04-12-2006, 09:07
|
#1 |
|
شاعـرة
|
ضاع وسط المعمعه
تبعثر وجا يبيني أجمعه ضعنا انا وياه.. تشتتنا صرت أدورني عليه وصرنا ندور بزوبعه ضل يسأل.. عن جهاته الأربعه يحاول يلم الشتات بعضه يلم بعضه والبقايا.. يلمها بعض الفتات وللأسف ما لقى نفسه معي ولا لقى نفسه معه ولما عمره ضاع منه واختفت منه سنينه صار يسأل.. آنا وينه؟ وما بينه وبينه.. ضاع وسط المعمعه مرت اشهر صار حزنه.. منه أكبر حتى صبره ضاق منه صار أصغر وضاقت الدنيا بعيونه ولا عاد صبره يوسعه وآه .. يا عيونه الضايعه كلما لوجوه مرت في زوايا هالشوارع كلما في الذكرى غصتي تسألي منهو الي ضايع فز همه يوجعه يووووووه .. يصرخ والرصيف.. ينادي خطواته الحزينه يا عذابه المنتحب يا هلاكه.. يا ضياعه.. يا جنونه وحده يصرخ يا ترى.. منهو غيره يسمعه؟ وآه يا حرارة مدمعه صار ضايع بين وجهه والملامح يبي يعرف.. لو مجرد معرفه وتبقى روحه خايفه منهو الي.. واقف(ن) ضده معه ومره في ضيق السعه سأل نفسه وجاوب يا ترى حاضر أنا أو حضوري كان غايب وارتفع ليما حضيض الأسئله وانكسر فيه انكساره صار يدور.. عن بعض كله معه حاول يبعثر ضميره لما حاول يخدعه فز حلمه.. الي تلاشى من زمان واستفز صوته سكوته واختنق في الحلم موته صار صوته يصفعه قام ينشد.. في توابيت المكان عن زمن.. ما عرف غدر الزمان جاوبه حظه سكوت ما إلك إلا تموت وهذا حظه.. مره يرميه في الحضيض ومره فوقه يرفعه حاول يدور عليه بين ذيك المعمعه اختفت كل الملامح ما بقى فيها وجوه وجا يسأل عن طريق مل صبره.. ضاق صدره وانطفى صمت المكان صرخ يسأل.. منهو آنا.. منهو آنا؟ ولسؤاله .. ما لقى حتى إجابه مقنعه حس انه مو معه ضايع .. وتايه.. حزين انكسر همه بروحه صار يدور له وطن وحده أصبح ما لقى لهمه سكن وحده أصبح داخله وضل يدور بزوبعه وبين ذيك المعمعه لا هو مع روحه تصافى ولا لقى لضيقه سعه جاني متبعثر وضايع ويوم تلاقينا.. تآلفنا.. امتزجنا صرنا بعض منا وكلنا صار احنا ضل تايه.. في زوايا هالشوارع واختنق صمته بصوته وانطفى حلمه بسكوته وللأسف.. ما قدرت اجمعه وآه .. ما لقى نفسه معي ولا لقى نفسه معه.. |
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
