26-03-2002, 06:20
|
#1 |
|
العضوية الماسية للموقع
|
ملف / الشاعر / الاكلبي
( 1 ) ( بلا كهرب ولا بيجر ولا غازٍ ولا نقّال ) الا يالله عفـوك لا معي بيـجــر ولا جــــوال ****** ولا عنـدي وضيـفه والتجـــاره فاشـلٍ فيـها ولاعندي شهـاداتٍ ولاحــرفه تسـد الحــال ****** ولا حــظٍ كبير لا اخـطـت الجــــره يقديها مخابي الثوب تومي مادخلها من زمان ريال ****** بها فاتورة الكهــرب ولا يمـديني اقضيـها علىذيك العراوي تتعب الحادي مع الجمّال ****** ثلاث اشهـور فالورشـه وشهـرينٍ مغطيـها ابيها لو تجـمّـل يـوم واجلـبـها على الدلاّل ****** يجيـها واحـدٍ حـظه مثل حـظي ويشــريها نصيت العسـكـريّه يوم قالوا للنظـام رجــال ****** وقـدّمـت المـلـف وصـورةٍ متشــخـصٍ فيـها خـذا الاوراق مني واحـدٍ مـا عند ابـوه دلال ****** سلوم الناس واهل المعرفه والطيب مخطيها قراهـا في دقيـقه والتفـت عـجـلٍ علي وقـال ****** شهادتك العظيمه يا ولد وين انت مخفـيها هزّيت الراس ماعندي تقول اني من البنقال ****** وقمـت احـب خشـمه واطلبـه بالله تمشّـيها حـذفها من يده شين الطبيـعه والنبا والفـال ****** وقـال ازين تعـوّد صـوب نوقاتـك تعشّـيها تناوشته من الكرسي وعفت الحل والترحال ****** وضربته بالبياله عقب ما بيّحت شـاهـيها خذوني للسجـن لا نيب لا ظـالم ولا محـتال ****** مجـرّد واحـدٍ جـا يكـحل عيونه فيعمـيها ويوم اني خرجت اقفيت لارض الله وسيع الجال ****** عـلى بـرٍ هـواه يـداوي العـلّـه ويـبـريـهـا ادوّر قصعة الجـربوع والظـب الفتي يخـتال ****** والارنب يا شفاة الروح ما احلاها وطاريها بـلا كهــرب ولا بيجــر ولا غـازٍ ولا نقّــال ****** قوانين الحضــاره لا تبي شـوفي ولا ابيـها الشاعر /الاكلبي -------------------- - - - ( 2 ) ( الـدنـيــــا ) جلست البارحه لين انتهى ليلي وانا سـهران ****** افكــر في زماني وش خـذا مني وش اعطـــاني افكر في الحـــياه الي تباهت واشغلت الانسـان ****** عن الدار الاخـيره والهته عن عمــــره الثاني عن الدنيا خذتنا واشغلتنا عن رضا الرحـمـــن ****** وخلّـت من تبعها في النهـــايه خـاســرٍ فاني كثر فينا الحسد والخير قفّا واقفرت الاوطــان ****** وصــار الشيخ قبل الشـاب طمـــاعٍ وقومــاني تخلينا عن العــادات واصـبحــنا بـلا عــنوان ****** نسـينا الي مضى واصـبح لنا التقلـيد عــنواني تغــيّر وقتـنا عـز الله انـك يـازمـن خـــــوّان ****** تقـلّـب كـل يــومٍ حـــــال والله مـالك امــاني قديم الوقت كان الذكر لاهل الجود والشجـعان ****** ولاهـل المعـرفه والطيب واهل الشور والشاني الا منه ذكــر للـنـاس جــاه من الثـنا مــا زان ****** يقـال ونعم له ذاك الرجـل قد كــان ثم كـاني ماهـوب اليوم كل انســان له عند المـلا مـيزان ****** ومـيزانـه رصيـده فـالبنـوك ان كـان ملـيـاني ولا احـدِ ينشـده من وين جـــاك المال يا فنان ****** حــرامٍ في حـــرام وصرت به ياشين سلطــاني الا منه دخـــل في مجلــسٍ فيه الردى ملـيـان ****** نفــخ صدره نسى ربه تكــبر صار شـيطــاني يفز اله الحضــور وكنهم حوله حرس هــامان ****** وكلٍ يمدحه منهم عسى يحظى بالاحســـاني ومثله صـاحبٍ سمسار يغشك باعذب الالحـان ****** كـلامه حــالي مثل العســل والقلـب بركــاني اذا له حـاجـةٍ عندك يحطـــك للبلـد سلــطـان ****** ويبـدي لك محـبه