[احمد الشمري]

`

السلام عليكم ..

شعيل موتري ورفيقي الذي اسند عليه الكثير من قصايدي وهو رفيق شهم وصدره وسيع على راعيه ..
اليوم كانت هالابيات بعدما زودت حمل شعيل شوي وحسيت اني ضايقته !!

فقلت:

ياشعيل راع الطيب عمره ماينضام
... لو لح ثقل الحمل متنك ومتني !!

ابعترف واقول شكراً للأيام
... اللي عقب طول الامل علمتني

خذيت معها جاهلن عدة اعوام
... وهي بعد من خبثها جاهلتني

تزينت لي بالمظاهر والأوهام
... وعشقتها منجوم وهي عشقتني

واقفت وخلتني على دار الاحلام
... ومثلي كثيرن حتنهم مثل حتني

ومن حسرتي ركزت سني بالابهام
... وجريت لي ونة ندم واوجعتني

غلطان يامن تحسب العمر قدام
... العمر فرصه ماتحرى وتتني

إغنم زمانك بالتوكل والاقدام
... ولاتستمع لوقيل عايل وفتني

تراك تاصل ماقصرت عن الاقزام
... اللي من اسفاف الدهر طاولتني

بانفاسها ريح الحسد مروح وسام
... قومن لو ان الامر معها محتني

ولو مالظروره له مقادير واحكام
... ماصافحت يمناي يمناً لوتني

الوقت هذا وقت توقيع وارقام
... واهل التجارة بين جاتك وجتني

ضاعت تقاليد القبايل والاسلام
... والمجتمع مابين فتنة وفتني

فـ يالله ياللي بالمقابيل علام
... فزعتك يالله كان بقعا كوتني

ومادام تال العمر رقعة من الخام
... يالله بحسن الخاتمة لا كستني !!


وسلامتكم.

[محمد مدران اليامى]

الله الله ..

تزينت لي بالمظاهر والأوهام
... وعشقتها منجوم وهي عشقتني.

صح لسانك ..والله يبطي بايام شعيل ..وايامك..

[جابر بن قادرة]

ولو مالظروره له مقادير واحكام
... ماصافحت يمناي يمناً لوتني

الله الله ..

صح لسانك ... ونحتري رد شعيل

تحياتي لك

[نايف بن حزوم]

ضاعت تقاليد القبايل والاسلام
... والمجتمع مابين فتنة وفتني

فـ يالله ياللي بالمقابيل علام
... فزعتك يالله كان بقعا كوتني

ومادام تال العمر رقعة من الخام
... يالله بحسن الخاتمة لا كستني !!
اللهم امين ..الله يزقنا واياك وجميع المسلمين حسن الخاتمه ..لاهنت

[احمد الشمري]

إقتباس الرسالة الأصلية كتبت بواسطة محمد مدران اليامى الله الله .. تزينت لي بالمظاهر والأوهام ... وعشقتها منجوم وهي عشقتني. صح لسانك ..والله يبطي بايام شعيل ..وايامك..

بيض الله وجهك يابومدران وصح بدنك...

[احمد الشمري]

إقتباس الرسالة الأصلية كتبت بواسطة جابر بن قادرة ولو مالظروره له مقادير واحكام ... ماصافحت يمناي يمناً لوتني الله الله .. صح لسانك ... ونحتري رد شعيل تحياتي لك

شعيل هز راسه وضحك يابوصغير

[احمد الشمري]

إقتباس الرسالة الأصلية كتبت بواسطة نايف بن حزوم ضاعت تقاليد القبايل والاسلام ... والمجتمع مابين فتنة وفتني فـ يالله ياللي بالمقابيل علام ... فزعتك يالله كان بقعا كوتني ومادام تال العمر رقعة من الخام ... يالله بحسن الخاتمة لا كستني !! اللهم امين ..الله يزقنا واياك وجميع المسلمين حسن الخاتمه ..لاهنت

ولا تهون يانايف .. تحياتي

[عنود]

والله تأثرت من هذه القصيدة
ان كان شعيل الموتر كما قلت
ربي يعوضك بالسياره الأروع والأغلى

بانفاسها ريح الحسد مروح وسام
... قومن لو ان الامر معها محتني

عافاك الله وعافها وعافانا من الحسد
وصح لسانك

[أريام]

احمد الشمري

صح لسانك ولاهنت

[احمد الشمري]

إقتباس الرسالة الأصلية كتبت بواسطة عنود والله تأثرت من هذه القصيدة ان كان شعيل الموتر كما قلت ربي يعوضك بالسياره الأروع والأغلى بانفاسها ريح الحسد مروح وسام ... قومن لو ان الامر معها محتني عافاك الله وعافها وعافانا من الحسد وصح لسانك

الله كريم ياعنود .. والحسد ماله علاج
تحياتي لمرورك

[احمد الشمري]

إقتباس الرسالة الأصلية كتبت بواسطة أريام احمد الشمري صح لسانك ولاهنت

صح بدنك يالضيغمية
مرورك عطر المتصفح