هذا سلملم ابن سلملس السلمسل >>>>>> ابد ماهوب منقهر من موضوع سلملم حق الشاعر جباره

اللي ضرب السوووق في القهوه تصدقون ان مبيعات الشيش هكا الليله مرتفعه النص ... لا يسمع سلملم ويقول

ان ارتفاع المبيعات بسبب بندر بخش هاملكين >>>> اقول لايكثر بس هذا وانت تقول كل مواضيعي الجايه

بدون مقدماااااااااات




توطيئه >>>>>>>> حاطها يبي يثبت للمتشككين بقدرة اللغويه

في يوم من الايام كنا جالسين في استراحتنا ومعي هالمقرود سلملم كالعااااده وكنا نتكلم عن مزاين الابل

(( اللي ما يعرفون المزاين هذا سلمكم الله عرض ازياء للنياااااااااااق >>>>> ليت الله فكهم من توضيحك

اقترح هالخبل سلملم علينا انا نروح للمزاين واتفقنا ان كل واحد يختار له اثنين عشان نصير سته

انا اقترحت ابو عليا وابو نوت وهالخبل اقترح الربيع وثامر الشعيفات وقلنا الوعد بكره عند محطة القدس بالدوادمي

اللي طافرين فيها >>>> يروحون يعبون على رجليهم منها :white:

اتصلت على الاخ ابو عليا وقال انا جاهز قلت زين اجل ابا اتصل على ابونوت وزهمت على ابو نوت وقال منيب فاضي

رمضان وابوي لازم افطره معه كل يوم >>>>>>> هيييين بس قل ياخي جايك بنت وباز فيها يعني حمد الله انك

ما خذت اجازة ابوبوه مثل اجازة الامومه :white:

قلت ابرك والله ماعمري زهمت عليك وقلت تم يبي يشغلنا كل اشوي ارقدو بدري قومو بدري وشغلات العوده

اللي انتم خابرينها >>>> ا قعدت اسولف ما وصلنا الصماااااااااااااان ابد

الربيع بعد اعتذر وصفت علينا ياالاربعه >>>>> اهم شي يكملون بلووووت بس الشباااااب

وصلنا الصماااان عقب المغرب ونصبنا خيمتنا >>>> متأثر في برامج الراحلين

وسلملم لحس عقولنا معه سلقته وكل شوي رابطها في مكان يقول خليك هنا قدام عيوني لايجونك السرقان

وتعرفون قلب روسنا في بطولات سلقته اللي وحده منهن تكفي يقول انها صايده اسد >>>> ماهيب سلقه هذي رشاش

ابو عليا قال قم يا سلملم نبي نروح ندور جربوع عشان اعلف شيهانتي >>>> مسميها الاباتشي

وراحو وانا وثامر الشعيفان تقابلنا وقعد ثامر يشوووووت >>>>> من الثمان طعشششششش

انا خليته يسولف ورقدت وكل ما قمت لينه يسولف الاخ قلت خله دامه مبسوط ياخذ راحته لين يجون الشباااااااب

يوم قمت تالي الليل وهو على سوالفه قلت ما جو العيال قال لاوالله قلت عسى ماغرزو هالخبوووول

قال حنا في الصمان ماهوب في الدهنا يابن الحلال






المشكله ان اغراض الطبخ معهم >>>>>>>> ما يحب كلمة عزبه

طلعت الشمس وهالخبول ما جو ... وشوي لين الجيوووب وسلاح الحدود مطوقتنا وسلملم مكلبش ومرعــــف !! :white:

وابو عليا معفوووول ماعليه الا فنيلة علاق وسروال طويل >>>>>>> شكله مقــاوم الاخ

<<--------< ايتشمت فيهم الله لايعاقبه





المهم استحو حقيــن سلاح الحدود يوم شافوني انا وثامر درو انا عاقلين وفكو العيااال على طول

قلت يالربع تقهوو قالو شكراً مستعجلين بس هالسلملم اربطوه ولا صفقوه >>>>> حقنــه الله يهديه سلملم

راااااااااحو من عندنا وسلملم يهلها عبيري قلت ورااااااك قال السسسسلقه معهم صحنا لهم ورجعو وعطوناها

السواق الظاهر انه طامع بسلقة سلملم اشوفه يلخص سلملم بحقــد وده يفرمه





نشدت ابو عليا قلت انتم وراكم وش جابكم لسلاح الحدود قال هااللي ماهوب مبروك >>>>>> سلملم بخش

يقول اعرف الاماكن كلها واثره خــرطي دخلنا العراق لولا الله ثم سلاح الحدود رجعونا كان مذكينا الزرقاااوي

مير تدري احلالاه يابو نوت اللي يقول انه يدل بالربع الخاااااالي >>>>>>>> يعلمنا فيه ؟ هذا يضيع في بنده

عشانا ما سويناه الا الصبح الساعه تسع ونص >>>>>>> ضابطه ابو عليا بالكاتم





رحنا للمزاين لينه قد خلص واثر فيه بعير منطلق ولا له عن سلملم عشانه لابس شماغ احمر >>>> الظاهر انكم باسبانيا

يالله نفك سلملم منه لينه قطع ازرته وفرسه على هكا الشجره وحلف سلملم ماعاد ينزل الا بالخيمه وقال انا معلمكم

اني مالي حض مثل النااااااس حتى البعارين ما تحبني وهليتها عبير ي ونزرنا ابو عليا وسكتنا >>>> الله يعينا عليك

يابو عليا اذا قريت الموضوع تبي تقول سبعه بالميه منه كــذب :white:

وقال انتم منتو كفو للصمان بس شغلكم عندي ابا اوديكم للدهنا ورد عليه ثامر الشعيفان وقال انا ماسويت شي

والعيال والله ماعاد يتعودونها وان عادوها ودهم للصمعاني (( ثامر يحسب الدهنا عجوز تكوي ))





المهم عقب ما طوينا خيمتنا لقــط ابو عليا دركســون الموتر واتجه الى الدهنا وهنااااك حصلت المغامرات

اللي تبي تقرونها في العدد القادم








تشااااااااو بطعم الدهنا اللي تكوي يا ثامر الشعيفان :white:

[سلملم]

هههههههههههههههه مانتب صاحي كسم

لي عوووووده


بس خلني اجمع السلق لا يضيعن


ياااااااح يااااااااااح







هذا ظبيان بعد المقناص







وهذا ظبيان يوم انه سمع ان فيه مقناص قال مالي إلا افرررك

[ثامر الشعيفان]

..

يح يح يااااااااااااااااااااااااح :white:


<<--------- يصيح لظبيان بعد اعتقال سلملم

ثمووووووووري عجل تراني انتظرك

[ثامر الشعيفان]

...