01-03-2011, 03:25
|
#1 |
|
عضو شعبيات
|
قصيدة
يالله يالي بأمرك المزن همال=لجلك الخلق جموع ومصلين ياواحد يالي تبدل كل الاحول=ياغافر الزلات ياقاضي الدين تعبت من كثر الهروج والاقوال=بعض الهروج مثل طعنات سكين بعض الكلام يهزني هز زلزال= يقدر يفجر كل حزني براكين يالله تلهمني الصبر وطولت البال=وتجنب نفسي ادروب المكيدين طير........طير ياطير وصل للردي مرسال= مرسال نظم ويسمعه زين ترى المراجل ماتنشرى بالمال=لو بالمال ضاعوا المساكين والمراجل ماتجي بالقيل والقال=والا كان تمرجلو نص النساوين ولا كل من توظف صار رجال=كان الوظايف تكفر الماضي الشين والمراجل ماهي لبو طيش وهبال=ولا كان اعتمدنا بعد الله عالمجانين ولاهي محتكرة على ارجال الاعمال= والمراجل ماتجي بفلوس ودكاكين الرجل من تنظرب فيه الامثال=ولانتخى يفز وتلقاه اول الملبين والرجل للثقيلات دوم شيال=تلقاله بصمة في كل الميادين وله مع المطاليق مخرج ومدخال= وكلمته وحدة ماهيب ثنتين كم فقير مايملك بوسط جيبه اريال=وبيته مبني بلوح وكراتين عايش حياته مابين بر ورمال=وضاقتبه الدنيا من يسار ويمين ولاعنده وظيفه ولا مره ولاعيال=لاكن مراجله تسوى من المطاليق الفين وهنى الفقر يقوي بأس الاجيال=ويقسي كل عود(ن)فالرجل لين ولو جمعنا فقر وحاجه وسود الليال= النتيجه تطلع رجال(ن)موامين ويالله تجعلي في جنة الخلد منزال= وتجعلني ممن فنى عمرة لنصرة الدين وصلاة ربي عد ماهل همال= على النبي الهاشمي سيد المرسلين |
|
|
|
01-03-2011, 06:58
|
#2 |
|
عضو شعبيات
|
رد : قصيدة
ارجوا منكم اخواني واخواتي ابداء رايكم |
|
|
|
|
01-03-2011, 15:26
|
#3 |
|
متنبي الشعر الشعبي
|
رد : قصيدة
في القصيدة السابقة وفي هذه القصيدة تطور واضح جداً في مشكلتك مع الوزن ياخالد بدليل انت الأن في اغلب الأبيات تكتب شطر موزون وهذا يعتبر تقدم فرق كبير وشاسع بين هذين النصين وبين اول نص لك عندنا كما قلت لك ياصديقي ستتغلب على مشكلة الوزن بإذن الله بالنسبة لهذا النص : سأكتب لك مع التعديل الثلاث ابيات الأولى وحاول ان تمشي على نفس الوتيرة انت تقول : يالله يالـي بأمـرك المـزن همـال ........ لجلـك الخلـق جمـوع ومصلـيـن ياواحد يالـي تبـدل كـل الاحـول ........ ياغافـر الـزلات ياقاضـي الديـن تعبت من كثـر الهـروج والاقـوال ........ بعض الهروج مثل طعنـات سكيـن لاحظ الأن البيت الأول : صدر البيت موزون يالله يالـي بأمـرك المـزن همـال والعجز مكسور البيت الثاني عجز البيت موزون ياغافـر الـزلات ياقاضـي الديـن والصدر مكسور البيت الثالث مكسور ولو استبدلت فقط مفردة ( الهروج )بـ (السوالف ) لأستقام الوزن في الصدر والعجز انظر اليها الأن بعد التعديل : يالله يالـي بأمـرك المـزن همـال ........ ياللي جميع الخلق جلـك مصلـيـن ياذا الجلال مبـدلٍ كـل الاحـول ........ ياغافـر الـزلات ياقاضـي الديـن تعبت من كثـر السوالف والاقـوال ........ بعض السوالف مثل طعن السكاكيـن احفظ وردد هذه الثلاث ابيات فقط كثيراً وسترى ان موسيقى او لحن البيت سيرسخ تلقائياً في ذاكرتك وستكتشف النشاز في الأبيات الأخرى وكمل على وتيرتة باقي الأبيات واتعب عليها ... بالنسبة لقصيدة النصيحة الأخرى ياخالد اللي على لحن المروبع اذا تبي نصيحتي والصدق حتى لو كانت موزونة فهي غير مقبولة منك بحكم صغر سنك قصائد النصح تقبل من كبار السن اهل الخبرة والتجربة تحياتي  |
|
|
|
|
02-03-2011, 01:53
|
#4 |
|
عضو شعبيات
|
رد : قصيدة
الله يبيض وجهك يابو خالد وماقصرت نقدك لقصايدي علمني الكثير وانا اشكرك من كل قلبي ومهما شكرتك ماراح اوفيك حقك ..ماقول الا الله يجزاك خير ويبيض وجهك. شكراً |
|
|
|
|
02-03-2011, 02:52
|
#5 |
|
متنبي الشعر الشعبي
|
رد : قصيدة
ووجهك ياخالد ابي اقولك شي فيه فرق كبير وواضح بين نصوصك اول وهلحين والبيت هذا الدليل بعض الكلام يهزنـي هـز زلـزال ........يقدر يفجر كل حـزني براكيـن هذا معناه انك تمتلك الموهبة فقط استمر واتعب على قصيدتك لين تتمكن 100% من الوزن وأكثر من القراءة ونحن هنا في خدمتك وخدمة كل من يملك موهبة بالتوجية الصادق وللشعر فقط . |
|
|
|
|
11-06-2011, 09:52
|
#6 |
|
عضو شعبيات
|
رد : قصيدة
الى الامام دائما" والله يرعاك تطور رائع بإنتظار جديدك دائما" دمت بحفظ الله  |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
