[فهد اليامي]

السلام عليكم ورحمه الله وبركاته

بدون مقدمات

تعال يافوزي المطرفي

يافوزي المطرفي ماعاد فيها مجال=وش صار في بكرهً جاتك تحث المسير
بكره ولا ادري تروح ايمين ولا شمال=اما اقطعوا راسها ولا اتركوها بخير

[فوزي المطرفي]

.

هلا وغلا يافهد,
باين انوو ماخذ الربع مقاولة

*

لي برب



.

[نايف سعود]

هههههههههههههههههههههههههههههههههههههه

خل اللقافه يافهد

فوزي وفهد شعار كبار

وشعار معنى سجلوني من المتابعين

[الجازي]

وانا سجلوني متابعة .. لشعراءنا الكبار

<- ملقوفه تبي تعرف وش قصة لقافة فهد

[فوزي المطرفي]

.

هيه:
ياصاحبي ما تهز الريح روس الجبال
ترى ارضنا مستديرة والقمر مستدير
ابشرك مشيته لا من مشى باعتدال
ميرالجمل لا رغى ما اقول جا له هدير

*


.

[فوزي المطرفي]

.

مرحبا يانايف..

حضورك ومتابعتك في القلب, ياقلب

*
ولقافة فهد بعد



.

[فوزي المطرفي]

.
حيّالله الجازي..

مسجلينك فراشة شعبيات في كل مواضيع المنتدى

*
الله يخارجنا من فهد, قولي آمين



.

[فهد اليامي]

هلا يا فوزي

والدعوه مافيها لقافه والمقصد توسعه صدر

جمر القضى مشتعل من تحت صفر الدلال=والكيف راعيه يصبر لو يزيد السعير
كان الجمل ماشيٍ فالدرب يابن الحلال=ماشفت انا جرته ياشيخ عند الغدير

[فهد اليامي]

ارحب يانايف

والكبير الله وانا اخيك

ومشكور على المتابعه والحضور

والله لايهينك

وتقبل خالص التقدير والاحترام

[فهد اليامي]

الجازي / فراشه شعبيات الجميله

ماقصرتي على المشاركه والحضور

وتقبلي خالص احترامي

وخليش متابعه وتعرفين القصه كلها

[محمد بن حليلان]

شعار كبار يطيب لنا متابعتهم ويطيب للشعر وجودهم..

متابع لين آخر الصف وإنشاء الله إنكم قدها وقدود..

تحيااتي

[ذيبان]

فهد وفوزي لاعدمناكم ولاعدمنا قلوبكم
واصلوا متابعين لاهنتوا

[فوزي المطرفي]

.

جمر الغضى كان جاله مع بعضه اشتعال
تحتاج له قاعة الدله.. وحاجتك غير
اليا وردنا الغدير يطيب شرب الزلال
وان قلت هذا جمل وان قلت هذا بعير

*

الله يعين ياصاحبي

.

[فهد اليامي]

يافوزي العلّم مايحتاج روح وتعال=العلم يحتاج من عندك يجيني بشير
خابرك تفهم معاني الهرج في كل حال=لكن اشوفك تدور للمعاني شوير

[فهد اليامي]

الشاعر محمد حليلان

والمدير العام ذيبان

مرحبا تراحيب المطر والسيل

متابعتكم وحضوركم شرف لنا

وخلوكم في صفي تراني بجيب العيد في فوزي

هههههههههه

وتقبلوا خالص تحياتي