27-11-2006, 09:13
|
#1 |
|
رباط ود
|
آدم ..وحواء
باديء ذي بدء ودي أطرح تساؤل ..  الحين روتانا خليجيه من قالهم يحطون أميره الفضل في برنامج ((بيت الكسيد ))!! - كذا تنطقها أنا لأني أحب الشعر وأقعد أتذوق فيه أحس أنها هي كمذيعه مخربه طعم الشعر ..  يعني مثلاً يجيك شاعر أبدوي ويقول شعر كلماته قويه ورائعه وتخلي الواحد يتفاعل معاه ..  وهي أقصد أميره الفضل تناظر فيه مفهيه شكلها مو فاهمه شي ولا تدري وين الله حاطها !! أساساً ماتدري هو أنتهى من الشعر ولا بعد وأحياناً يكون الشاعر ماانتهى ... مع أحترامي لها بس الشعر الشعبي والنبطي بالنسبه لها مثل اللغه العبريه بالنسبه لي  أحياناً تكون ماتدري الشاعر أنتهى ولا بعد وهو متحس وتووه يحمي ..  وهي تقول خلاس حلوو جميل ـ وفي قلبها تقول تلايط بس بالسوداني- ..والشاعر تووه ماقال الأبيات الكايده أنا لو لأني مدير روتانا أرجعها للأم بي سي وأعطيهم راتب وأقولهم أقضبوها عندكم لا تعتب  يعني فرق فرق بينها وبين نجاح المساعيد ذيك الأردنيه فاهمه  الشاعر يقول قصيدته ونجاح المساعيد تكملها معاه ووتتابع بشكل يخليك تتحمس تتفاعل تتابع .. --------------------------------------------------------------- عندي كم نقطه ودي أسلط الضوء عليها .. فيه نقاط تهم أختنا في الله حواء ..((السعوديه ))  ونقاط تهم أخونا في الله آدم ...((السعودي ))  وطبعاً لأن الليدي ذافرست ببدأ بحواء ............ -------------------------------------------------------------- حواء .. فيه أشياء قد ذكرتها في مواضيع سابقه بس هنا عندي كمن نقطه أحب أضيفها .. --------------------------------------------------------------- -هل أنتي أمرأه تعرف الأتيكيت تتحمل مسئولية بيت ووتربية أطفال .. المرأه السنعه لازم تعرف كيف تفكر كيف تتكلم كيف تتصرف .. يعني للأسف أبصم بالعشره أن ثلاثة أرباع البنات هنا ماعندهم قوة تحمل المسئوليه .. - اتخاذ القرار يعني مثلاً شي مهم في حياتك أنت وزوجك وزوجك رجع الشور والقول لك أنتي .. هل ستتخذين القرار فوراً ولا تفكرين ولا ترفضين ... أنا وعن نفسي أرفض أتخذ القرار لأن ببساطه ماتعودت أتخذ قرارات أهلى يتخذون لي كل قراراتي هذا من ناحيه .. ومن ناحيه ثانيه أخاف أتخذ القرار ويطلع غلط وأتفشل وأتهزء من قبل زوجي .. بس الحياة علمتني أني لازم أتعلم أتخذ القرار وفيه مواقف بسرعه أتصرف فيها ما أقعد أفكر .. يعني لازم سرعة البديهه .. - بنات فيه شي مهم لازم المرأه تتعلمه الا وهو الطبخ ...فيه بنات كثير تعرفت عليهم هنا للأسف مايعرفون يطبخون !!!! يعني قولولي المرأه الي ماتعرف تطبخ هذي وش فايدتها !! صحيح الزوج بداية الزواج يقول مو مهم الأكل اليوم نتغدى في مطعم بكره نتغدى عند أمه .. بس لازم لازم لازم الوحده تتعلم الطبخ ..مارح يظل الحال كذا بكره وبعد بيجون أطفال غذائهم أمانه في عنقك ومسئوليتك أنتي ياربة البيت ,, ---------------------------------------------------------------- آدم .. عندي لك كلام كثيرررررر ـ ياويلك ـ أرجو أن تتقبله بصدر رحب لأني أعتبر كل آدم من آوادم المنتدى أخوي الذي لم تلده أمي .... <<<<<<<<<يوسف الجراح .. <<<<<قصدي أيمن الزيوود -ياناس أيمن الزيود هذا أحس أنه مغروور وشايف نفيسته  الغرور لااااا للغروور أنا ما أداني الرجال المغرور يعني مو معناته أنك ماتلبس وتتكشخ لأ الغرور شي والتكشخ شي ...