10-12-2001, 15:48
|
#1 |
|
العضوية الماسية للموقع
|
( ملف الشاعر / ابو نوت )
 [ ديسمبر 10, 2001: تم تعديل الموضوع بواسطة : نادره ] |
|
|
|
10-12-2001, 15:53
|
#2 |
|
العضوية الماسية للموقع
|
[c] 1 ) ( تلها الطيار من نجد العذية ) راكب اللي بالكفر تمشي شـوية وباقي المشــوار تبرى للهبايب ما عليها من نظــام الجاذبية دام ما جا في محـــركها مصايب لا ســـبير ولا شــراع ولا حنية ولا يعلق في جــــوانبها جنايب تلها الطيار من نجــد العذية تاصل اللي عن فيافي نجـد غايب صاحب نفسه على النوماس حيــة لو تغرب ما نســـى دار الحبايب في مريكا بس قلبه فـي نحيــة للبلاد وللرفــــيق وللــقرايب تستطيب الى وصلت اطـراف حيـة ريحة الجاوي تجيـك مع الهبايب ولا وصلت الباب ريح الشاذلية يغني العمسان عن لـف العصايب ناد يا سلطان يا ذيب السرية جازم انك ما تعـــود منه خايب لا لفيته بادره باغلا تحيـــة وانقل علوم(ن) من الديرة طرايب ثم قله يا خوي(ن)من خـــويه ما تبـــــرَا لو ينوبنه نوايب الحق اللي عقب الايام الخلية صــوبه رمح الهوى بين الترايب يا صبي المجد الأول والحـمية دوك راســي من هواها صار شايب وكان تنشـد ليه كثرت الشكية وليه لحــــقت الطلايب بالطلايب البلا زينة وصــوف(ن) وادمية وبنت ناس(ن) فعلهم يوم الحرايب اتحلا مشيها بالراعــــــبية واتحــــلا بالعيون من العجايب لابحــور ولا جـــيوش ولا منية نوع سحر من العيون الى الذوايب مزنة حـــــول مطرها عقربية خيلتها العين واشـقيت الركايب كم بنيت آمال واحلام(ن) ندية وكم بعثت من االهدايا والقضايب ومدها الدلال للتاجر هـــدية وضـاع حلمي ما طلعت من النسايب الشاعر / ابو نوت صالح السبيل **************** - - - ( 2 ) ( اهـ واهمي الي بين هدف الضلوع ) آه وا همي اللي بين هدف الضلوع ما شكيته على هذا وهــــذا وذا منه قلبي الى فكرت بامره جـزوع منه تذرف عـــيوني كن فيها قذا منه نومي رموع(ن) يختلجها رموع والمخـدة على خــــدي تعود وذا مشــكل(ن) هد حيلي ويتفرع فروع كل ما قلت عن عيني تنحـــى جذا ماتذلل ولاابدي للخلايق خضــــوع بصرت الناس بالمشكل قليلـة لذا اشــتكي واتخضع وابتهل بالدموع واتشرف برفع ايـــدي ماهـو كذا حيث ماني لغير اللي خلقني طموع عن بلاوي زمانـــي فيـه متـعوذا يا إلاهي ويا ملجاي مالي شــموع في ضلامي رجيتك جــل هــذا بـذا ثم اعني على سيف الزمان البتوع كود صدري عن الكتمة يعود عــذا يا ملاذي اليك بكل حال الرجــوع عوض القلب عقب الضيق ريح الشذا الشاعر / ابو نوت صالح السبيل **************** - - - ( 3 ) ( قلت شفنا بالهوى صرنا سوى ) ياذعاذيع الهــوى فعل الهـوى في ضمير المهتوي يلعب هوى أدركه ترف القدم من غير طردى يوم عرضه التناسي والنـوى قـــيد اقــدامي وثنى في يدي واستلذ الظلم فيني مارعوى قلت يا حلـو النبا حلو الكلام ما بقى بالجسم عرق مانكوى قال منتب لاقــديم ولا جـــديد كم توهق بالهوى شـخص ودوى والتفت لواحــد(ن) يشكـي علي قلت شفنا بالهوى صرنا سوى في غــرامه مالنا حــظ ونصيب انقطع حبل الرجا دون الدوى الليــالي عـلقتنا بالغــرام وان بغينا حاجـة قالت لوى آهـ ياعين اشـقر(ن) ماله حلي فوق كف اللي بمثله ما غوى صـايده ينتل معاليق القــلوب وانت من تليت في عينك ثوى انتبه من قبــل ســري لا يبوح ثم يدرون الـعرب بالمحتوى عقبها لا عاد تنشـــد وش يصير يضوي اللي من محله ما ضوى الشاعر / ابو نوت صالح السبيل **************** - - - ( 4 ) ( الله يبيحه صبر ابو نوت قضاه ) يامن هـــواه يجدده حر فرقــــاه وهو عن اللي بالهوى غرق لاهــي ارفـــق على قلب(ن) غلاك انت عناه تراه مما جاه بالحيــل واهــي تحـــط لي جمر(ن) من الود وآطـاه واعطيك ود(ن) كنه الورد زاهـي قلب ( ن ) تعلق فيك يكفيه ما جاه من قبل اضــيع بالطريق اتجاهي أناجريح(ن) يجحــد الجرح واخفـاه باللي جــرح روحه فخـور يباهي عليه اهوجس باســفل الرجم وارقاه واشرف على جو(ن) خلي(ن) رهاهي والــد فـي عيني من ادناه لقصـاه واشكي على اللي له تذل الجباهي ياراحـم ارحم من بغى شي واغــداه ماغيرك احـد(ن) فيه وامروناهي ودي والاي اســـج واجـــوز وانساه لكن محــله داخــل القلب راهي وده رســـم خـــط(ن) عجزت آتعداه ومن مــر عقــبه مايلدانتباهي الله يجازي عاذلي فـــيه ماغــلاه له طلت(ن) منها تفز الســواهي قـــر النظر في طلعته بس ممــداه صبي عيني باصــبح الوجـه تاهي الله يبيحه صــبر ابو نوت قضــاه عســاه يرضـــى في حلالي وجاهي الشاعر / ابو نوت صالح السبيل **************** - - - ( 5 ) ( يوم شفتك يا بعدهن تضحكين ) يا حــور كل الحور بالعين زيــن يا جمال يختفي تحت الســمول انت وين وناعــــمات الجيل ويـن فرق زينك يابعد روحي يهــول ما عليك مـن الحـــلي شي ثمـيـن كل زينك طول عمرك ما يــزول تاصـلين اللي تبين وتملكـــــين الثمان الي تشادي عقــد لول إن بغيتي وضحـــي لـــي وش تبين ياجميلة كل ابو زينك خجــول يوم شـــفتك يا بعدهـــن تضحكين احسب انه حلم من فرط الذهول اصـــبري لي كان ودك تصــــبرين في قدم رجلي عن الممشى قفول وارفقــي بي وين ودك تاصــــلين ما وراء قلبي وروحي من وصول تفهـــمين وتجرحـــين وترحمــين يا شذا عطر(ن) من العود معمول املكينـــي باليسار وباليميـــن لا ملول ولا ثقيل ولا زعــــول ما يبي لي يابعد روحـــي ضــمين ولا يبي لي لا شـهود ولا عـدول يكفي اني مطــلق قـيدي سجيــــن ماستمع في عاذلي والي يقـول عــوضيني عـن عطـش ذيك الســنين الدموع بناضري دلت تجـــــول الشاعر / ابو نوت صالح السبيل **************** - - - ( 6 ) ( امش دمعي في طواريف الأكمام ) ياصاح لاتشـــكي عنا بعض الايـام واشكي عليك من العنا كم عامي انا جـــريح(ن)بين عذال واخصام وخصــمي نجى وانا علي السلامي في قصــة(ن)تخلف عواريف الافهام ما غادرتنـــي لين دقة عظامي خــدها اختصار عطرها حبر الاقلام وينبيك عــن حـالي بقية كلامي مـــرت علي ايام بالليل ما نام والناس حولي بالمراقـد نيامي مغير افكر كيف لحمت بلحـــــام مع من رماني في فروع المضامي وخلاني اجهم مع سناالفجرمجهــام واســج رجلـي في خلي العدامي وامش دمعي في طواريف الاكمـــام اخاف تســـقط هيبتي واحترامي واقـــول للي ما تولع ولا هــام ولمسى تكســـر عبرته بالضلامي لاتحسب ان الود ونات وانغــــام في مجـــــلس لامله الرجل قامي الود ينشا بين ســــجات واوهام وزرع(ن)يجي بين الضلوع متنامي والى تقوا في عروق الحشــى صام وخلاك عن عـــيب الحبيب متعامي وخـــــلاك لقمة في حنك كل لوام وحصـدت فرقــى واستلج الهيامي مالك رجـــوع وحفرة الموت قدام احــــرص لنابك لا يقص البهامي الشاعر / ابو نوت صالح السبيل **************** - - - ( 7 ) ( تماري بالدلال وسيفها اللي تحت حاجبها ) سواليفك وملحك يابوادر طالع النوار تقصر ليلي اللي ساعته وقفت عقاربها هلابك خيرةاللافين وابرك من لفى زوار وعلى كبدي عسل كل المقالب لو تقلبها أنامركب هجر كل المرافي يابحر موار تهاوى فوق موجة حب ربّي له محببها يقولون الهوى يبدابطوروينتهي باطوار وأنااقول الهوى يملاالقلوب اللي يعذبها تولعت وبنيت من الغلا فوق الضلوع اسوار وسكّنتك ولا سكّنت غيرك لا تخربها صحيح ان الزمن دوار تكفا لا تجي دوار أحبك كلمةٍ ارسلتها لك وانت تعربها غرابيل الهوى قبلي رمت بالفارس المغوار رمت به مهرتٍ من زينها تفرض ضرايبها وانا مثله صويب اللي لها وجهٍ يشع انوار تماري بالدلال وسيفهااللي تحت حاجبها الشاعر / ابو نوت صالح السبيل **************** - - - ( 8 ) ( مدت لي السيف الشطير المحنّا يابو مهنّا ) ماكل ما يطري على البال ينقال لا كل من جاب الطواريق غناّ ولا ينشري وسع الخواطر بالاموال كم واحدٍ من كثر ماله تعنّا وكم من فقيرٍ جر بالصوت موال نجره على فقر الليالي يدنّا البيت اجار ولا خزاين للاموال وصينيته لضيوف بيته تدنّا رجلٍ على فعل الرجاجيل فعّال الى وقف في لازمه ما تثنّى وان جا الجهل من ناس ماشين جهال جنب وقال الله لا يمتحنّا وفالضيق يكفي عن ثمانين رجال الى اظلمت منّا وحدّوك منّا وركضت تطرد بالخلا ضاحك اللال وامسيت كنّك بالصحاري مجنّا وطاولك همٍ يبري الحال سلاّل يصير لك درع ٍحصين وتهنّا هذاك جنسه يوم يطري على البال أدعي عساهم يكثرون بوطنّا عيال واحفاد للأبطال وابطال كم سيروا من شامنا لا يمنّا منهم طرالي واحدٍ ماله امثال لاضاق بالي صحت يابو مهنا يفز لي حافي بلا شماغ واعقال ماكن بالدنيا حليه يكنّا يابو مهنّا طافحٍ كل مكيال والناس قدمي كنها ازوال جنّا مهيب حسّة عم والاّ خطا خال ولا بيعةٍ فيها الرجال تغبنّا هي حاجةٍ تنقال