مالـها فـالكـــون مـيـزاني خــويك فالرخى وان ضـاقت الدنيا عليك يبان ****** يهـدك لا انقطع حيلك يبيعك بارخص اثماني تجنب صحبة الخاين ولا ياخذك فيه احســان ****** خـوي المصـلــحه مـاله ســوى ذلٍ وحـقـراني وثالثهم جليس الســـو سمـوه العـرب شيطـان ****** تحلّى في صفات ابلـيـس قـاصيـها مـع الـداني عذابه لا لقاك بخـير شبت جـــــوفه النـيران ****** يبي يبعـدك عن درب الطــهــاره والـتـديـاني يزيـن لك دروب الـشـــر ويفـتــّح لهـا بيـبان ****** يقــول انت العظـيم ومنزلتك اعلى من فـلااني يجي لك من طريق المال والنشوه مع السلـــوان ****** وتبدا ما دريت ان الـطــريق اقصــاه نـيـراني ولا منك وقعت اقفى وهــو متشمت ٍ فرحـــان ****** قدر يغــويك واقفى عقب ما شـافـك بالاكفاني وابو وجهـين يا ويله نهــارٍ ترجـف الابـدان ****** يعـذب في جهــنم ينكـــوي بالـنـار ويعــاني يغش الناس في شكله تقـول انه من الرهـــبان ****** خـدع من صدقه ما يـدري ان الشــيخ ثعــباني اذا جــــــا بين ناسٍ يعــبدون الواحــد المنان ******تظــاهر بالخشـــوع وهل دمعه فوق الاوجاني والا منه خـلا بالـنـفــس قام يطــمّر الحــدان ****** سـعى في كـل شيٍ يغـضـب الـوالي بكــتـمـاني تراشى وارتشى ما خـاف من ربي عظيم الشان ****** كـلا مـال اليتـيم وبالربى تاجــر وكـســباني وباع المنكرات الي تحــــط المجـتـمـع مرضان ****** جنى مالٍ حـــــرام وذوقه لاهـله وهــو عاني الا ياســـامـعٍ قولي تر الدنيا لهــا وجـهــــان ****** لها وجـهٍ حلو والوجه الاخـــــر فيه نيباني وفيها الامتحان الصعب وابطــاله هـل الايمان ****** لهم فيهـا شـهــاداتٍ الى الجــنه وغـفـــراني لأن المومن الصــالح اذا جــــته المصـــايب بان ****** دعـا ربه وزاد الصــبر في قلـبه والا يمــــاني واذا جـاه النعــيم يقـابله بالشكــر والعــرفان ****** يزكي المـال ويعين الضعيف ويكـــرم العــاني تذكر يا بن آدم واعرف ان فـ الاخـــــره ديّان ****** غـفــــورٍ للذنـوب ولا تغــرّه زلة الجـــــاني وقدامك سـبيل الرشــد والا الكــفر والعصـيان ****** ولك عينين في راســك ولك عقــلٍ ووجـــداني الا يـارب تهــدينا وتغــــفـر زلـة النســـيان ****** وتـدخـلـنـا نهــار الـدين في جــنات عـدناني وصـلى الله على محمـد نبي الـحــق والبرهـان ****** رســول العـالمين اجمع ودينه خــير الادياني الشاعر /الاكلبي -------------------- - - - ( 3 ) ( يوم غلّق الاشتراك !! واقعيّه ) عـزتي لـلـي تعــطـل وقــرّب للهــــلاك ***** في خلاً خالي به الذيب الاسحم له نخير واقبلت صوبه مزون السـما فيها احتراك ***** في ظــلامٍ حـالكٍ والمـطــر جـا له خــرير مثل حـال الاكلـبي يوم غلّـق الاشــتراك ***** واســتلم فـاتـورةٍ ما يقـوم ابها البعــير راح للهــاتف يبي من يفــك الاشـــتباك ***** وكـلـم المـامــور قال اتجـه صوب المـدير راح للمكـتب وهـو فيه رجــه وارتبــاك ***** عــادة المـديـون لا شــاف ديّـانه يـذيـر يوم شافه قـال يـا راعي البـل وش وراك ***** كــل يـومٍ بالفــواتير جـايٍ لـك صـريـر يـا بـدو خلـيتو الـنت هـوشـه واعـتراك ***** تحسـبون النت كبسـه وصحـنٍ مسـتدير قال له سكّــر فمـك لا اتوطّـا في حـشـاك ***** انت واشكالك على المجتمع شرٍ شــرير تحسب انها ورث جــدك وعمّانك واباك ***** انت مثلك ما