من خير الكلام


آخر 10 مشاركات
هلا بالجميع (الكاتـب : دغيفل - - الوقت: 20:59 - التاريخ: 14-11-2023)           »          اصعب سؤال (الكاتـب : علي التركي - - الوقت: 14:50 - التاريخ: 26-06-2020)           »          وريثة الغيم (الكاتـب : علي التركي - - الوقت: 10:37 - التاريخ: 21-03-2020)           »          الظِل.......! (الكاتـب : كريم العفيدلي - - الوقت: 23:00 - التاريخ: 26-01-2020)           »          آفـآ وآلله يـآمـجـرآك (الكاتـب : ناعم العنزي - - الوقت: 10:12 - التاريخ: 23-01-2020)           »          ثـقـوب (الكاتـب : عائشة الثبيتي - - الوقت: 10:25 - التاريخ: 17-12-2019)           »          ~{عجباً لك تدللني}~ (الكاتـب : شيخه المرضي - - الوقت: 23:39 - التاريخ: 26-11-2019)           »          تاهت خطاويه (الكاتـب : حمود الصهيبي - - الوقت: 08:55 - التاريخ: 14-11-2019)           »          خزامك وشيحك (الكاتـب : حمود الصهيبي - - الوقت: 22:43 - التاريخ: 08-11-2019)           »          موسم الصمان (الكاتـب : حمود الصهيبي - - الوقت: 14:58 - التاريخ: 08-11-2019)


 
العودة   شعبيات > > قوافي البوح > منهل الشعر
تحديث هذه الصفحة بعض الدروب
 
إضافة رد
 
أدوات الموضوع
قديم 23-01-2012, 17:38   #1
خالد المحروم
عضو شعبيات
 

بعض الدروب

ياصاحبي ياشينها بعض الدروب=تركي على شاقي ويقرط برطمه
مابه حد(ن)سالم وروحه في حروب=كلّن على دنياه حظّه يشتمه
مارة دموعي لين به ساد الهدوب=كلّه ومن صكّات جتني مؤلمه
وينه رفيقي في عسيرات الهبوب=يومي نخيته هج وشرّد مقدمه
يومه يدوّر له على وقته صحوب=جيته على ساسي ونفسي مْشيّمه
مابه رفيقن كود للقرش اللهوب=لاصار عندك مال بانت لحْزمه
ولاّ ليا صارتْ لياليك ف طروب=أهْنا بعد بتشوف رفْقه تدْحمه
ماهو على كيفكْ بتشرب في عذوب=لامن بغيت العذب تلقى علقمه
هاذي تسمّى ارزاق ماهي من سلوب=ناس(ن)لها جزله وناس(ن)معدمه
راحت قصايد شاعرن حرفه يجوب =ذابت جلاميدهْ وكسّر بقلمه
مايرفع الرجّال ياكود الكروب=ومايوْقع الرجّال غير الهمْهمه
منهو قضاها بين طالب ومطلوب=راحت سلالة مانجب كلها بكمه
واللي كلامه عن فعوله قد ينوب=هذا ليا رهبْته بتقدر تفحمه
واللي عيونه تنْدرج صوب(ن)بصوب=مات بهموم وعاش عمره مندمه
واللي فعوله من لسانه في كذوب= هذا ليا صكْت بتقْدر تفهمه
رجل(ن)ليا دسته على الخافي يجوب=ورجل(ن)ليا دسته بسرّه يكتمه
دنيا مشينه والله الغافر يتوب=ونّه يزيح الهمْ وسود(ن)مظلمه
هذي دروس(ن)من زمان(ن)عجوب=طاحت على حظّي بليا مقدّمه
طبيعة الدنيا ياغالب يمغلوب =وكلّن على فعله ينال الأوسمه

خالد المحروم غير متواجد حالياً   اضافة رد مع اقتباس
إضافة رد


عدد المتواجدون في هذا الموضوع » 1 , عدد الأعضاء » 0 , عدد الزوار » 1
 
أدوات الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع