17-10-2006, 07:15
|
#1 |
|
شــاعر
|
أخبل من المجنــــون شخــــص ٍ يحـاكيه
قالوا على وجهك قرينا الدلايل = والشوق بانت يا السنافي مواريه ننشدك عن شمر وملتاع حايل = واجابتك ما غير يا آآآه ... يا إيه طال الكلام ولا خرجنا بطايل = واخبل من المجنون شخص ٍ يحاكيه وين انت داله ؟ .. قلت أخيل المخايل = اللي على داره عساها توافيه يالله عسى غيمك يفل الجدايل = على ديار اللي ضلوعي مراعيه قالوا تحبه ؟ قلت ما ني بقايل = اني احبه !!! ولا انا ميت ٍ فيه يا لعن ابو حبه مسوي الهوايل = حبه مخدرني وما غير اناجيه ما أحلى السوالف والقصص والمثايل = مع طيفه اللي نون عيني مفاليه يطلع من عيوني يشب الفتايل = في البال لزناد القصيد وغناويه وينزل على هونه وينصى النحايل = له بينها عرش ٍ من الشوق بانيه الجوف له روض ٍ عليها الهمايل = فلت ظفايرها من الحب تسقيه يمشي ما بين زهورها والخمايل = والورد ينبت فوق اثاري خطاويه غيم اشتياقي له يسوق الجزايل = وتجري له انهار الغلا تحت رجليه تروي غصون ٍ بالمحبه تمايل = أثمارها تنزل على راحة ايديه قالوا يحبك قلت والشك زايل = لكن بني عمه تعزووا حواليه ووالله يالولا الله وسلم القبايل = ودرب الردا اللي والله ما ني براعيه لاسوق ذودي له واشد الرحايل = وان آصله وآروى من العد صافيه ولو عودت لاهل العزوم الصمايل = لو دونه الموت المصفي لاوافيه لكن مثلي من عيال الحمايل = يغضى لو ان قلبه تقطع عراويه ودامه هقى اني عنه ما ارضى بدايل = بتموت عيني قبل لا اخلف هقاويه |
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