يخلاّ على الحــدبا يسـير الشهـــامـه والكـــرامه مخـلّيها قفــاك ***** فاطـرٍ تســـرح وتمـسي تدوّر للشـعــير البـدو يســـرون يوم انت قـابع في دفـاك ***** ما تبي فرقـا الحـليله ولا فـرقا السـرير همهم جمع المراجــل وهمــك في عشــاك ***** لو تقــاعــد قمـت تبكي مثل ورعٍ صغير كـل مـا جينـا نبي عـازةٍ تاخــذ عصــاك ***** شـايفٍ عمـرك علينا عسى حبلك قصـير شـركـة لا جيت في لازمٍ تبحـث خفــاك ***** اجتمـع فيها المنـافـق ومعــدوم الضمـير وقـفــو مـن دون مـن لا تــراه ولا يــراك ***** غـيـر عـنـده للرجـاجــيل تقـديرٍ كبير ما نعمْ الناس والطيِب يِعــرف من هناك ***** والـردي يـاتـيـه يـومٍ عبـوسٍ قمطـرير الشاعر /الاكلبي -------------------- - - - ( 4 ) ( هل تبحث عن وضيفه...؟ ) البــارحــه يـوم كـلٍ راح لفـــــراشـه ****** عيّنت هـــم الوضـيفه مـاخـــذ فـراشي الناس في حـالهـا تمـشـي ومعـــتاشـه ****** وانا على ذمـة التحـقــيق منحـــــاشي اهـل الوضــايف صــلاة الصبـح غبّاشه ****** وانا على مرقـــدي كني بالانعـــــاشي كلٍ تجوّز واخـــذ له يا عــرب بـاشـه ****** واصـبح مع الناس مبســـوطٍ ومعـتاشي شــريت لي غـترة بيـضـا ودشـــداشـه ****** واقبلت صـوب المكـاتب كني الشـــاشي قـال المـوضـف ملفــك وســطه اقـراشه ****** كســــرة تمـيسٍ علـيها الذر يهـتاشي صديت مـابـي ســـواليـفه وفرفــاشــه ****** مـانيـب في حــــال مــزّاحٍ وفـرفـــاشي لو شـغّلو لي مسلسل خــــاله قمــاشـه ****** والا ثلاثين حلـقـة طــاش مـا طـــاشي القلـب كـنه يحـــرّك فيه خـــــرّاشــه ****** والكـــبد كـنه ينقـشّـهـا بمـنـقــــــــاشي قلت ابك عطني دقاق الهرج واجراشه ****** ابي كــــلامٍ يبـرّد لاهـب الجــــــاشي قال انت مافيه امل تصبح فتىالشـاشه ****** ولا شـــريطي تبيع وتشـــتري كــاشي وشـهادتك حطــها الديـوان بخــياشه ****** طـافت عليهــا السـنين ونسبتك مــــاشي والا عيـونك تقـول عـيـون خـــفـاشـه ****** وحده تكبّس والاخرى تضرب فــــــلاشي وان قمت تمشي يجـي رجليك رعّاشه ****** كنك تشوّت كـوور في وسـط الاحـــواشي احسن لك تروح سـوق البدو وعشـاشه ****** تبســط على فصــفصٍ وتبيع فشـــفـاشي عـودت مـا عـاد ابـي سـمه وطـــرّاشه ****** الله ولا حــــاجــةٍ تجـــبـرك بـاللاشي اليوم الانســــان تقـديره حسـب كـاشه ****** لو كـان مـــالـه منـســــيه الـتـــرواشي حـــوايجــه تنقـضى وتجــيه برمـاشه ****** لو ان مـخــــه معــبا تبن وخـــــيــاشي لكـن قـالـو لـهــا دنيـا وغـشـــــاشـــه ****** واقـول انا كـــل نفــسٍ رزقهــا مـــاشي الشاعر /الاكلبي -------------------- - - - مع تحيات نادره - - |
|
|
|
26-03-2002, 06:48
|
#2 |
|
رحمة الله عليه
|
أختي النادره: نادره .بيض الله وجهك ماقصرتي والله والأكلبي أستاذ الجميع ولسان حال الجميع  بمواضيعه الرائعه والهادفه... والغريب أن بعض الناس يأخذها بمبدأ الضحك وهذا خطأ والشاعر لايقصد الإضحاك بقدر مايقصد النقد الهادف بأسلوب جذاب ..يتعامل معه المتلقي بشقين الأول صعة الصدر والوناسه والآخر بحث العمق المتمكن في القصيده واللي هو لب الموضوع شكرا لك يانادره ولاهي كافيه أختي ... وشكرا لك أستاذنا الأكلبي بماتمتعنا به مواضيع. [ مارس 26, 2002: تم تعديل الموضوع بواسطة : راعي العنود ] |
