20-02-2011, 00:11
|
#1 |
|
شـــاعر
|
سلام الله على اللي كنّها مصباح فـي مشكـاة
من القلب الجريح ومن عيونٍ طَرْفهـا مابـات=تَهَادَنّْ البيـوت اللـي لهـنّ أوزان وسلوبـي سلام الله على اللي كنّها مصباح فـي مشكـاة=ضَوَاهَا من عُصارة شَجْرَةْ الزيتـون مشبوبـي ألا ياروحـي اللـي مِقْتِفِيهـا هـادِم اللـذات=توَفيتـي وفـاة إدمـاغ بالتقريـر مكتـوبـي أبدْ ماكِنت أفكّر بالصـدود وزَرْقَـة الطعنـات=وَلَو فكّرت فيها مـا اتصَـوّرْ تِتِجـه صوبـي مَنحْتِك حب صادق مامنحْتِه لاطْلَق الخفـرات=أنا مَـدري عَمَايَـة رآي ولا عقوبـة اذنوبـي ولا قَدّرْتِي اللي شالِك بعينـه عـن اللطْمَـات=يغار من الهبوب إيلامسك وِمْلاطَـف الثوبـي نِسَفْتي كل بنيانٍ بناه القلـب . فـي لحضـات=بدون إشعار مُسْبق . قصّ حبل . وفَجْرَة إنبوبي تَخَليتي وانا محتاج قربـك باحْلَـك الأوقـات=وها الحين إستريحي ما لِرَكْض الرجل ماجوبي بِديت أبرى من اكبر صدمةٍ جتني من الصدمات=يادوب اجْتَزْت مَرْحَلْة الخطر يادوب يادوبـي تجين أو ماتجين أصلاً عَديت الماضي اللي فات=عليه إستارة الصبر الجميـل ومنسـك أيوبـي أنا كنت المُغَفّل رقـم واحـد بآخـر الخانـات=كِمَا صِفْر الشمال من العدد ماهوب محسوبـي مُجَرّد نقطةٍ بالسطر لن راحت سوى وان جات=لها الممحاة فـي راس القلـم لصـار مقلوبـي عليك الله وَامَانِه سِرّك الخافي بصـدري مـات=يبي يدخل معي للقبر بيـن الـزّور وجنوبـي أبَقْضِيها دقايق باقيـه مـدري عـدد ساعـات=أصَوّرك بخيالي شِعْـر واضَمّنـك حاسوبـي سَتُنْبِيك الليالي من نَبَاها عـن حمـد بالـذات=وتدرين إنِك أجرمتي بِِقَلـبٍ فيـك مَرْعوبـي |
|
|
|
20-02-2011, 01:20
|
#2 |
|
شــاعر
|
رد : سلام الله على اللي كنّها مصباح فـي مشكـاة
الله الله ياحمد ما اجمل تطويعك لحرفك واتقانك لحرْفتك ولاعجمت ولاهفيت ياكحيلان |
|
|
|
|
20-02-2011, 01:25
|
#3 |
|
شــاعر
|
رد : سلام الله على اللي كنّها مصباح فـي مشكـاة
جميل ياحمد صح لسانك |
|
|
|
|
20-02-2011, 02:34
|
#4 |
|
عضو شعبيات
|
رد : سلام الله على اللي كنّها مصباح فـي مشكـاة
حمد نص سلس يدخل إلى القلب صح السانك ولا هنت تحياتي |
|
|
|
|
20-02-2011, 17:58
|
#5 |
|
أبو تركي / شاعـر
|
رد : سلام الله على اللي كنّها مصباح فـي مشكـاة
الله الله يا ابن بااااادي من استلهام صورة ( الكوكب الدريّ ) إلى ( ويأتيك بالأخبار من لم تزويدِ ) حبك شااااعر محنّك سلم قلبك الراقي |
|
|
|
|
24-02-2011, 00:28
|
#6 | |
|
شـــاعر
|
رد : سلام الله على اللي كنّها مصباح فـي مشكـاة
إقتباس:
شاعرنا وأخانا أبو مقبل ماعليك زود طال عمرك بعض الذي عندك مشكور ياوجه الخير ومجمّل لك تحيتي  |
|
|
|
|
|
24-02-2011, 00:31
|
#7 | |
|
شـــاعر
|
رد : سلام الله على اللي كنّها مصباح فـي مشكـاة
إقتباس:
أخي عبد الله شامان الجمال في مرورك صح بدنك ولاهنت لك تحيتي |
|
|
|
|
|
24-02-2011, 00:34
|
#8 | |
|
شـــاعر
|
رد : سلام الله على اللي كنّها مصباح فـي مشكـاة
إقتباس:
أحمد بن لوحان ومرورك عطر يشرح الصدر صح بدنك وكرمت لك تحيتي |
|
|
|
|
|
24-02-2011, 00:38
|
#9 | |
|
شـــاعر
|
رد : سلام الله على اللي كنّها مصباح فـي مشكـاة
إقتباس:
هلابك أخوي أبو تركي وتعليق شاعرٍ ذوّيق يستخلص الجمال ويستطعمه مشكور يابعدي سلمت ولاهنت ممتنٌ لتواصلك الكريم لك تحيتي |
|
|
|
|
 |
| عدد المتواجدون في هذا الموضوع » 6 , عدد الأعضاء » 0 , عدد الزوار » 6 | |
|
|
|
|