مثلاُ .. مره أنا وزوجي رحنا مستشفى وواحد مشخص ومتزبرق والساعه ماركه وخاتم وقلم مونتي بلان وبس جا واحد رجال كبير في السن على كرسي متحرك مدري وش صارعند المواعيد الا الرجال الكبير قام ينافخ ,,قام ذاك المشخص وحب راس الرجال الكبير وهدا الموقف وقام هو بنفسه وحل المشكله حتى انه قام يدف الكرسي المتحرك بنفسه ... أنا بصراحه حسيت أنها كبيرره مرره قمة التواضع والأخلاق والشخصيات - بتكلم شوي عن المسئوليه يعني واحد تزوج والى الآن ياخذ مصروفه من أبوه !!يعني اذا بيشتري حفايظ لأبنه ولا حليب لازم يروح يطلب من ابوه - ياااااآآآدم الشغل مو حرام ولا عيب ..واحد صديق زوجي من القصيم رصيده في البنك مدري كمن مليون ومع ذلك يجي الدوام بأنتظام قاله زوجي مره : أنت الي مثلك يجلس في بيته يرتاح - زوجي قالها ممازحاً - رد عليه صديقه القصيمي :أنا هذي راحتي يعني لو نمت في بيتنا اليوم وبكره رح أمل من الكسل والخمول .. تصدق ياخالد أنا يوم كان عمري أربع طعشر سنه كان أبوي يحمل سياره تمر سكري على ونيت وأجيبها أنا وأخوي الكبير لرياض أشتغل وأدرس ليمن تخرجت وتوظفت .. شوفو الكفاح من صغره أبوه معلمه الكد والعمل والشغل مو عيب بالعكس العيب كل العيب هو الرجل العاطل عن العمل هذا الي يجيب المرض يسهر وينام وياكل كا الأنعام بل هو أضل .. -الحين اذا كنت في الأتوبيس حق المطار وكان فيه حريم واقفين وحضرة جنابك قاعد متركي على كرسي !!ياخي ليش ماتقووم !! قووم تلحلح وخل المسيكينه تقعد أنت ووجهك .. والله أنا وحده من الناس أحقد على الرجال الأناني الي ماعنده حس ولا ذووق ولا شهامه ولا نبل ..  ـ مره كنت في محل كبير وفيه درج متحرك بس أنا كنت حامل ..وقالولي لا تستخدمين الدرج المتحرك أستخدمي الدرج العادي أخواتي راحو الدرج المتحرك ,انا رحت العادي .. الموهم أنا طالعه الدرج وبطني كبيرررره مرره وأربع شباب نازلين كل واحد شعره أطول من الثاني طبعاً أنا تعبانه ومو طايقه نفسي .. هم ما وخروو عن الطريق يبوني أنا أوخررر أنا ما وخرت وهاوشتهم قائلة :الحين أنتم ماتستحون عل وجيهكم وحده حامل يالله يالله ترقى الدرج ووافقين مصنمين قدامي .. ماعندكم ذوق - حتى أخواتي سمعو هواشي .. على طول وخرووو وهو متأسفين ويقولون لي : آسفين آسفين ياخاله حقك علينا .. وأنا في نفسي أقول تخلخلت سنونكم هذي مشكلة البنت تكبر قبل الولد بعشر سنين قدام يوم وصلت عند الكاشير الا هم الشباب نفسهم الي عند الدرج كانو صافين قدامي .. أول ما شافوني واقفه وخروو وقالو لي تعالي حاسبي ياخاله <<أحس اني علمتهم درس وأنتم لازم تتعلمون الدرس .. أذا شفتو وحده حامل أو كبيره في السن أو أي أمرأه بشكل عام.. وتقدرون تساعدونها في شي ساعدوها خصوصاً في الأماكن العامه من غير ما تضايقونها .. ----------------------------------------------------- _ منظر آخر في السوق وقبل أيام الأعياد يكون المحل مليان نساء وتلاقي واحد داخل مع زوجته المحل يعني محل كله حريم وواحد مسمار جحا واقف بينهم . .