|
|
|
|
26-03-2002, 06:55
|
#3 |
|
عضو شعبيات
|
قصائد في قمة الروعه والابداع رائع يا الاكلبي00مبدع شكرا نادره لجمع هذه الدرر لكي وللشاعر الود واعطر التحايا |
|
|
|
|
26-03-2002, 07:27
|
#4 |
|
شــاعــر
|
السلام عليكم اختي الكريمه نادره اسعد الله اوقاتك بالخير كعادتك حليفك الابداع والتميز واختياراتك في محلها اشكر لك كل الجهود الذي تبذلينها من اجل الشعر والشعراء وتقبلي ارق تحياتي |
|
|
|
|
26-03-2002, 11:50
|
#5 |
|
عضو شعبيات
|
ابدع في ابداع سلمتي يا نادره النوادر وصح لسان شاعرنا الكبير |
|
|
|
|
26-03-2002, 17:47
|
#6 |
|
شـــاعــر / صــحفـي
|
الأخت النادرة دائما / نادرة شهادتي فيما تختارينه مجروحة اختيار ولا أروع .. يكفي ؟؟؟ |
|
|
|
|
26-03-2002, 23:51
|
#7 |
|
شـــاعــر
|
أختي النادرة تبقى مشاركاتك بهذه الدواوين بقمة الروعة وتبقى النادرة نادرة في اختيارتها ومواصيعها لك كل الشكر على هذا المجهود الراقي والنادر هنا في شعبيات . وعلى اختيار جديد نلتقي ,,,,, أخوك / عبدالله مران (1)- http://www.eqla3.com/cgi-bin/sh3r/ul...c&f=5&t=000753 (2)- http://www.eqla3.com/cgi-bin/sh3r/ul...c&f=5&t=000864 |
|
|
|
|
27-03-2002, 04:12
|
#8 |
|
شـــاعر
|
ابداع مستمر يا نادره وعافاك الله |
|
|
|
|
27-03-2002, 05:55
|
#9 |
|
شــاعر
|
 |
|
|
|
|
27-03-2002, 06:12
|
#10 |
|
سيـــف الســـيــف
|
لاعــــــــدمــــنـــــــاك اخووووي الاكلبي ابداع 00 وشاعريه 00 واخلاق 00 وقبوول ميزات قلما تجدها في شخص واحد تستاهل كل خير طال عمرك برايفت للاكلبي:- مانتب عاقل يابياكسو على هالالوان>>>>> |
|
|
|
|
29-03-2002, 09:35
|
#11 |
|
شــاعر
|
اختي النادره باعمالها الطيبه اشكرك على هذا العمل الرائع بروعة الشاعر الاكلبي الذي يحترمه الجميع ويطتلعون الى كتاباته الشيقه...كم احترم هذا الرجل واحب اقراء له مع اني لم اراه ولم اعرفه الا من خلال مواضيعه ولكنها تقرب الناس منه ولا تنفرهم فلله درك يا الاكلبي... تقبلوا جميعا تحيات اخوكم البدوي |
|
|
|
|
01-04-2002, 23:23
|
#12 |
|
عضو شعبيات
|
صح لسان الأكلبي والله يعافيتس يانادرة<<== دايم يرد يبيها تحط له ملف |
|
|
|
|
01-04-2002, 23:29
|
#13 |
|
شـــــاعــــــر
|
اديبة شعبيات الاخت العزيزه نادره مساء الخير سلمت يداك على ارشفت قصائد شعراء الموقع هذه الجهود المخلصه اتمنى ان نقدم لها يوما ما تستحقه من تكريم اعجابي بما تقومين به لا تترجمه الكلمات بحق احيي فيك هذا الا خلاص والايثار النادر تحياتي وتقديري اخوك ابونوت |
|
|
|
|
01-04-2002, 23:44
|
#14 |
|
شاعر
|
شـركـة لا جيت في لازمٍ تبحـث خفــاك اجتمـع فيها المنـافـق ومعــدوم الضمـير سلمت يالاكلبي على مواضيعك الهادفه والمميزه وانتي اختي نادره سلمتي على مجهوداتك الطيبه وانتي بحق كما قال الاخوان اديبة شعبيات \\ اعجبني ذوقك في اختيار القصائد عقبال انشالله ما نجد لنا موقع تحت الشمس ويكون لنا ملف تصوغه يداك \\\ شفتي الطموح كيف !!! تقبلي تحيات اخوك داهم العصيمي |
|
|
|
|
01-04-2002, 23:50
|
#15 |
|
شــاعر
|
الله يعيطك الف عافيه يالنادره تسلم يمينك على نقل هالدرر هنا كانت وجبه دسمه من القصايد القويه صح لسانك يالاكلبي على القصيد وماقصرت يا بعدي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
