[كش ملك]

رصَاصَةْ الجَهْلْ .. اجْهَلْ مْنَ الرّصَاصْ!
منْ يعْكِسْ الإ ... رْهَاب: ... باهر .. لِقاهْ!!

أَرْدَى مِنَ الْوَحْلْ الّذِي فِيهْ غَاصْ
منْ بالدّمَا .. يَغْسِلْ: ثيَابْ الْمِيَاهْ!!

مَهْمَا اسْتَقَامْ الصّفّ .. مَهْمَا .. تَراصّ
عَلَى كِذَا .. مَا تِنْقِبِلْ لَهْ .. صَلاَهْ!

مِنْ حَاوَلْ هْدَايَةْ بشَرْ .. بِانْتِقَاصْ ..
رُوحَهْ: هُوُ .. وْمِنْ يهْتِدِي فِيهْ .. تَاهْ!!

الدُّرّ .. ما يُجْلَبْ منْ ايَّةْ مَغَاصْ
وَالْعِلْمْ .. مَا يُوخَذْ مِنْ ايّةْ شِفَاهْ!

يَا اللّي مِنْ النّاسْ .. اْبتَغِيتْ الخَلاصْ
الدّينْ .. للنّاس الخَلاَصْ: بَغَاهْ!

إرْهابكم .. عَلَى الحَيَاهْ .. قصَاصْ
وفي ديننا .. لَكْ فِي الْقصَاصْ .. حَيَاهْ!!


فـــــد عـــــــافـــــت

[ناصر الفراعنة]

سلمت اناملك


وصح لسان الاستاذ العزيز فهد عافت

[نورة العجمي]

مساءك شعر ونور


مَهْمَا اسْتَقَامْ الصّفّ .. مَهْمَـا .. تَـراصّ
عَلَى كِـذَا .. مَـا تِنْقِبِـلْ لَـهْ .. صَـلاَهْ!


مِنْ حَـاوَلْ هْدَايَـةْ بشَـرْ .. بِانْتِقَـاصْ ..
رُوحَهْ: هُوُ .. وْمِنْ يهْتِدِي فِيـهْ .. تَـاهْ!!


الدُّرّ .. مـا يُجْلَـبْ مـنْ ايَّـةْ مَغَـاصْ
وَالْعِلْـمْ .. مَـا يُوخَـذْ مِـنْ ايّـةْ شِفَـاهْ


صح لسان فهد عافت وتسلم يمينك على النقل

لكن انا عندي سؤال ليه ماينزل الشاعر فهد عافت قصايده بنفسه او باسمه

انا شفت في البحث سبق ان نزلت له مشاركه في شعبيات وفيه ناس كثير تحب الشاعر هذا وتحرص على قصايده

بلغه سلامنا وتحياتنا ووجه له دعوه يشارك معنا في بوح القوافي علشان نكون متواصلين مع هذا الشاعر الكبير

تحياتي وشكرنا العميق لك كش ملك

[طـراد الخليفه]

الله الله

بالفعل قصيده شامخه شامخه شامخه

ومع هالأحداث الأليمه محتاجين لها فعلاً ..

لا أستغرب من فهد عافت هذا الجمال والرقي ومزامنة الاحداث بموهبته الكبيره

لكن بالحقيقه أجد ان مثل هالقصيده وبهالوقت بالذات يجب انها تثبت بالبوح بدل من نقلها وقتلها بالديوانيه العامه !!


شكرا لك يا كش ملك

[نورة العجمي]

مساءك شعر وخير ونور

للمره المليون نكرر اعجابنا بالشاعر فهد عافت ونكرر دعوتنا له

تسلم يا كش ملك وتشكر على هذه القصيده

[كش ملك]

الاخوان ..

ناصر الفراعنه , طراد الخليفه :

اشكركم على لطفكم و حضوركم ... تسلمووووووووون .


الاخت نوره :

انا والله اتمنى ان فهد يكتب هنا ..

على الاقل يفكني من نقل قصايده !!

و بنسبه لتحياتك و دعواتك له .. انا اسف !! ما راح اوصلها له !!

لاني للأسف ما اعرفه .. و اشك اني اعرفه في المستقبلين !!

القريب او البعيد .. !

و الف شكر لك يا نوره على اهتمامك لفهد عافت ..

تحياتي ..

[كش ملك]

مجرد اعادة نص جديد !