في حال وبحال أقفل عليها قفل ابو تاج منّا جتني وانا بين التردد والامهال ومدت لي السيف الشطير المحنّا وقَدمت واخليت المنازل لنزّال ولقلامه اللي بالخفا عبرنّا وحط الخطا منّي على كل الاحوال واهتز ماله بالضماير مبنّا ولا زال باقٍ شي بالقلب لا زال مستامنه عندي بعد ما ومنّا الشاعر / ابو نوت صالح السبيل **************** [/c] اخر تعديل كان بواسطة » نادره في يوم » 19-06-2003 عند الساعة » 09:26. |
|
|
|
|
10-12-2001, 16:01
|
#3 |
|
عضو شعبيات
|
يا حــور كل الحور بالعين زيــن **** يا جمال يختفي تحت الســمول انت وين وناعــــمات الجيل ويـن **** فرق زينك يابعد روحي يهــول ما عليك مـن الحـــلي شي ثمـيـن **** كل زينك طول عمرك ما يــزول تاصـلين اللي تبين وتملكـــــين **** الثمان الي تشادي عقــد لول إن بغيتي وضحـــي لـــي وش تبين **** ياجميلة كل ابو زينك خجــول يوم شـــفتك يا بعدهـــن تضحكين **** احسب انه حلم من فرط الذهول اصـــبري لي كان ودك تصــــبرين **** في قدم رجلي عن الممشى قفول وارفقــي بي وين ودك تاصــــلين **** ما وراء قلبي وروحي من وصول تفهـــمين وتجرحـــين وترحمــين **** يا شذا عطر(ن) من العود معمول املكينـــي باليسار وباليميـــن **** لا ملول ولا ثقيل ولا زعــــول ما يبي لي يابعد روحـــي ضــمين **** ولا يبي لي لا شـهود ولا عـدول يكفي اني مطــلق قـيدي سجيــــن **** ماستمع في عاذلي والي يقـول عــوضيني عـن عطـش ذيك الســنين **** الدموع بناضري دلت تجـــــول 8888888888 الميدع ابو نوت صح لسانك وجمال متميز يا سيدي ونبقى ننهل من عذب هذه الكلمات 0000000000 نادره شكرا لك على هذه المجهود 0000000000 الوجد خالد |
|
|
|
|
10-12-2001, 16:15
|
#4 |
|
رفيــق الحــزن
|
اختي نادرة كل يوم ولنا موعد مع التميز والامتاع وهانحن أمام شاعر كبير في كل شي بشعره واخلاقه وحسن تعامله مع الجميع دون استثناء . قصائد جميلة وتنسيق جميل . شكرا نادرة . شكرا ابو نوت . فعلا امتعتمونا بعملكم الرائع . أطيب التحيات للجميع . |
|
|
|
|
10-12-2001, 17:51
|
#5 |
|
عضو شعبيات
|
اختي النادره ... في كل مره تغيبين فلا يطول غيابك .. لكنك تعودي باجمل الغنايـم,,,, وفي كل مره نزداد فضولا لمعرفة جديدك ونكتشف انك اروع في كل مره .فشكرا لك لعطائك المتمـيز وشكرا معطرا بكل الحب لاخي العملاق ابو نوت على كل هذه الروعه وكل عام والجميع بالف خيـــر |
|
|
|
|
10-12-2001, 23:18
|
#6 |
|
العضوية الماسية للموقع
|
وجد الكتابه لك كل الشكر والتقدير والحترام الله يعطيك العافيه 0 |
|
|
|
|
10-12-2001, 23:24
|
#7 |
|
العضوية الماسية للموقع
|
عبدالرحمن الربيّع تسلم على كلماتك الرقيقه وتواصلك الدائم اما عن "ابو نوت " صحيح كلامك ونعم الف مره بشاعرنا الكبير الله يطول لنا بعمره ويبدع لنا الله لا يخلي الساحه من وجوده لك الف شكر يا " الربيع " |
