[قد أكون شاعر]

معدت ادري من الصادق معدت ادري من الكذاب

معدت ادري وكن الوقت ضيع كل عناوينه





معدت ادري وش العله معدت ادري وش الاسباب

معدت ادري وكن الوقت ربع الطيب مخطينه





الا ياهالزمان اركد خلصنا وطاحت الاشناب

وأثر المرجله ديكور ورى كذاب مخفينه





نصبر نفسنا بتاريخ صدر في ذمة الكتاب

ومدري صدقه من كذبه من الي صار بعدينه





شعوري بعد مابين علينا للجحود اسراب

شعور الورد وبذوره يوم الغُرب شمينه





الا ياغربتك يابذر الاياغربته في تراب

ولا شم الزهر في يوم ولو يلمحه في عينه

[منيره الفهد]

قد أكون شاعر يعطيك العافيه على القصيده الجميله منك بالفعل أنت شاعر مبدع حقيقه..!! وبدون قد عجبتني كثير الأبيات الشعريه وأتمنى لك الإستمراريه ,, شكري وتقديري لك

[قد أكون شاعر]

الشكر لك اختي منيره على مرورك الكريم وثنائك
من القلب شكرا

[قد أكون شاعر]

لي كلمه
انا بصراحه ما اعرف نظام المنتدى انا في البدايه سجلت قصيده في قوافي البوح
وصابت وكتبت الثانيه وطلعت مكسره والثالثه لحقت الثانيه
واتوقعت ان القسم هذا فقط للموزون وانا بصراحه معرف يوم اكتب القصيد الموزون من غيره
وما احاول التفت للوزن عشان لا يضيع احساسي بالقصيده
فقلت ياولد نزل قصيدك في منهل الشعر واكفي الشعار تعب نقل القصيده لين ماتصير تكتب القصيده وانت متأكد انها موزونه
وياليت احد يبينلي النظام
والعفو منكم
اخوكم (قد يكون شاعر)

[علي الخطيب]

"فقلت ياولد نزل قصيدك في منهل الشعر واكفي الشعار تعب نقل القصيده"

ههههههه والله انّك حبيب يالغالي

انت اوّل شي يا طويل العمر غيّر معرفك وخلّه باسمك الصريح وعندها راح تكسر جميع الحواجز

وعقبها تقدر تستشير اثنين او ثلاث من اعزّ الناس او اقرب الناس لك من الشعراء

مو عشان الوزن بس .. ممكن يكون عنده وجهة نظر تضيف لك الكثير ..

لك كل التقدير والاحترام

وعلى فكرة صح لسانك على قصيدتك .. بس ترى اوّل قصيدة كانت جزلة .. وجزلة معناها اجمل من موزونه

فكّر في الجزالة .. انت تعدّيت مرحلة الوزن .. تحياتي

[قد أكون شاعر]

في البدايه اخوي علي مشكور على المرور
وبختصار ماحولي شعار ولا اعرف شاعر واحد وما علقني بالشعر غير جدي
وجدي مهو شاعر لكن يحفظ الكثير من القصايد اللي قالوها شعار اول واشتهرت بين الناس بالتداول والنقل يعني حكاية الاستشاره انساها وانا جيت لشعبيات لاني حسيت اني فهالمنتدى راح اتعلم واني بلقى من يوجهني