[مسفر الدوسري]

إقتباس:

الرسالة الأصلية كتبت بواسطة حسن الشيخي
طالب ومتأخر عن الحصة وعن الدوام وعن اللقاء وعن
وعن وعن وعن وعن ......... !
لم يعد هناك فرصة لطرح أي سؤال الاّ أن المتعة والفائدة والدرس لم ولن يفوووووت
سأكتفي بالشكر والتقدير لـ سما خير و لـ شعبيات ولـ للضوء مسفر الدوسري
ولكل الأخوة والأخوات هنا ... للأمانة متعة لا توصف
سعدت كثيرا بكل المداخلات وبكل الأجوبة ... سعدت كثيرا بحديث الضوء عن الشعرالنسائي ومداخلة الجازي
الأكثر من رائعة وحديثها عن هتون الشريف وان كانت هناك من اضافة أو تعليق في هذا الجانب فـ الشاعرة ( نبض ) تلك الجنوبية المحلقة في سماء الابداع تؤكد ما ذهبت اليه الجازي ولو أتيحت الفرصة لأستاذنا مسفر الدوسري للاطلاع على البعض من نصوصها أظن بأن نظرته عن الشعر النسائي ستزداد جمالا .
كل الشكر والتقدير والامتنان للجميع




العزيز حسن ..يا هلا ومليون غلا..
بس ودي أقول ترى ما كان فيه حصه..كان لقاء بين أصدقاء أقترشوا البساطه ..وتنفسوا هوى الود..!!
بخصوص شعر الشاعرات ،أنا ترى ما ذكرت أي شي يقلل من "جمال" شعر الشاعرات،أنا أكثر من مره ذكرت إن عندنا شاعرات مبدعات،وما أعتقد إن فيه أحد عنده ذرة إنصاف ويعتقد غير هذا ،أنا فقط أتكلم عن الخصوصيه اللي يفترض تكون موجوده في أي قصيده سواء كانت لرجل أو لأنثى.

من القلب شكرا لطلتك علينا،

[مسفر الدوسري]

إقتباس:
الرسالة الأصلية كتبت بواسطة سمـا خير

.

.
هلا والله بكل الأعضاء ..وكل الزوار ..أسعدتنا مداخلاتكم كثيراً ..
.
.
ليسمح لي ضيفنا العزيز مسفر الدوسري بتحليل شخصيته على ضوء هذا اللقاء الحلو ...
.
.
مسفــر الدوسري
.
.
رجل صاحب قلب كبير يتسع للجميع ..يلامس هموم الآخرين ويتفاعل معها ..شخصيه راقية جدا" يحاور بطريقة مميزة تشعر من خلاله أنك تحاور عقليه كبيره ابحرت كثيرا" في الحياه..ومع ذلك روحه مرنه ...
أخ للجميع وانسان ذوووق في تعامله وحواره أحياناً يجد اعتر اضات في بعض آراءه الا انه يرد بكل ذوق ورقي..يتحلطم شوي ..مثقف وشاعر وفنان ..
.
.
... يجيد فن الحوار بمهاره..يتكلم اللهجة الكويتية الراقية القريبه من قلوبنا ..
من خلال أشعاره ..واسلوبه في ادارة الحوار تشعر انه صاحب هدف ..
لمست في شخصيته انه جدا" حساس وما يحب يزعل احد ...رجل له حضوره ومكانته أينما حل أو رحل ونحن في شعبيات نعتز بتواجده معنا ..
وسأكتفي بهذا القدر لإني كلماتي تقف خجلى أمام إنسان كمسفر مهما قلت فلن أوفيه حقه ..
يكفي أنه ترك في الديوانية بصمه مستحيل أن تمحى مدى الحياة ..
.
.
أستاذ / مسفر الدوسري ..
.
.
شكراً

سما خير..
ما أقول إلا عساني أصير مثل ما وصفتيني،
من القلب شكرا لكرمك علي،

[مسفر الدوسري]

إقتباس:
الرسالة الأصلية كتبت بواسطة عنود

وزياده ياسما خير

شاعرنا دمه عسل ونفسه حلوه وخفيفه
شعبيات فضلها علينا كبير بوجودنا بجانبك

سؤال اخير وليس بآخر

البارحه أشتقت لك

البارحه..

كلّى شجر وأوْرَقْت لك ؟!!

البارحه..

أنا امتليت من شمس وجهك والحنين

وأشْرَقْت لك ؟!!
بقلم الشاعر مسفر الدوسري

لمن تهديها ؟

دمت بسعااااااااده

هلا أختي عنود..كلك ذوق يا الغاليه.
القصيده مهداه للي أنكتبت له....!