|
|
|
|
10-12-2001, 23:28
|
#8 |
|
العضوية الماسية للموقع
|
حزام السعد يعجز لساني عن التعبير لك كلماتك وسام فخر لي الف شكر طال عمرك 0 |
|
|
|
|
11-12-2001, 01:19
|
#9 |
|
شـــــاعــــــر
|
الأخت العزيزة نادرة السلام عليكم اختي لقد ترددت كثيرا في التعليق لا لشيء وانما وقفة احترام وتقدير وعجز عن التعبير صدقيني ليس اهمالا ولا غرورا لااعرف كم كتبت لهذه الساحة الجميلة من قصيدة وكنت اعتزم ان اطلع عليهن لكي لايتكرر منها شيء وقمتي انتي بهذا العمل ماذا اقول صدقيني انني سعيد جدا لابنشر ماكتبته ولكن بما كتبتيه انتي لن اعلق مرة اخرى وسأكتفي بالمرورعشرات المرات لأرى ماتكتبينه من ردودعلى انطباعات الأخوة والأخوات حين يلمحون هذا الشعر الذي جمله مجهودمن جمعه وافخربك قبل ان افخربه لكي شكري وامتناني وتحياتي ولن اجزيكي فالله يجزيكي عني . اخوك ابونوت [ ديسمبر 10, 2001: تم تعديل الموضوع بواسطة : ابونوت ] |
|
|
|
|
11-12-2001, 03:36
|
#10 |
|
عضو شعبيات
|
الله عليك يا نادره لله درك على العمل هذا خالي و الله مبدع و الله مبدع و انت تعرف اللي اكنه لك من حب لشعرك و لصفاتك الرائعه و تقبلو تحيات....... <<<<<هالاطخم [ ديسمبر 10, 2001: تم تعديل الموضوع بواسطة : حموووود الفلته ] |
|
|
|
|
11-12-2001, 10:27
|
#11 |
|
العضوية الماسية للموقع
|
ابونوت صدقني ان فرحتي لاتوصف بردك وان جمعي لتلك الدرر اعجبك قصيدك كل بيت او كل حرف فيها عن الف معني وانت مبدع : والمبدع يفرض نفسةارجو لك المزيد من التميز وارجو من الله ان يطول عمرك وتبدع ونحنا نستمتع بجواهرك النادره 0لك مليون شكر 0 اخي الفاضل العيد مبارك وكل عام وانت بمليون خير 0 |
|
|
|
|
11-12-2001, 10:32
|
#12 |
|
العضوية الماسية للموقع
|
حموووود الفلته تشجيعك تاج على راسي لك الف مليون شكر لاهنت 0 |
|
|
|
|
11-12-2001, 16:32
|
#13 |
|
عضو شعبيات
|
الاخت نادره ذات الجهد النادر الله يعطيك العافيه وتسلم يمينك والشاعر ابو نوت يستاهل المبدع لاهنتي يالنادره وتقبلي خالص التحيه والتقدير من اخوك : أحمد آل حـــــــــــــــــارث |
|
|
|
|
13-12-2001, 02:26
|
#14 |
|
العضوية الماسية للموقع
|
الأخ الكريم /أحمد آل حـــــارث الف مليون شكر على هذا التشجيع لك مني مليون شكر الله يجزاك خير 0  |
|
|
|
|
13-12-2001, 08:08
|
#15 |
|
عضو شعبيات
|
.الأخت نادره شكراً لجمع هذه الدرر وانا اكثر من يستفيد لأني قليلة التردد على النت واغلب قصائد الأخوان تفوتني لذلك استفيدج مما تقومين به وابو نوت شاعر فرض نفسه بفعل يمناه وبأخلاقه قبل كل شي لأن الذي يبقى في النهايه بيننا هو التعامل الطيب كما اقول دائماً صح لسان ابونوت وسلمت يمين النادره .... |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
