04-03-2005, 19:18
|
#1 |
|
موقوف
|
برنامج Pc Security v6.3 للتحكم التام بالجهاز
:: السلام عليكم ورحمة الله وبركاته :: الله يمسي شعبيات واعضائها بكل خير حبيت أطل عليكم اليوم ببرنامج مهم جدا للتحكم بالكمبيوتر الكل مننا عنده خصوصياته وعنده ملفاته الخاصه اللي ما يحب أي أحد غيره يشوفها او يطلع عليها هالبرنامج بيحفظ خصوصيتنا وراح يخلينا نتحكم بالويندوز تحكم كامل ,, :: معلومات عن البرنامج :: اسم البرنامج : Pc Security v6.3 صورته :  مميزاته وخدماته : 1- إغلاق الملفات برقم سري 2- إغلاق المجلدات برقم سري 3- إغلاق محركات الأقراص برقم سري 4- إغلاق البرامج برقم سري 5- إغلاق قائمة إبدا برقم سري 6- إخفاء القائمه بقرب الساعه 7- إغلاق سطح المكتب برقم سري 8- التحكم التام بالإكسبلورر 9- إمكانية إغلاق أي برنامج له ميزة الإتصال بالإنترنت 10- إمكانية منع تحميل اي ملف من الانترنت وعند إستخدام البرنامج نقدر نتعرف على مزاياه كامله موقع البرنامج : http://www.tropsoft.com/ رابط التحميل : http://www.tropsoft.com/pcsecurity.exe الحجم : 1.100 ميغا بايت يتوافق مع : All Windows رابط الكراك : http://members.abunawaf.com/b7o0o0or...curity_v63.ZIP :: شرح تثبيت البرنامج :: عند تحميل البرنامج نضغط على ملف التثبيت دبل كلك ونتابع عملية تثبيت البرنامج بالصور       اضغط نعم لقراءة المزيد عن البرنامج او اضغط لا (( إختياري )) الان انتهى التثبيت وراح يفتح معنا البرنامج  عشان نفتح البرنامج لازم نحط الباسوورد والبرنامج محدد باسوورد افتراضي له اللي هو security نكتبها في خانة الباسوورد ونضغط انتر راح يطلع معنا هذا البوكس  بعدها راح يطلع معنا مربع تسجيل البرنامج بس انا للأسف ماقدرت اشرح الطريقه لاني سجلت البرنامج قبل الشرح للاسف بس خانة التسجيل سهله ,, بيطلع لنا مربع وعلى اليسار فيه كلمة ريجستري نضغط عليها بيطلع لنا مربع فيه خانتين ,,, خانة الاسم وخانة السيريال اذا طلع لنا هالمربع نروح لـ ملف الكراك ونفتحه راح نلقى فيه ملف مضغوط ثاني نفك الضغط عن الملف الداخلي وبيطلع معنا ثلاث ملفات نسحب الملفات في مجلد البرنامج اللي هو على الامتداد التالي C:\Program Files\security/ جهاز الكمبيوتر جهاز الكمبيوتر ثم محرك الاقراص C ثم بروقرام فايلز ثم سكيورتي بعد وضع الملفات في مجلد البرنامج راح تطلع معنا بهذا الشكل  نضغط دبل كلك على الملف اللي حددناه وراح يفتح لنا هذا المربع  فيه خانتين ,, الخانه الاولى نكتب فيه اي اسم وراح يطلع معنا السيريال في الخانه الثانيه بعد كذا نرجع للبرنامج ونكتب الاسم والسيريال كل واحد في خانته وبكذا احنا ثبتنا البرنامج وسجلناه :: نجي لشرح البرنامج وطريقة تعامله :: هذي واجهة البرنامج :  الواجهه مقسمه على قسمين شريط أدوات فوق ومجموعه من الخيارات تحت لكنها هي نفسها بكل الحالتين يعني لو ضغطنا على رقم واحد بشريط الادوات فوق او ضغطنا على رقم واحد بالخيارات تحت راح يعطينا