28-08-2003, 23:57
|
#1 |
|
قـلــم فعّــال
|
بيت عن الف قصيدة
لفت نظري وانا اتصفح مجلة جواهر في عددها الاخير بيت للشاعر عبدالله عبيان اليامي لم يسبق ان كتب في تاريخ الشعر بعصورة المختلفه هذا البيت لم ولان يقوم بكتابتة الا شاعر بقامة عبدالله واعترافه الشجاع يدل على شهامة الفرسان التي قل ما نجدها في وقتنا الحاضر من الشعراء هكذا الصور البليغة والا فلا هذا البيت الذي وقفت عنده كثير حاولت وحاولت ان يخونني التفسير لم اجد لمحاولاتي الا نفس المعني الذي كان الشاعر يرمي له والغريب ان البيت مكتوب وفوقه الله الله دليل على انصاف المجلة للشاعر البيت يقول ما سالت امي عن الخاتم واصابعها نحيلات عرايا =====ليه راحت ترهنه لاجل اشتري فستانك اللي تلبسينه اي جمال واي اعتراف يا ايه الشاعر الفذ ما رايك عزيزي القارئ في هذه الصورة الجميلة وما رايك في من اختار هذاء البيت ومجده في مطبوعة خليجية ومن القاه في امسيته في مسقط راسه نجران دعوه صريحه من هذا الشاعر الا التضحية بكل شي من اجل عيون المحبوبه حتى لو رهن خاتم اقرب الناس اليه لكي يشتري فستان سهرة اي زمن نعيش فيه الذي اصبح كل من هب ودب يصف تضحياته ومواقفه البطوليه وتكون دليل على مستوى الساحة الشعبية التي تعيش اسوئ مراحلها كيف يا عبدالله تفتخر وتجاهر ولو من باب سعت الخيال ان تكتب مثل هذا البيت والاغرب في نفس الامسية ياتي نواف الدبل ويقول بيته المسروق من موال لعبدالله الرويشد ويكرر نفس الخطاء وكانه يوم ضد الام فيقول اخيرا افلحت يا حظ ما يتسمئ 000000باللثمه اللي تنسيني حليب اميصح لسانك والله لا يحرمك من نساك حليب امك يا شاعر البي ام هذا حال المجلات الشعبية و حال الامسيات الصيفية مواضيع هامه ومعالجات لقضياء تهم المتلقي وحلول عملية ومبتكره لا ارضاء المحبوبه حتي لو رحت تحرج على خاتم امك هنيئن لا امهاتكم ايه الاسود وهنيئن لنا بهذا الشعر الرائع والمجلات الاروع لخدمة تراثنا الشعبي اخر تعديل كان بواسطة » شير طلوا في يوم » 29-08-2003 عند الساعة » 00:15. |
|
|
|
30-08-2003, 05:08
|
#2 |
|
سيـــف الســـيــف
|
شير طلوا هلابك الموضوووع اثناء قراءتي لاسطره الاولى خالجني شك باني لا افهم الشعر .. كان مدحك للبيت سبب ذلك .. لم اكن اعرف بعد ان مدحك هذا كان عكسي.. تناولت الموضوع بطريقه رائعه ياشير طلوا ولي وجهة نظر وتخصني وحدي فقط ارى ان الدبل كان بيته اخف وقعاً بكثير من بيت عبدالله عبيان وقلت هالشي لاني مدري ليش حسيت بأن بيت الدبل كان فقط لتوضيح مدى ما اصابه من اللثمه .. واعتقد انه فقط اسرررف بالوصف يعني تحس ان البيت لم يكن مصدره قناعة الشاعر او انه لم يكن فعلا يمثل واقعه بس بيت ابن عبيان حتى لو لم يكن يمثل واقعاً بالنسبه له تحس انه فعلا شي حدث واعتقد انه انشاءالله ما صار هالشي تدري وش السبب اللي خلاني اقول هالكلام او اكتب الشي اللي انا حسيت فيه عند قراءة البيتين؟ لان بيت الشاعر الدبل تناول حاجه محسوسه شعورياً فقط وغير ملموسه بعكس الشاعر ابن عبيان كان بيته يتضمن حدث ملموس وله مراحل ابتداء من خلع الخاتم وبيعه وشراء الفستان حق السهره  الى ملاحظة الشاعر لذلك الى ان روى ماحدث لمحبوبته .. البيت قوووي جدااا ولكن ليس كل جمال وابداع اضحي بمباديء قيمه لاجله قد اكوون مخطئاً يا اخي شير طلوا ولكن هذا الانطباع اللي طلع معي لدى قراءتي للبيتين بس ليش قلت ياشاعر البي ام ؟ يعني علشان سيارته نوعها بي ام؟ تبي الصحيح قسم مدري وش علاقة الشاعر بسيارته وليش ربطت بينه وبينها ؟!!!  والله مدري عن شي.. بس الله يستر شكلك ماجبتها عبث والنيه الله يعلم بها دمت بخير ودام اسلوبك وحرصك الرائعيين تحياتي لك |
