[ابراهيم الرشود]

\
/
\
/
إحساسي اليوم مدري ليه متغيّر
.........حزين فاقد حنان وصدّو أحبابي !

البارح أضحك من السالين وأسيّر
.......واليوم أنا منطوي ومسكّرن بابي !

ياكبر همّي سبايب واحد صغير
.......إن مالقا لعب يلعب دوم بأعصابي

وانا اتبعه لامشى ملعون أبو الخيّر
.......كنّه سنا برق .. وآنا كنّي أعرابي !!


.

[عيـون المها]

:

بت أياما احلق بين هذه القوافي والاوزان ..
وكأن نايف يقرئنا ويترجم احاسيسنا ..

:

يوم كنت أشتاق له سرّ وأبكي له جهر!
ويشّر لموتي ويمشي .. وانا كنت ألحقه !

وكنت أغمّض وألمس يديه وأحسبها "زهر"
........واجي بقطفها وأفتّح .. ويلاهي "مشنقه" !!

:

صح بوحه

:

ابراهيم ..

شكر العالم لا يفيك .. أغنيتنا بهذه القوافي ..

[بندر علي العمري]

الله الله

هل من مزيد لنايف الشعر

تقديري لكل من ساهم بالروعة هنا

[الريـــــم]

رح لكن إذكرني وأشوفك على خير
إن كان في شوفك من الرب قسمه

انا أدري الفرقى سما والأمل طير
شتان مابين المسافه وجسمه !!

باكر تصير جدار ذكرى وانا اصير
لأيامي الحلوه على يديك رسمه

والحب يصبح في نظر هالحزن غير
لاضاع معناه وتمسّـكت بإسمه

رح .. وإبتسم كانك تمنّالي الخير
لأني أول ماعرفتك بـ بسمه !!

[الريـــــم]

تقول اني طفل يكتب شعر..وفظاهره رجال
وانا والله سهر يقرا حزن..وفداخله ساره !!!

وساره بنت..واحيانآ (فراشه) ناعمه تختال
متى قلبي يصير الجوري اللي فاح باسراره

قبل وقت المحبه ..طارت بنيه عليها شال
مثل برقٍ لمع خلف السحاب وضجت انواره

لها من هالصدر طيشٍ تنامى واستوى فالبال
ولي منها دلع ومشاغب العصفور لاشجاره

ورى شباكها كل.. الفضا والنور.. والترحال
بيدها سلك تنضم به كواكب لاول الحاره !

وانا لي حال لكني معاها لي كثير احوال
احس اني حزن مع طفل مع شمعه مع ستاره

رمت مابيننا سور التغلي وارتبكت وطال
ظلامٍ.. كنت اباقف بآخره واعاتب اسواره !!

اذا ان الحب لعبه ماهقيت ان الضلوع اطفال
كبير بصوتها عمر الهوى لو تلعب ..بناره !

كأن الياضحكت صرت الرمل والريح والهمال
وهي مابين تنبت بي وبين اتطير محتاره !!

كأن فجيدها شمسٍ خجوله تربك السلسال
وفي سلسالها مليون نجمه تغري اسواره!

شعرها لحظةٍ تجمع غياب الشمس بالشلال
وشوفي.. لحظةٍ يغرق بها مركب.. وبحاره !

جمعنا للوعد شرفه وغصن وكرسي وفنجال
ولحدٍ غاب عنهن غير انا.. والموعد.. وساره!

[رائف الجبير]

سكون.. وريح خرسى والمكان يفـوح بالفخـار

تجمعت وتعبت ونمت في حضن الدرايش..طـل

على خدك ياريم افطر سحاب وبعض مني طـار

صباحٍ كانت احلام الحياه الفانيـه فـي حـل !!

مسافر..في يدي شنطة دموع ودفتريـن اعـذار

خذي واحد..وواحد لو رجعت اقطعـه وابتـل !

اذا وقفتـك هذي(لاتروح)اكنـسـل المـشـوار

واذا هي(رح) تعالي جربي وشلون يقفـي خـل!

احبك من..تمـادي لايهمـك لونكـون صغـار

الى..ياريم شوفي للشقا صرفه وشوفـي حـل..

كأنا حزمتينٍ مـن حطـب والعـام الاول نـار

والى البارح وحنا من رمـاد الذكريات..انطـل !

وانا وانتـي وجـوهٍ مسرحتهـا لعنـة التكـرار

تحركنا ثقافة حب هشه..مجتمع فـي الظـل !!

علشانك صدقت وصرت ارتب فالرفوف اسـرار

رغم إيماني بفوضى العلاقه بين خب..وقـل !!

وعشاني لاتحسبين القصايـد همسـة الاحـرار

كثر ماهي صراخ مكبلٍ من هاجسـه محتـل !

ياقطرة طفل مع قطرة شعر وشوي صرتوا امطار

متى هذا الورق من طيشك الفاتن لعقلـي مـل!

واذا صدرك سما..والغيم معطف..والهلال زرار

متى كان الهلال يزرر الدنيـا ويبـرد غـل ؟!

انا اذكر خافقي سجادتـك وضلوعـي الاذكـار

وفي نفس الصدر فيروز غنت (اوعك انت اتفل)!!

أجل من حدني يم الخضوع وقـال لـي اختـار

وانا من يومها آدور بديل..يكون غير الـذل !!!