[رائف الجبير]

.

عذراً على الغياب أحبّتي ..

للعيد في صدري غْياب وتناهيد=والضيق يمحي من دروبي أماني ..!
أواسي احزان الدفاتر بـ / اناشيد=والوّح بـ / كفّي لـْ / هاك المواني
غريب مقفي وآتحرّى المواعيد !=ويكفي نزفت من المواجع أغاني !
يكفي أخذت من الليالي تساهيد !=يكفي نصيبي للمآسي رماني
تركت لك كلّ القصايد تراديد !=ورافقت جرح ٍ بالضلوع المحاني !
جرح الوداع , وخاشرنّه لواهيد=زود ٍ على غربة دروبي , زماني !!!
وشفتك هناك بعيد وبعيد وبعيد !=وبعيد وبعيد وطريقك أناني !
شفت الورق , وجهه كسته التجاعيد=شفت الدقايق صمتها إحساس ثاني !
( طير الأمل ) يملى وجودي تغاريد=وحرف العنا واقف بـ / طارف لْساني !!
عشت الرجا روض ٍ وانا اقاسي البيد=وفجر الحزانا في صباحي ( مباني ) !
ذكرى وامل بين الحنايا عناقيد=أقطف من الذكرى واغذّي حناني !!
وصدق اغترابي .. روح حلمي .. أجاويد=صدى تباريحي .. شحوب الثواني
( يوم ٍ يحلّ ويرتحل :_ قالوا العيد=أحسبْك جيت وقمت أزفّ التهاني ) !!
غريب .. ماتت في دروبي مواعيد ..=وآمنت بـ / انصاف الغياب وجفاني !
والعيد دامه في غيابك تناهيد=ودّعت لحظات الأمل والأماني !!

6/10/1430 هـ

مخرج .. }

وش قيمة الدمع لا من عاند اهدابي=ووش قيمة الحبْر لا منّه جفا طرسي
أخذت منّي وجودك يا آآآخر احبابي=وتركت لي دمعتين وموعد وكرسي !

[خالد العروي]

رغم

التناهيد

والانتظار

ولوعة الغربه والمواجع

وكل شيء حطااام ليخرج الشعر من بين تلك الانقاااااض

متصفح يشع شعرا رغم كل شيء

صح لسااااااانك ياراااائف يارااااائع