بصراحه شي يفشل ياخي أخرج الله لا يهينك ..أنا زوجي وأخواني مستحيل يدخلون محل فيه أكثر من ثلاث حريم ..بل ينتظروننا خارج المحل .. يقولون عيب كذا يعني نتلزق في الحريم ..بل زوجي أحياناً يقول ليش البياع رجل وسط الحريم يعني لململوها وهي تتلملم هي - فيه واحد قاضي في المحكمه يقول أن ثلاثة أرباع البنات الي يجون يطلبون الطلاق يكون سبب الطلاق وش تتوقعون ؟؟؟؟؟؟؟؟؟السبب أن زوجها ما يفرش أسنانه يااخي فشلتونا قدام الأمم المتحضره ..فيه شي أسمه سيجنال توو فيه شي أسمه كلوسسسسس أب فيه شي اسمه كرست بالحبيبات <<الأخير ممتاز يبيض السنون وأنا أشوف دعايات معاجين الأسنان دايم يجيبون وحد مع خويته اتريهم يقصدوننا ؟؟؟؟؟ معقول فيه رجال ما يفرش أسنانه الى الآن طب ليششششش.. <<وبعد يضحك أهم شي تفريش الأسنان خصوصاً اذا كان الأخ مدخن لأن التدخين يبقى في المجاري التنفسيه والفم بل أنه هناك مضمضه خاصه للمدخنين .. أنا يعجبوني المطاوعه ريحتهم دهن عود ومسواك في فمهم نظافه في نظافه .. بتقولون ليش ماتعلمين بنات جنسك يفرشون أسنانهم أقول لكم أنا أي واحد ماتفرش أسنانها ما أعتبرها أصلاً من بنات جنسي الله يقرفها بس النظافه مهمه مهمه جداً المرأه هذي الأشياء هي جبلت عليها على حب التزين والتزبرق والنظافه بس الرجل وبحكم أنه دايم في عمل ممكن ينسى أشياء مهمه كاالتطيب والتبخر .. فرسولنا الكريم صلى الله عليه وسلم كان رمز لنظافه حتى أنه قبل ما يموت سوك اسنانه .. وكان يحب أن يتطيب ..الشباب الي يطولون شعورهم كل واحد شعره أطول من شعري ويقولون أنهم يقتدون بالرسول صلى الله عليه وسلم أقول لهم ماشي جزاكم الله خيررر .. بس خذو السنه كلها وأقتدو به في كل شي ..... والله جميل يحب الجمال ... ---------------------------------------------------------- -------------------------------------------------------- هذي بعض من هرطقات مدري هرقطات احلى سوسو الي عنده أضافه يحب يضيفها يضيفها .. لازم نتطوور لازم بالقوووه بالمرووه لازم نكتشف الأمراض الي عندنا .. ونحطها تحت المجهر ونطلع لها علاجات ..... يالله ..في أمان الكريـــــــ  ــــــــــــــمفي أمان الكريم .... |
|
|
|
27-11-2006, 10:57
|
#2 | |||||||||||||
|
من كبار العيارين
|
رد : آدم ..وحواء
احلى سوسو هلا والله فيك وش اخبارك ترى الشوف شجر يا الله اشوف الكتابه والسبه خلفية هالمنتدى كنه جدار بيت طين (( تذكر حلقة الحاره في طاش يوم يكتبون على جدار بيت الطين حق اسعد عمر قلي )) لا تواخذينا لو طلع في الرد اخطاء املائية والا اكتشفتي اني طلعت عن صلب موضوع آدم وحواء وصرت اتكلم عن تأخر تمديد المجاري لبيتنا اكرمكم الله << مطالبين من زمان ولا جاهم الدور إقتباس:
إقتباس:
إقتباس:
إقتباس:
لازم تحمل وتولد ست مرات عشان تحس بالعيال << بيتسطر من معشر النساء إقتباس:
إقتباس:
إقتباس:
