19-12-2003, 10:06
|
#1 |
|
شـــاعر العثمــانيـــات
|
يا بوش لا تفرح..
[poet font="Simplified Arabic,4,white,normal,normal" bkcolor="gray" bkimage="" border="none,4,gray" type=0 line=200% align=center use=ex length=0 char="" num="0,black" filter=" shadow(color=blue,direction=135)"] يا بـوش لا تفرح بطيرٍ ختلتوه = ما تدري إنّه عاف كثر الشرودي ما عاد يقوى يطير وانتم حملتوه = يمكن بتركه ينتهي باللحـودي ان كانه اخطا ..جرمكم لو جهلتوه = كل الشرايـع حكمهـا فيه قودي من شجّعه بالحرب وانتم كفلتوه = ضدّ الخميني بالعتـاد ونقـودي ومن غرّره يغزي كويتٍ نزلتوه = من شان تلقـون العذر للحشودي تستعمرون أيّـة بلادٍ دخـلتوه = بالغصب ولاّ بالمكر والـوعودي سرّاقـة الثـروات كلش نشلتوه = وش عاد خلّيتوا بعـد من جهودي يا اجبن بشر لولا سلاح جلبتوه = يضرب غدر من عاليات الصعودي ما كان هذا الوضع واللي وصلتوه = ولا كان من ذلٍّ نعيشه عقودي نصبرعلى المكتوب واللي فعلتوه= حتى يقوم الناس بعد الرقودي حنّـا دعـاة السلم وانتـم قتلتوه = كل الجـرايم باسمكم بالوجودي تـاريخكم أسـود بدمٍ غسلتوه = من دمّر الأفغان خان العهودي ومن أحرق اليابان عمداُ صليتوه = ومنهو ذبح شعب العراق الصمودي ومنهو حمى شارون وانتم فلتّوه= يذبح ويحرق ما لقى في برودي منهو ومنهو .. جرمكم لو سألتوه = أشّر على امريكا بكل البنودي ومهما رفعتوا من شعارٍ ظلمتوه = كله كذب ماله أساس ووجودي في موطنك كل التعنصر قبلتوه = والأرض حتى بالأصـل للهنودي يا مدّعي حـقّ الأوادم كفـلتوه = عطني حقـوقي وابتعـد حدودي وش لون تطلب حقّ وأنتم سلبتوه= وافقـرتو الأمّه بحلبٍ يزودي حتى السلاح اللي عليها حملتوه = تدفـع ثمن صنعه وهي بالقيودي لـو بعْضنا يمشي بدربٍ عدلتوه= يحمل بقلبه كره حتى النفودي بركاننـا الخامد ترى لو شعلتوه = يقذف حمم في وجه خصمٍ لدودي أنتم تبـون الجاه بالمكر طلتوه = وحنّـا نبي الجنه بدار الخـلودي نسقيك من كاسٍ شربنا مليتوه = الله أكبر فـوق كيـد الحقودي تاريخنـا وان كان قصدٍ غفلتوه = فيه العبر لاهلك وكل الضدودي حنّا صنعنا العـلم وانتم نقلتوه = يوم إنكم بالجهل مثل القرودي والـوقت دوّارٍ على ما غزلتوه = من قبلكم كسرى خضع للبنودي وان كان عزّ الروم يومٍ سليتوه = انهار من ضرب الرجال العدودي اعقل .. تفكّر.. كل جرمٍ فعلتوه = ما يوم ينسى فالخـلايق شهودي ان غرّتك قوّتْك واللي وصلتوه = ما طار طير إلاّ وقع للأسودي في يـوم تتفكك ولو ما قبلتوه = وتبدا رجوع لماضيـات العهودي أرجي من الله نصر ما يوم خلتوه = ويعزّ دينه رغم أنف اليهودي [/poet] اخر تعديل كان بواسطة » عثمان العبدالله في يوم » 21-12-2003 عند الساعة » 16:16. |
|
|
|
19-12-2003, 10:27
|
#2 |
|
شـــاعر
|
عثمان العبد الله ومشااااعر صااادقه ..... اولن وقبل كل شي ..... سجل اعجابي بصدقك واخلاصك قصيدة من القلب الى القلب ...... عانقت جرااح الأمة ...... عثمان حطيت الملح على الجرح وما اظني انا اللي بشهد لهالقصيده اكثر من رائعه ..... اشكر الصدق عثمان على هالاحساااااااااااس المرتفع اسمحلي يا عثماااان ابحتفظ بنسخة منها عندي تقبل اعجاب اخوك الله يصلحك ويصلحه |
|
|
|
|
19-12-2003, 10:56
|
#3 |
|
عضو شعبيات
|
عثمان العبدالله صح لسانك مليون |
|
|
|
|
21-12-2003, 16:17
|
#4 |
|
شـــاعر العثمــانيـــات
|
كل الشكر والتقدير لأخي الكريم/ الله يصلحك على تشريفي وأبياتي المتواضعة بكريم حضوره الرائع وتفاعله. لاهنت يالغالي تقبل أطيب تحياتي |
|
|
|
|
21-12-2003, 17:17
|
#5 |
|
شــاعر
|
يـا مدّعـي حـقّ الأوادم كفلتـوه عطني حقوقـي وابتعـد حـدودي وش لون تطلب حقّ وأنتم سلبتـوه وافقرتو الأمّـه بحلـبٍ يـزودي حتى السلاح اللي عليهـا حملتـوه تدفع ثمن صنعه وهـي بالقيـودي صدقت ياعثمان هذه نوايا القوم وان ابطنوها واليهووووود هم اليهوووود من يوم الله خلقهم واوصافهم في القران الكريم صح لسانك وسلمت يمناك ولا عدمناك |
|
|
|
|
21-12-2003, 22:21
|
#6 |
|
شــاعــر
|
. . . روعة وإبداع كعادتك يا عثمان .. . . دمت ودام تألقك .. . . ولك تحياتي أخوك ----------------- عبد الله الجزلاني ----------------- |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
