[عبدالمحسن المقاطي]

.

.

على صافي الماء كان بان انكسار العود
............يجي للخفايف فوق سطح البحر طفحه
تسلل/ مع انسام الهوى ريحة البارود
.........واشوف الدماء / من بين الاوراق منسفحه
يقولون / مابه غصن ما حركتّه النود
................والازهار لا هب الهوى جالها نفحه
يطيح المطر والسيل لو حرك الجلمود
............ ترا النفس / مما شفت ما القاها كفحه
على ما يقولون العطاء عند راع الجود
..............لقيت العرب في تالي الوقت منشفحه
وجيه الرجال/ الي توقى عن المنقود
........... عليها الحيا لو هي من القيض منلفحه
وانا/ لو حصرت العنصر النادر المفقود
.......على بعض الاسماء/ رحت ما كملت صفحه




.

[سعيد بن مقبل الأكلبي]

وانا/ لو حصرت العنصر النادر المفقود
.......على بعض الاسماء/ رحت ما كملت صفحه

صدقت
واجدت الى مالانهايه
تعجبني نصوصك ياعبدالمحسن
ترا النفس / مما شفت ما القاها كفحه
اذا كانت (ما القالها) فعدلها لو تكرت
قصيدة متعوب عليها
صح راسك ياعبدالمحسن

[علي التركي]

يا سلاااااااام يا المقاطي
تطرب بطريقة مدهشة

وانا/ لو حصرت العنصر النادر المفقود
.......على بعض الاسماء/ رحت ما كملت صفحه

صح كلك

[ابوسعدعبداللطيف]

هنا للشعر تقدير ..

صح لسانك اخوي عبدالمحسن ..

نص قوي تمنيته يطوول ..

أجّود التحايا .

[عبيد البديري]

وانا/ لو حصرت العنصر النادر المفقود
.......على بعض الاسماء/ رحت ما كملت صفحه




الله الله ياعبد المحسن نص فاخر وحضور رائع
دام ابداعك وتوهجك

[عماد السرحان]

الله الله

يا عبدالمحسن


صح لسانك يالجزل

[محمد الدحيمي]

فقط للشعر ولكي ننصف الشعر
هنا شعر حقيقي يشعرك ان الشعر لازال بخير
نص يستحق ان يكون في المقدمة

[عبدالله شامان]

عبدالمحسن ليست الاولى وليست الاخيره

انت قادر على رسم البهجه على محيا الجميع

بمجرد معانقة ماتكتب وماتنثر هنا من جمال

شكرا لك بقدر المتعه في قرائتك