<< متأثر بمسلسل باب الحاره من جد فيه ابو بهالحنان مازال يعطي ولده مصروف إلى هالحين (( صورة واحد محروم من المصروف من يومه صغير وياخذ فسحته من البيت مع عصير سنتوب ولا يرجع للبيت الا السنتوب لا عب في كبده لعب .. حرقان مزمن )) إقتباس:
<< يدعي على اللي اخترع الجوال (( طراه ان البيت يتصلون عليه وجب معك كذا وكذا وكذا بدون ما يسألون معك فلوس تكفي والا لا )) وهذا السبب اللي خلا نسبة رهن البطاقات تزيد في الصيدليات وتتفوق في فترة وجيزة على محطات البنزين إقتباس:
الشباب لقو شي وقالوا لا .. ضايقوهم هالاشوام في كل محل وخصوصا الشعب اللبناني يتقاضى رواتب ولا في دولته والسعودي لو يحل محل اللبناني بقدرة قادر تروح البدلات كلها اللي كان يتمتع فيها اللبناني كله عشانه سعودي إقتباس:
صدق ترى شعبنا ماعنده اتكيت ابد ابد ... بالعكس يسابق الحرمه على الكرسي إقتباس:
لو اني مكان الحكومه لوظفه في قسم مكافحة الارهاب وأي مداهمه يروحون لها يرمونه على الارهابين يعطيهم نفس سريع من ريحة فمه يسلمون سلاحهم هذا اذا ما حصل وفيات من الريحه << تحمد ربك لا يجيك ما جاه ثمن تجي البلديه تحط غطى بياره على فمك من قوة الريحه إقتباس:
هالمره امسحيها في وجهي خلاص بنخليهم يفرشون اسنانهم ويفرشون فرشهم في السطح عشان تطق اثاميهم الشمس << ملابس عليها تطريش بزر مهوب فم إقتباس:
مشكورة يا احلى سوسو وربي يعطيك العافيه واتمنى ما اكون طلعت عن صلب الموضوع تراني جالس اكتب على حسب حفظي للحروف في الكيبورد ما نيب اشوف (( صورة واحدن ملزق خشته في الشاشه ويقول يا الله حسن الخاتمه ما لقوا غير هاللون )) مع تحيات / ابو هديب |
|||||||||||||
|
|
|
|
27-11-2006, 14:23
|
#3 |
|
رد : آدم ..وحواء
احلى سوسو يالله انك تحييها  موضوع حلو يبيله جلسه ومخمخه راجعه بإذن الله |
|
|
|
|
27-11-2006, 15:24
|
#4 |
|
المشرف العام
|
رد : آدم ..وحواء
احلى سوسو شكرا للموضوع الرائع من رائعه مثلك راجع لك برأي واحد من هالآدوام |
|
|
|
|
27-11-2006, 16:17
|
#5 |
|
الطــربة
|
رد : آدم ..وحواء
هههههههههههههههههههههههههههههههههههههه هههههههههههههههههههههه احلى سوسو .. والله انك فللللللللللللللللللللللللللله ياحبيلك بس سالفة المعجون عجبتني مووووووووووووت ..ههههههههههههههههههههههه نقاط جداً روعه .. عيني عليك بارده ..[ عليك مخ ]إللي بضيفه أنوه أمي عندها شي أساسي تدخلنا المطبخ وتخلينا نكرف ..[ ماتفرقنا عن شغالاتها بالمطبخ ] بس اللي الاحظه زوج أختي عمره مامدح أكلها ودايمن يتعنفق .. ولايجوز له الا اكل امه او المطاعم جد أحبطها .. كانت وين قبل .. [ أنا عني اتعلم الطبخ عشان احبه أما زوج المستقبل ماطقيت له خبر ]برايفت عندي أميره الفضل أرحم من نجاح المساعيد .. ذيك بها فلسفه ولقافه ومياعه ..[= تستحيلها أحيانا ] |
|
|
|
|
28-11-2006, 04:01
|
#6 |
|
مصمم متميز
|
رد : آدم ..وحواء
السلام عليكم مراحب احلى سوسو ياحبنيلك يختي بالنسبه لاميره الفضل ترها سودانيه الجنسيه بس مولده بالسعوديه واختها كنت اعرفها ايام الدراسه الظاهر اسمها ليلى<---البنت فضيحه واحسها صدق ماتنفع منول وش زينها الرادو ساترها  يختي انا مثلك مدري ليه احس شوي بتنفقع مرارتي من حركات الرجال عندنا الي ماعندهم تقدير لا كله كوم والنظافه كوم ثاني اذا شفتي واحد او وحده كاشخين ومتضبطين واخرتها اذا فتحو الفمtsh7 كله اصفر والوان ومدري وش بعد وع وبس يا انا مره صار لي موقف بالسوق كنت بتطاق مع رجال <---تخيلني متقاضبين بعض بس من جد مدري من وين جتني هذي القوه؟؟ السالفه طويله<---ماتعرف تشرح با اختصار الموهم جالسه احاسب عند الكاشير وكان قدامي واحد وكنت مبعده عنه بمسافه الحرص واجب لا يقول صدمتك مادريتوحسبي الله عليه بدال مايتقدم ويطلع من عند المحاسب لا قام ودق ريوسوجهي بوجه والا كني احسه يعني بعدي شوي بمر ويوم حسيته قرب مره وارفع يديني واهوشه خير انشاءالله عمى عيون؟؟ ولا ابن الايه يرد علي يقول وش فيك بأكلك ياخي لا بس بتلصق ومايمديك انا الي شنطتي بتاكل منك <---تطقها النفاضه اذا ذكرت الموضوعtsh7 وبالنسبه للبنات صادقه يختي والله ان صديقيت ماتعرف شلون تسوي الشاهي بس ابشرك تعرف تطبخ بيض على قولتها بس اعرست وبعد شهر من المطاع تسنعت 88 8  سواليفي وش كثرها شكله من اثر الحراره موضوع حلو ويوسع الصدر في امان الله |
|
|
|
|
28-11-2006, 08:29
|
#7 | |
|
رباط ود
|
رد : آدم ..وحواء
إقتباس:
------------------------------------ أهليييييييين .. أشكرك لأنك أضفت لموضوعي موضوع ثاني بردك أبو هديب أحس انك من أهل ديرتي ـ كننا أهل قريا ههههههههههههههه أما عصير السن توب كنت آخذه معي المدرسه حتى يوم اني في الثنويه وكنت أقول لأمي يمه يصير حار مررره ويجيب لي حرقه ـ طبعاً مع شمس الأصيل الي عندنا وشمس السن توب يصير مفاعل تشير نوبل قالت لي أمي الله يرحمها أسمعي ياسوسو اذا نزلتي العبايه وطبقتيها حطي السن توب وسطها عشان مايصير حار ماتجي الفسحه الا وهو بارد ـ يعني السن توب شر لا بد منه << كانت تجمع الصور حق كتيبات سن نوب  على العموم ألف شكر لك بس لا تكثر من أكل الفول الله يعطيك العافيه .. تقبل تحياتي |
|
|
|
|
|
28-11-2006, 08:32
|
#8 | |
|
رباط ود
|
رد : آدم ..وحواء
إقتباس:
الجازي هلا وغلا بك ترى قاعده هنا أحتريك <<<<معاها زمزمية شاهي وتقشم حب تنتظر جزجز يالله نبي المخمخه برب |
|
|
|
|
|
28-11-2006, 08:34
|
#9 | |
|
رباط ود
|
رد : آدم ..وحواء
إقتباس:
^ ^ الأوادم ولا الذيابه ذيبان أنتظر ردكوأنت راجع لا تضيع وتروح برنامج آدم ترى هناك الجراح والزيود.. وهنا أنا أشكر لك ردك ..في أنتظارك |
|
|
|
|
|
28-11-2006, 08:41
|
#10 | |
|
رباط ود
|
رد : آدم ..وحواء
إقتباس:
نجــــــــود هلا والله .. ولا زوج المستقبل ماطقيتي له خبر عيني في عينك كده نجوود سلمي لي على امكوترى أختك مع الأيام والعشره زوجها مو بس رح يحب أكلها بس لأ بيدمنه أدمان بس أنتظري عليهم شوي وبيصير ما يشتهي الا أكلها هي وبس ..وبعدين اذا تأكدتي قولي سوسو قالت نجاح المساعيد ترى الحين أحس ان الغرور لعب فيها لعبته صارت مغروره جداً أقول أستريحي يانيكول كيدمان مدري من أي مكان يطلعون مذيعاتنا tsh7 نجــــــــــــود هلا وغلا .. تحيــــــــــــــــــــــــــــاتي لك ولأختك ولأامك |
|
|
|
|
|
28-11-2006, 08:56
|
#11 | |
|
رباط ود
|
رد : آدم ..وحواء
إقتباس:
الواقع أهلين وعليكم السلام ورحمة الله وبركاته .. الحراره سلامات عسى ماشر لا بأس طهور انشاء الله أدري أن أميره الفضا سودانيه وتراها تقرب لدنيا بكر يونس ووعد ههههههههههههههههه حلوه اذا فتحو الفم يختي مايعرفون ان فيه عيادات خاصه لتجميل الأسنان أما حكايتك وموقفك بصراحه لا تحسدين علييييييييييييه وعن الي يعرفون يطبخون البيض وش هي طريقتهم بيض محشي ولا بيض صينيه بالفرن بس عساهم يعرفون يطبخون الجبنه بس يختي كتب الطبخ مليه المكتبات والنت بس أدخلي قوقل وسوي بحث وهات يامواقع الله يرحم ايام ابله نظيره بس الواقع هلا بك وغلاااااااااا شاكــــــــــــــره لك ردك ياقمر .. تحياتي |
|
|
|
|
|
28-11-2006, 10:25
|
#12 |
|
شــاعر
|
رد : آدم ..وحواء
احلى سوسو طيب وانتي طال عمرك تتذوقين الشعر كيف طعمه مر والا حالي ؟ لاني اعرف واحده تذوقته من قبل جاها مراره انتبهي وانا اخوك اميره الفضل مين يا عمي ونجاح مين المساله تسويقيه بحته تبينهم الله يهديك يحطون واحد شنب ؟ وشلون يسيح ضيدان ويميع ابن الذيب ويجبون العيد ربعنا ؟ والي يقول لها طقم اسناني جديد والثاني يقول لاريام انا اشتري الشريط عشان صورتك وهي فرحانه ما فهمت انه يقولها لها اتركي الغنا وخلك بعرض الازياء افضل يا ستي المشكله اساسيه المشكله في الساحه ومن منطلق المخرج عاوز كذا في برنامج يقدمه واحد قطري يسمعونه اربعه فقط والاربعه هذول يسمعونه لان 3 منهم يظهرون فيه والرابع هو المخرج بس لو تقدمه واحده صوتها حلو كان نص الساحه تتميلح عندها هذه حقائق ووقائع بس ماحد يبي يعترف والكل لما تناقشينهم يدعون المثاليه اما بالنسبه لباقي الموضوع فعندي لك نصيحه وانا اخوك الموضوع قمه ويبي لها قعده مظبوطه ولكن ارجو منك ان تقتصدي في استخدام الالوان لانها مكلفه ولي عوده امخمخ على باقي الموضوع |
|
|
|
|
28-11-2006, 14:15
|
#13 |
|
شـاعر
|
رد : آدم ..وحواء
هلا سوسو بالنسبه لاميره الفضل فانا قد اثرت هذا التساؤل في الاقلاع بس محد تجاوب معه اميره خفيفة دم وظريفه واخلاق بس بيت القصيد مهوب لها. تصلح يمكن في برنامج للمرأه . وبالنسبه لادم , ف تفريش الاسنان شي اساسي مهوب من الكماليات والا من التطيب . ابدا . الفم واجهه "يجب" ان تكون نظيفه اللي تطلب الطلاق عشان زوجها ما يفرش هذي بلا شك " ناقصة عقل ودين " نمرة واستماره اتوقع فيه حلول كثير غير الطلاق ! وحوا اللي ما تفرش اسنانها زي البي ام اللي ما تغسل ممكن اتقبل اشوف كامري وصخه بس موب بي ام . هكذا هو الحال مع الرجل والمرأه شكرا سوسو مواضيعك في الصميم بس لو تنصفين الرجل شوي |
|
|
|
|
28-11-2006, 15:55
|
#14 | |
|
عضو فعّال
|
رد : آدم ..وحواء
إقتباس:
ممكن سوأل ياخاله <<<بتصفقاول شي : وش دخل اميره الفضل السودانيه .. بامورحواء وادم السعوديين ههههههههههههههسوسو الموضوع ..يجنن فيه اكششششن ..لي عوده بس الحين مستعجله |
|
|
|
|
|
28-11-2006, 16:09
|
#15 |
|
شـــاعر
|
رد : آدم ..وحواء
[.. اخر تعديل كان بواسطة » الديوانية في يوم » 02-05-2008 عند الساعة » 04:10. |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
