04-04-2007, 03:22 | #1 |
عضو شعبيات
|
:: يسود الصمت في الغرفه ::
السلام عليكم مصافحه اولى..أتمنى ترتقي لمستواكم,, يسود الصمت في الغرفه وشباكي يسامر نور وبابي هناك مشرّع عجز ياقف على حيله :: هنا صندوق العابي وهذا كتابي المهجور وذا لبسي وانا صغير قميص وجنز وفنيله :: يبه لحظه تعال شوي هذا هو قلم منصور وهذا دفتر التلوين يبه تسمح لي اشيله..؟ :: تعال لغرفة الجازي نشوف ثرية البلور نجمع مابقى منها انا ومحمد وهيله :: يبه هذا سرير احمد يوم عمره ثمان شهور وهذي هي عباة امي وحتى هذي الشيله :: يبه ناظر تحت رجلك تذكر بيت هالعصفور..؟ بنيته لي وانا صغير اذكر كان شحليله :: يبه ناظر في بيته زين وشف وشلون هو مدمور هذي هي حالتنا في بيت صعب تبديله :: بيتك روّحت روحه وصار بارضنا مقبور بعد ماكنا نضحك له صرنا اليوم نبكي له :: هذي الحرب وماسوت تخلي العقل فيها يبور تهدّم بيتنا يابوي يروح بيوم وبليله..!! :: خذت منا طفولتنا وبراءتنا بدون قصور وتدفن فينا ضحكتنا آآآهـ ياهي ثقيله :: وسلامتكم..., |
04-04-2007, 05:17 | #2 |
شــاعـر
|
رد : :: يسود الصمت في الغرفه ::
عذرووووب الله الله الله الله الله الله الله الله الله الله الله الله الله الله الله الله الله الله الله الله على هالرووووووووعه وعلى المصاافحه ويسلم رااسك والله محييك وصح لسااااااااااااانك مليااار اخوك نمر العتيبي |
04-04-2007, 09:16 | #3 |
رجّال أجودي / شــاعر
|
رد : :: يسود الصمت في الغرفه ::
عذوب حضور اول جميل صح لسانك عزيزي عذوب عندي ملاحظة اتمنى ان تتقبلها من اخ موضوعك جميل ولكن مفكك وكاني اقراء اكثر من قصيدة ومن ناحية الوزن تحتاج للقليل من التركيز فقط اتمنى عدم الاستعجال في طرح قصيدتك الا بعد ان تقتنع بها تماماً اخي انا هنا لا انقد القصيدة ولكن مجرد ملاحظات اتمنى ان تتقبلها بصدر رحب وصدقني انك تملك افكار جميلة وقلم جميل يحتاج للقليل فقط والله اني صادق وبدون مجاملة \ / دمت بود |
07-04-2007, 02:05 | #4 |
عضو شعبيات
|
رد : :: يسود الصمت في الغرفه ::
اخوي نمر العتبي... ياهلابك ومرحبا..صح بدنك منور والله .. سعيد بطلتك يالغالي,, رجّال اجودي,, ياهلابك والله,, بالعكس وانا اخوك مافيه احد مايبي الزين لنفسه..واكيد الملاحظات اتقبلها لان الفايده لي في الاخير,, معك بخصوص الوزن واشوف فيه تشتت في الابيات شوي..بس محاكيك من النوع اللي اذا خلص الشي ماصدق على الله حياك يالغالي وصح بدنك |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|