نفس الشي قبل ما اشرح خدمات البرنامج لازم نغير باسوورد البرنامج لانه الى الان محطوط على الباسوورد الافتراضي اللي هو security نضغط من واجهة البرنامج على الاختيار المحدد برقم 10 راح يظهر معنا هذا المربع  نلاحظ انه فيه ثلاث خانات الاولى نحط فيها الباسوورد القديم اللي هو security الثانيه نحط فيها الباسوورد الجديد الثالثه نكرر فيها الباسوورد الجديد ثم نضغط اوكي :: الان نشرح واجهة البرنامج :: (1) File Lock إغلاق الملفات ويوهم من يريد فتح هذا الملف غير صاحبه بان الملف معطوب (2) Window Lock للتحكم بتطبيقات ووظائف الويندوز (3) Program Lock إغلاق البرامج (4) Folder/Drive Lock اغلاق أو إخفاء المجلدات واغلاق محركات الاقراص (5) Internet Lock التحكم بالانترنت والتحكم ايضا بملفات التحميل (6) System Lock التحكم بالنظام وأدواته (7) Intruder Detection يخبرك بمحاولات الدخول لخصوصياتك بالوقت والتاريخ (8) Explorer Control التحكم بالمتصفح (9) Restricted System لتقييم النظام (10) Settings إعدادات البرنامج :: طريقة إغلاق الملفات والمجلدات والبرامج :: بدل مانتعب ونعقد الموضوع ونروح للبرنامج كل مابغينا نقفل ملف او مجلد او برنامج راح اشرح لكم اسهل واخف طريقه لغلاق الملفات او المجلدات او البرامج نروح للملف او المجلد او البرنامج اللي نبي نسكره ونضغط عليه رايت كلك انا سويت مثال لاحد المجلدات  نضغط رايت كلك على الملف اللي نبي نقفله وراح يطلع معنا زي اللي بالصوره اللي فوق نأشر على اسم البرنامج حقنا وراح تطلع لنا قائمه فيها ثلاث اختيارات احنا علينا من اول اختيارين بس الاول Lock لاغلاق الملف الثاني Unlock لفتح الملف احنا نبي نسكر الملف يعني نختار الاختيار الاول راح يطلع معنا هذا المربع بعد مانختار Lock  مثل ما نلاحظ ان المربع مقسم لثلاث اقسام واحنا بنستخدم القسم اللي احنا اخترناه يعني لو احنا مسوين هالطريقه على ملف بيكون اختيارنا للقسم اللي بالنص ولو برنامج بيكون للقسم اللي على اليمين واذا مجلد بيكون على اليسار نختار الأمر اللي نبيه اما اغلاق الملف او نخليه للقراءه فقط او نخفيه نختار من القائمه ثم نضغط OK بكذا احنا اغلقنا الملف او المجلد او البرنامج اللي نبيه وإذا بغينا نفتحه نضغط عليه رايت كلك ونختار الاختيار الثاني Unlock وبكذا فتحنا الملف او المجلد او البرنامج اللي سكرناه طيب نفرض اننا سكرنا عشر مجلدات وبغينا نفتحها لكن عملية متعبه اننا نروح لكل ملف او مجلد ونختار Unlock ونفتحه فيه طريقه اسهل واسرع نشوف عند الساعه فيه ايقونة للبرنامج نضغط عليها رايت كلك  راح تطلع لنا كذا اختيار احنا نبي اول اثنين بس الاول راح يشغل كل عمليات البرنامج وبكذا راح يسكر كل الملفات اللي احنا سكرناها والثاني بيسكر كل عمليات البرنامج البرنامج وبكذا راح يفتح كل الملفات اللي احنا سكرناها نختار الاختيار الثاني وراح يطلع معنا هذا المربع  نكتب الباسوورد ثم نضغط اوكي بكذا فتحنا كل الملفات اللي سكرناها واذا بغينا نرجع نسكرها نسوي نفس العمليه ونختار الاختيار الاول ............................................ أتمنى إني قدرت أشرح الجزء المهم من البرنامج والباقي راح تعرفونه بمجرد استخدام البرنامج إن شاء الله اني وفقت بالشرح وقدرت أفيدكم إن أصبت فمن الله وإن اخطأت فمني والشيطان ملعون الوالدين  . . تحيه طيبه B7o0o0oR |