دمتي..حلم،

[مسفر الدوسري]

إقتباس:
الرسالة الأصلية كتبت بواسطة نـــورة العجمي

يمديني عليكم

يا مرحبا ترحيبة البدو لسهيل
واعداد ما هبت سحايب مطرها

الف هلا ومليون مرحبا بشاعرنا المبدع مسفر الدوسري
هلا بك عد المطر كثر مانزل وكثر اللي بيجي
وبعددهم شكر لسما الخير على هديتها الرائعه لنا

اهديتي لنا الخير والنور والسيل لاعدمتك

اسئلتي
شفت ردك عن الشاعرات
هل معنى ذلك من تكتب شعر هجاء فيها عيب وتشّبه بالرجال
لأن الواقع احيانا يحتم ذلك
يقولون مادون الحلوق الا اليدين

متى نرى مسفر الدوسري برئاسة تحرير مجله شعبيه ؟

يقول الشاعر الرائع فهد عافت في احد تصريحاته ان غازي القصيبي ليس شاعر ولا روائي
بل مسرحي مذهل ضل الطريق لأنه افضل من يجيد الحكي في العالم وكان ممكن لنا من خلاله ايجاد برنارد شو آخر ؟رايك ياشاعرنا ؟

بما انك عشت فتره طويله بالكويت هل تذكرها وتكتب عنها ايام العيد الوطني للكويت وذكرى التحرير وكل المناسبات التي تربط الكويتين ببعض وهل قدمت نص للكويت في احد هذه المناسبات ؟

متى تقيم شاعر بأنه تافه ؟

الله يطول عمرك ياشاعرنا وترفل بثياب الصحه والعافيه
لاعدمناك

يا مرحبا بك عدّ ما روّح الليل
والشمس بانت تجهر اللي نظرها

هلا والله ومليون غلا بالأخت الشاعره نوره..
نوّرتي المكان،

بالنسيه لأسئلتك أقول:
_ اللي يحدّ إنثى تقول هجاء ،بيكون قليل ذوق،
الهجاء سلوك عدواني،يعرّي نفسيه إنفعاليه، والإنفعال له أحيانا وجه قبيح ما يليق بوجه أنثى،فأي شي يخلي الأنثى أقل جمال بتصوري قليل ذوق..!

- الرجعه للمجلات مره ثانيه مرتبطه بظروفها.
- بخصوص إن غازي القصيبي ممكن يكون برنارد شو،أنا أيضا أعتقد إن القصيبي عنده حس ساخر جدا، من نوع السخريه المؤلمه في كثير من الأحيان، أما بخصوص إن الشاعر غازي الفصيبي ظل طريقه كمسرحي،أنا أظن إن كل شاعر في داخله فنان ما ظل طريقه،تلقين داخل الشاعر،موسيقي،أورسام مثلا،وهذا ممكن يصير لأي فنان مبدع، تحت عباية موهبته الظاهره يختبي سرب من نوارس.
- الكويت حبيبتي أكتب فيها بدون مناسبه،لكن ما أذكر إني كتبت لها في مناسبه رسميه!! فيه أحد يحتاج لمناسبه عشان يغني هواه؟! عشان يقول للي يحبه:أحبك؟!
أكتب للكويت لما تبكي
أكتب للكويت لما تضحك
أكتب للكويت لما أزعل عليها
أكتب للكويت لما أشتاق لها
وأكتب لما أعاتبها
هذي بس المناسبات اللي أكتب فيها للكويت.

- ما استخدم كلمة "تافه"،أقول "سيء".




شكرا ملايين لحضورك ،أسعدني نور كلماتك..

[مسفر الدوسري]

إقتباس:
الرسالة الأصلية كتبت بواسطة وليد اللهيب
إقتباس:
الرسالة الأصلية كتبت بواسطة مسفر الدوسري

العزيز وليد اللهيب:

يسعد صباحك يا قمر..دايما إنت ينبوع الجمال اللي ما يجف،أمس الصبح كنت عايش مع السي دي اللي عطيتني قبلها بليله..وبنفس الوقت أقرا قصيدة للوافي كان توه منزّلها فالمنتدى ..الله يسعد قلبك حبيبي ويسعد الوافي..كان صباحي أمس بفضلكم غير.
بس تعال ..يا أخي أنا دخلت على الروابط اللي إنت حاطها..تصدق عاد أنا ما أذكر وين قلت هالقصايد ،ولا متى؟!ما أعتقد إنها من أمسيه..
على العموم أنت دايما تفاجأني بأشيائك الجميله.
مشكوووور كثير على جيتك يا قلبي،
ولا تنسى باكر إذا بتخاويني نروح نبارك لسعد الخلاوي

كانت ليله من اجمل اليالي

اتمنى ان توصل له السلام
وان تطمنني عليك اول ماتصل
واول ماتعود بالسلامه

هلا والله ابوخالد..
حبيب قلبي شكرا على حضورك..

محبتي لك..

[مسفر الدوسري]

إقتباس:
الرسالة الأصلية كتبت بواسطة غاده بنت تركي
شكرا لكمـ بحجم السماء
وبعدد ما غرد طير بالخلاء
شكراً لما منحتنا يا شاعر الحرف هنا من إمتلاء ،

تبقى شاعري الأفضل يا مسفر
وشكراً لسما الحلا والطعامة
وللجميع ،

الأخت غاده..
الآن بكون الأسعد لأني بلغت هذا السمو ..شكرا لوجودك بالقرب دايما،

[مسفر الدوسري]

أكرر شكري لك سما خير ولكل اللي مروا،
تشرفت بوجودي معاكم،

[سمو الرأي]

الشاعر مسفر الدوسري




((( والشمس بانت تجهر اللي نظرها )))



مررت من هنا ووجدت حضارة شاعر........... شعرا وقولا أخرج هذا اللقاء بخبرات تخصصة في الابداع ، سجل اعجابي وتقديري