيف يسولفون ؟؟؟ ماهي مقومات السالفه السنعه ؟؟ ومامصير الاجيال القادمه ؟؟ ماذا يعتقد المسولفون انفسهم ؟؟ الا يجب ان يتاكد المسولفون من سالفتهم قبل ان تنسولف ؟؟ هذا ماستشاهدون في الفيد المتفاخت ... تحياتي |
|
|
|
15-03-2003, 18:55
|
#2 |
|
شــاعــر
|
وش بلا هالعالم ماتعرف تسولف ؟؟؟ ولماذا لايتعلمون كيف يسولفون ؟؟؟ ماهي مقومات السالفه السنعه ؟؟ ومامصير الاجيال القادمه ؟؟ ماذا يعتقد المسولفون انفسهم ؟؟ الا يجب ان يتاكد المسولفون من سالفتهم قبل ان تنسولف ؟؟ تأكدت انك فعلا ماتعرف اجابه الاسئله يوم قريت موضوعك كخخخخخخخخخخخخخخخخخخخخخخخ صراحه ماقريت الا نصه ولكن رديت عشان ينحر عبييييص رادن قبله  ولي عوده |
|
|
|
|
16-03-2003, 03:13
|
#3 |
|
العضوية البرونزية للموقع
|
وعليكم السلام ورحمة الله وبركاته ،،، يا مرحبا ... يا ( نـــــواف ) بصراحة أنتهجت طريقة حلوة للوصول إلى هدف معين. فأنت بدأت موضوعك بأسلوب فكاهي يؤدي إلى قضية بالفعل موجودة في معظم المجتمعات ... وهي ( كيفية التحدث ... التحدث بفاعلية ). لا شك أخي أن أكثر ما يقرب الناس بعظهم من بعض ( سوالفهم ) وأجملها وأفضلها السوالف الهادفة بتوضيح أمر محدد، وذلك عندما تطرح بأسلوب قصصي جميل ينتهي بهدف محدد يمثل الغرض الأساسي من طرح السالفة. أشكرك أخي على هذه المشاركة والمبادرة الجميلة ،،، وتقبل تحيـــــاتي ،،، حـــــــــــــــارس الديـــــــــــوانية: حمــــــادة الحــــــــلو |
|
|
|
|
16-03-2003, 10:43
|
#4 |
|
شــــاعـــر
|
مشكوووور اخوي حماده على التعقيب ... خالد ... منو عبيص ؟؟؟ لايكون عبدالله ؟؟؟ افا يابو عابد ماهقيتك هاللون ؟؟؟ عبيص عاااد ؟؟ |
|
|
|
|
16-03-2003, 12:30
|
#5 |
|
شـــــاعــــــر
|
[c] هه اسلم طال عمرك يازين سواليفك الله يقطع شيطانك تصدق دمعت عيني من الضحك بس على ويش ؟ مدري :'( :'( :'( اخوي نواف عد السالفه انا كنت اهوجس :bozo: ــــــــــــمـــــمـــــــــــــــمــــــــــــ شكل المسطره خربانه عطوني مسطره نرجع للجد اذا تبيه اولا يا مرحبا والله والساعه المباركه هلا وغلا والل يحييك بين اخوانك شعبيات بيتك يانواف تحياتي وتقديري اخوك ابونوت [/c] |
|
|
|
|
17-03-2003, 08:16
|
#6 |
|
شاعر
|
الله يذكر خالد القحطاني بالخير ..!! نواف حبيب قلبي انت شتبي بالضبط ..؟؟ أبي اعرف أنا بس .. انت وش تبي ..!!؟ تراك أقلقت منامني بهالسوالف ذي وأنا وش دخلني بمدرسك وبخويك بالعمل هااااااااااااااااااااااااه ..!!؟ لا لا لا لا لا لا أمزح امزح يالشين بس والله عندي دوام وماني فاضيلك انت ويا هذرتك .. لي عودة <== متأثر ببوح القوافي .. |
|
|
|
|
17-03-2003, 20:41
|
#7 |
|
Guest
|
نواف الشمري اهلوووووووووون فيك يا غالي والله سوالفك مثل العسل لايهمونك :'( سولف وانبسط وابشر بسعدك :corn: بس انت تنشد وتقول مشكوووور اخوي حماده على التعقيب ... خالد ... منو عبيص ؟؟؟ لايكون عبدالله ؟؟؟ افا يابو عابد ماهقيتك هاللون ؟؟؟ عبيص عاااد عبييييص ويموت وهو عبييييص انا اعلمك  وفيصل بن خالد دبااااااان ومستكه صفوق التمياط صراحه اخوك هديان |
|
|
|
17-03-2003, 21:30
|
#8 |
|
من كبار شخصيات الإستراحة
|
[c] وععععععععوه يالله ألقطوا... أنا قايل(ن) لكم ماله داعي تفتحون التسجيل.. أقول .. انت .. هيه إيه أنت!!!! أجل فيه نواف غيرك.. أقول أرررررررررركد وأترك عنك الخمبقه أنت ووجهك .. اللي تقول ثلاثه راكبين كرسيدا غماره في وسطها كرتون مناديل منعفط والخرقه الحمرا تدودل من مخبات السواااااااااااااااااااق <<= ياشين اللي مايعرف يرفع الكلافه :bozo: :bozo: :bozo: :bozo: :bozo: ياهلا والله بالماصل نواف.. ماأدري الأخ منتسب أو منتظم :": :": :": :": المهم والله أن الموضوع خاثر تصدق من خثرته أني أفكر آخذ وحده ثانيه :bozo: :bozo: :bozo: مزيداً من المصاله يامصاله واصلي وأحنا وراك(ي) واصلي :ha: :ha: :ha: :ha: زعيم رابطه المصاله المفهي مستكه غزوز :white: :white: [/c] |
|
|
|
|
18-03-2003, 10:15
|
#9 |
|
عضو شعبيات
|
المكرم نواف الشمري سولف وحنا نسولف ياطويل الذراع شرفتنا ياوسيع العرف يا شمري كلك ذوق يافهد وتفيد وتستفيد انشاء الله معنا في الديوانيه لوان مشاركتي قليله هنا لسبب ظروف عملي دهنوووووووش |
|
|
|
|
18-03-2003, 12:56
|
#10 |
|
شــــاعـــر
|
ابو نوت بعد تسبدي انت ... مشكور يالغالي كل يوم تعال |
|
|
|
|
18-03-2003, 12:58
|
#11 |
|
شــــاعـــر
|
عبدالله ... اوووه اسف قصدي عبيص .. تصدق راكبه موسيقيا مع شكلك ... منامني منو ؟؟؟ الا تعال ... شيصير لك عادل شلبي ؟؟؟ |
|
|
|
|
19-03-2003, 08:33
|
#12 |
|
شــــاعـــر
|
هديان
يابعد خشمي هالخشم مشكور يالغالي اما بالنسبه ((((( عاد خلوكم من الموضوع كله وعطوني رايكم بهالكلمه ؟؟ ماتدل على اني رومانسي ومعذب ؟؟ )))))بالنسبه لموضوع عبيص الله يكفيك ويكفي السامعين شره ... فانا المعلومات اللي عندي يبيله جلسة ... ياعندي بلاوي على هالادمي ........ هين ياعبيص ان مافضحتك وخليت اللي مايتفرج يشتري ...((تذكر معاااويه السوداني ؟؟؟ اطلع برااااااا )) |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