|
|
|
05-03-2005, 09:43
|
#2 |
|
عضو شعبيات
|
رد : برنامج Pc Security v6.3 للتحكم التام بالجهاز
يطول عمرك يا خالد .. فعلاً تتبع الخطوات كان يسهل عملية الاستخدام .. شكراً لك هذا الطرح دمت يا مشرفنا بخير |
|
|
|
|
05-03-2005, 15:25
|
#3 |
|
شاعر
|
رد : برنامج Pc Security v6.3 للتحكم التام بالجهاز
. لي عودة .. يا مكسب ! . |
|
|
|
|
05-03-2005, 20:58
|
#4 |
|
عضو فـعّال
|
رد : برنامج Pc Security v6.3 للتحكم التام بالجهاز
عافاك ربي خالد  جاري التحميل |
|
|
|
|
05-03-2005, 22:05
|
#5 |
|
شاعر
|
. الله يعطيك العافية يا بو تركي .. موضوع رائع ودسم ! وشوف .. لو ماهو هو نفسه اللي بجهازي بأعاقبك وأخليك تنزله لي من جديد  الله لايهينك على هالموضوع الرائع .. وإن شاء الله يستفيد منه الجميع ! تحية طيبة . |
|
|
|
|
06-03-2005, 01:01
|
#6 |
|
موقوف
|
رد : برنامج Pc Security v6.3 للتحكم التام بالجهاز
:: أبجد :: االله يطول بعمرك يابعدي أتمنى ان الشرح كان واضح وسهل واعذرني على التقصير تحيه طيبه . |
|
|
|
|
06-03-2005, 01:03
|
#7 |
|
موقوف
|
رد : برنامج Pc Security v6.3 للتحكم التام بالجهاز
:: عبدالله البـكـر :: ننتظرك ياكبيـــرنا . . |
|
|
|
|
06-03-2005, 01:04
|
#8 |
|
موقوف
|
رد : برنامج Pc Security v6.3 للتحكم التام بالجهاز
:: ماريا محمد :: حياك الله ياخييه وربي يعافيك ,, ننتظر رأيك بعد التحميل . . تحيه طيبه |
|
|
|
|
06-03-2005, 01:09
|
#9 |
|
موقوف
|
رد : برنامج Pc Security v6.3 للتحكم التام بالجهاز
:: عبدالله البـكـر :: الله يعافيك يابوسعود .. ووجودك هو الرائع والدسم ! لا يابعدي هو اللي بجاهزك لكن يختلف الاصدار ,, اللي عندك هو الاصدار اللي قبل هذا v6.0 واذا تبي ارقيه رقيته للجديد كم عبدالله عندي  القصد من هالموضوع الفائده وان شاء الله يستفيد منه باقي الاعضاء الف شكر لمرورك ياخيّ تحيه طيبه |
|
|
|
|
07-03-2005, 01:43
|
#10 |
|
شـــاعــر
|
رد : برنامج Pc Security v6.3 للتحكم التام بالجهاز
تسلم عزيزي خالد على هذااا البرنامج وعلى هذااا الشرح الواضح والبسيط اتمنى ان يستفيد منه الجميع اجمل التحاياااااا اخر تعديل كان بواسطة » محمد العجمي في يوم » 07-03-2005 عند الساعة » 01:48. |
|
|
|
|
09-03-2005, 06:27
|
#11 |
|
موقوف
|
رد : برنامج Pc Security v6.3 للتحكم التام بالجهاز
:: محمد العجمي :: ربي يسلم قلبك وان شاء الله يستفيد منه الاعضاء والزوار مرورك شرف لي فديتك أرق تحيه |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