|
|
|
|
30-08-2003, 05:12
|
#3 |
|
سيـــف الســـيــف
|
وهنيئن لنا بهذا الشعر الرائع والمجلات الاروع لخدمة تراثنا الشعبي على فكره لفتت انتباهي هنيئاً  او بالتحديد هذه التهنئه للمجلات وادري انها تهكميه .. ودي احش معكم في هالمجلات لكن اصبر لين اشوف هم بينشرون لي من دون ما انافقهم ومن دون ما اسووي فرشاات وحركات مهااايط .. والا الظاهر اني ابا اوافقك وبقووه بعد <--- يحسب ان احد جايب خبره  |
|
|
|
|
30-08-2003, 13:45
|
#4 | |
|
قـلــم فعّــال
|
اخوي عكاشه هلا وغلا فيك اتفق معك في المقارنه بين البيتين وفي بيت نواف اخف وقع من بيت عبدالله ولاكن لماذا اختيار الام لضرب المثل وفي اغراض الغزل يعني كل واحد بسوي قيس ولا روميو دخل امه بالسالقه هينا اعتراضي ولا انا معك ان فيه شي اهون من شي بس في الاساس فيه خطاء في الفكره والتنفيذ بعد0 اذا قارنت بيت نواف عند بيت عبدالله بيقول من شاف مصايب غيره هانت عليه مصيبته والكلام لبيت نواف إقتباس:
خلصنا من موضوع اللثلمه وطلع بالبي ام بعني بصراحه مجلات ادفع تنفع وبصراحه اخوي عكاشه كانك بتنشره وانت ما شاء الله نشرت وسويت امسيات بس عندي لك حل صوره لك مع جيب بي ام وحروف لوحه س ي ف ومعك ثنين من الخويا ودق البشت وادخل على اي رئيس تحرير انشاء الله جريدة الشرق الاوسط وشف وش بيقول لك بيقول ان قصيدتك اجمل ما قراء من يوم دخل المدارس لا وزياده على ذالك بيلزم على العشاء هذا حال المطبوعات وانت خابر ما به شي الا بشي -اخوي عكاشه الف شكر على تشريفك للموضوع والرد تقبل مني خالص الحب والتقدير |
|
|
|
|
|
30-08-2003, 17:43
|
#5 |
|
رفيــق الحــزن
|
شير طلوا ساك الله بالنور اخوي .. موضوع رائع وقد تناولته بصورة اكثر من رائعة واسلوب جدا جميل في الطرح .. اوافق اخوي عكاشة الرأي ولم يترك شيء الا ووضحة ... الف شكر اخوي شير طلوا على موضوعك الرائع وفي انتظار مداخلاتك ومواضيعك الجيدة .. تحياتي |
|
|
|
|
31-08-2003, 09:58
|
#6 |
|
قـلــم فعّــال
|
هلا وغلا فيك اخوي عبدالرحمن الاروع ردك يا الغالي الف شكر على تشريفك بالرد والف شكر على الاطراء ولك خلص الحب والتقدير |
|
|
|
|
31-08-2003, 13:51
|
#7 | |
|
شــاعر
|
إقتباس:
اخوي الغالي شير طلوا الله يمسيك بالخير خلني الفت لك نظرك لشي يجوز انك تعرفه او ما تعرفه وعموما انا باقوله وكان جاز لك خذه وان ما جاز لك ارميه الشاعر نواف الدبل اصله من منطقة الاحساء "وينسيني حليب امي " هذه تستخدم في هذه المنقطه كمثل او مقوله تدل على الذهول ويتهيء لي المثل ما هو حكر لا على الرويشيد ولا الدبل ولا احد مثل القوافي ماهي حكر على احد يعني انا لو وظفت مثل او مقوله في بيت شعر وجا بعدي الشاعر السوداني الشهير سيف بن عبدالله السيف ووظف نفس المفرده او المقوله هل تعتبرها سرقه؟هذا من وجهة نظري وهذا لا يعني انني معجب بالبيت هذا او نوعية القصائد هذه ولكن حبيت اوضح موضوع السرقه الي انت تطرقت له اما من ناحية مقولتك ان المجله اصدرت لقاء كله مهايط عن بي امه فالمجله تبي تبيع وتتخذ اي وسيله تسهل لها عملية البيع ومن هذه الوسائل تسليط الاضواء على الشعراء الي تحس انهم بيوصولنها لاهدافها ولما شافت الطلب من الجمهور بتسليط الاضواء على حياة الشاعر الشخصيه عرضت عليه وتاكد ان نواف ما رايح يمانع انتشار وزود شهره ومن منا سيرفضها ؟؟؟؟؟؟؟؟ لو بكره عرض على اي شاعر موضوع فيه خبطه صحفيه يا شيخ لو سالوه اين تقصقص شواربك ما راح يرفض والي يقول لي انه بيرفض حخله يوريني نفسه الا تعتقد ان المجله هي الي تزرع الخلفات بين بن حمري والدبل وبين سلطان وضيدان وبعدين تقسمهم لمجموعات وتضربهم ببعض وبعدها تتتفرج على ارقام المبيعات وهي ترتفع وتبارك لبعض ؟؟ الاعلام ما هو انظف بيئه ويتهيء لي انك تعي هالشي جيدا والشعراء الاعلامين ما هم ا لاجزء من هالبيئه وكلن بيركض لمصلحته وانا اخوك اما قولتك "بعني بصراحه مجلات ادفع تنفع " فهذه اسمح لي اقولك انك غلطان فيها يمكن غير نواف الدبل يدفع لكن نواف انا مستعد اعطيك تفاصيل وخطوات دخوله الاعلام ومستعد اقسم قسم احاسب عليه بان كل ما يقال عن دعمة المادي للمختلف اشاعات مغرضه وهذه انا متاكد منها مثل ما انا متاكد من نفسي ولا تستغرب نواف الدبل صديق مقرب لي واعرفه اكثر من ما اعرف نفسي تحياتي لقلمك الجريء ووعيك وثقافتك اخوك فيصل |
|
|
|
|
|
01-09-2003, 10:34
|
#8 | |
|
قـلــم فعّــال
|
اخوي فيصل الله يمسيك بالخير والرضاء وهلا فيك مليون إقتباس:
اما ان تسمي اللقاء خبطه صحفيه ما ظنتي وش اللي عرفته ان نواف معه سيارة بي ام و ش الفايدة اللي وصل لها القارئ من الحوار عزيز فيصل ما ني ضد نواف ولا شعره 0 بعدين حكاية ادفع تنفع ما اقصد فيها بالتحديد نواف يجوز ان الرجال مهوب من النوع هذا 0بس الاكيد ان المجلات ما شيه على النظام هذا والدليل شاعر معروف مسوي لقاء مدفوع الثمن بقيمة ثلاثين الف ريال وطال بصور عرض ازياء و ثياب مقلمه والظاهر انه معروفه قصته من زمان 0 عزيزي فيصل اشكرك على جمال اسلوبك وروعة نقاشك وصدقني اني لست متحامل على نواف ولا غيره مجرد موضوع خطر في بالي واردت ان تشاركوني فيه واخيرا تقبل مني خالص الحب والتقدير |
|
|
|
|
|
01-09-2003, 13:36
|
#9 |
|
شــاعر
|
الغالي شير طلوا اتفق معاك ان بي ام نواف ما اضاف للشعر الشعبي شي ولا لوحة د ب ل ولكني لا اتفق مع مقارنتك له بفهد المساعد وناصر وغيره لان المقارنه يالغالي لابد وان تكون مقارنه مبينة على اسس سليمه وعادله من حيث الضروف والبيئه وفترة الظهور الزمنيه "apple to apple" نواف له لونه الخاص وناصر له لونه الخاص وحبيب قلبي الغايب الحاظر الي مزعلني فهد له لونه الخاص وكل واحد منهم له رونقه ما اعتقد انك تقدر تعمم لان الي يعجبك انت قد لا يعجب الاخرين جب لي شاعر يتفق عليه الجميع ؟ قد يتفق على شاعريته الجميع ولكن لن يتفق الجميع على جمال هذه الشاعريه يعني فيه شي مكرر وشي كلاسيكي وشي روتيني وشي ممل وشي مقتبس وشي تافه مع احترامي للشعر والسبب اختلاف شرائح الجمهور الثقافيه والبيئيه واختلاف اعمارهم انا متاكد مليون بالميه انه فيه الاف الناس تعشق المحاروه وفنونها وانا واحد من الناس ما اطيقها ولكن لا يعني ذلك اني الغي شاعرية شعراء المحاوره ! اتمنى اني قدرت اوصل النقطه ياغالي عموما لو انت لاحظت ردي بتلاقيني قلت تسليط الضوء على الحياه الشخصيه وما قلت على الاضافه الشعريه مع احترامي لتحفظاتك عموما انا كل كلامي لا يعني اني ادعم مثل هذه المواضيع ولكن في نفس الوقت انا ما الوم الشاعر ولا الوم المختلف اذا نظروا لهذه المواضيع كاضافه لتوزيعهم وصدقني لو دققت بالمجلات اليومين هذه بتلاقي اغلب اللقاءات على نفس هالمنوال والفائده والاضافه فيها ما تخدم الشعر بقدر ما تسط الضوء على الشاعر وتخدمه وتخدم المجله تحياتي وشديد احترامي واتمنى ان اختلاف الراي لا يفسد للود قضيه اخوك فيصل |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
